मत्याल 13:15 - माडिया गोंड पवित्र सास्त्रम

¹⁵ बाराह्‌क इतेके ओरा बुद गळ्स आता; केव्कने केनकेने केंजिह्‌तोर, ओसो तमाङ कोंडाङ पिहतह्‌तोर. अद्रम आसि ओर कोंडाने ऊळ पग़वोर, केव्कने केंज पग़वोर, बुदते पुनदा पग़वोर, अहे सव्रेम आयलाह नयगा वावोर,’ इन्जि देवुळ यसयान इन्ह्‌ता. (इद पोल्‍लो नावाङ केंजवोरा लोप्पा इर्सा करल आता.)

मत्याल 13:15 Referans Kwoze

मार्कल 4:12

बह इतेके: ओर नावाङ कबस्किन ऊळलाह कोनि ऊळनुर, मति अविस्कना अर्तम ओर पुनोर आयनुर, ओसो नावाङ केंजलाह कोनि केंजनुर, मति ओरिह्‌क तेळियो आयग़ा. अद्रम पुतेके, तेळियतेके, ओर देवुळतके मलवेर, अस्के देवुळि ओरा पापमतुन मापि केवालि ,” इनजोर इतोग़.

इब्रितोर 5:11

वेग़ मेल्किसेदेकना लोप्पाडाङ पोल्‍लोङ वेल्‍लाङे मन्ह्‌ताङ. वेहेनन; मति मीट केंजलाह लंडा आंदिर. अदिनेनाह्‌क मीक तेळियिह कीयलाह तिपल मन्ह्‌ता.

2 तिमोति 4:4

कीसि सेतेमतुन केंजलाह, केव पायवा मनदनुर, मति मन्कलोर पुटिह कीतव पीटोङ केंजलाह, केव ओगनुर.

बळयिर 7:57

इतस्के तग्वाङ केवालोर लोकुर, (वेग़ देवुळतुन पास्किह्‌तोग़ इनजोरे,) पकाय जोरते केयिसि तमाङ केव्किन मुचतोर, मुचिस उंदि विचरते वित वासि ओन पोयतोर.

तोहचीतव पोल्‍लोङ 22:2

ताना एग़ु सहरता बेरा अग़दा नडुमतुह्‌क पोङसोर मता. बेरेटाङ रेंड आस दडिनगा, हामुरलेवा जीवा ईयनव मराङ मताङ. अव मराङ, नेला-नेलातुह्‌क, अलग-अलग रीतताङ पंडिङ आदिंदुङ. इद्रम वर्सामेटे बारा मल्काङ आदिंदुङ. ओसो अव मरानाङ आकिने, सबे जातिनोर मन्कलोर सव्रेम आंदुर.

बळयिर 3:19

अदिह्‌क इंजेके मीट पापमता अग़दाहि मिळ्न्दिसि देवुळतके मल्म्ह्‌टु, अस्के देवुळि मीवा पापमतुन एडिह कीयग़ा. एडिह कीसि अद मीवा जीवातुह्‌क आरम ईयग़ा.

लूकाल 19:42

ओसो इद्रम इतोग़, “मीकु सुकम ईयनव पोल्‍लोन नेंडे मीट पुन्ज मतेके, बेस आस मनालि. मति इंजेके इसि, अव पोल्‍लोङ मीवाङ कोंडाह्‌क दिसोङ.

बळयिर 28:27

बाराह्‌क इतेके, देवुळता पोल्‍लो तेळियलाह, वेरा बुद गळ्स आता. तमाङ केव्कने केनकेनेन केंजिह्‌तोर, ओसो ऊळवाह कोंडान पिहतलाह आतोर. अद्रम केवेक कोनि, तमाङ कोंडाने सेतेमतुन ऊळेर, तमाङ केव्कने नावाङ केंजेर, तमा बुदते पुनेर, पुन्जि नयके मल्स वावेर, अस्के नना वेरिन बेस केवेनन,” इनजोर वेहा’ इता.