मत्याल 12:46 - माडिया गोंड पवित्र सास्त्रम

⁴⁶ जमा आता मुडा संगे येसु वळ्ह्‌कसोर मनेके, ओना तलोग़ि, ओनाङ तमोर वासि, ओना संगे वळ्ह्‌कना मन्ह्‌ता इन्जि, लोता पलते निच मतोर.

मत्याल 12:46 Referans Kwoze

मत्याल 13:55

बह वेन इसि माट पुनोम, वेग़ वड्लाना मग़ि आयोग़ा? वेना तलोग़ मरियालि आयोया? ओसो वेनाङ तमोर वने याकुबि,योसेपि, सिमोनि, यहुदाल वेरे इन्जि माट पुनोमा?

योहन 2:12

मर्मिङ मारतस्के येसु तना तलोग़ि, तनतमोर, ओसो तनाङ कग़यवालोरा संगे कापेर्नाग़ वातोग़, अगा ओर उचुके दियाङ रोमिस मतोर.

योहन 7:5

बह इतेके तनतमोर वने ओन नमोर आंदुर, अदिह्‌के ओर इद्रम इंदुर.

योहन 7:3

अस्के येसुनाङ तमोर येसुन इतोर, “दादा, नीवाङ कीयनव कबस्किन, नीवाङ कग़यवालोर ऊळना इन्जि, निमा इग्डाहि पेसिसि, यहुदा पटटे अन.

बळयिर 1:14

वेर सबेटोर बळयिर उंदिय विचरते, देवुळतुन पार्तना कीसोरेन मंदुर. ओसो वेरा संगे उचुक आस्कु, येसुना तलोग़ मरियाल, ओसो ओनाङ तमोर मतोर.

गलातितोर 1:19

दुस्रोर येसुनाङ बळयिरिन इतेके, नना ऊळोन मति, सिरप येसुना तमोग़ याकुबिये कलियतोग़.

1 कुरिंततोर 9:5

अद्रमे किर्स्तुनाङ दुस्रोर बळयिर, सामिनाङ तमोर, पत्रु, वेर बेक अतेकाय तमाङ मुतेस्किन, ऐंगे ओयना लेह्‌कान, विस्वसि मुतेन पोस वेलियलाहि, माक वने अदिकर मन्ह्‌ता.

योहन 7:10

पया तनतमोर येरुसलेमते अतापया, येसु वने वेल्‍लाय पया, बोन्के दिसवाह पंडुमते अतोग़.

लूकाल 2:48

ओना तलोग़-तपे वने ओन ऊळिस पका बामतोर. पया ओना तलोग़ इता, “माक इद्रम बाराह्‌क तिपल कीतिन बाबा? मिय्माल, नना, पका आलिह कीसोर, नीक बेचोन पर्ह्‌कतोम, एर्काये!”

लूकाल 8:10

येसु ओरिन इतोग़, “मीक इतेके देवुळि तना राजेमताङ मकतव पोल्‍लोन पुनदलाह बुद ईता. दुस्रोरिह्‌क बार इव मकतव पोल्‍लोन, नना पुन्पिह कीयनव पीटोने वेहतह्‌नन. इतेके: ओर नावाङ कबस्किन ऊळलाह कोनि ऊळसोर मनदनुर, मति अविस्कना अर्तम ओरिह्‌क बेस्केन तेळियो आयग़ा, ओसो लोकुर नावाङ केंजलाह कोनि केंजसोर मनदनुर, मति ओरिह्‌क बेस्केन तेळियो आयग़ा.

मार्कल 2:21

(इतापया, तना काग़्हतव पूनाङ पोल्‍लोनगा, पाळ्ना रिवजताङ पोल्‍लोङ कलिय पग़वोङ इनजोर तोहतलाहि, रेंड पुन्पिह कीयनव पीटोने इद्रम इतोग़,) “पाळ्ना गेंदेता अग़ता बूकातगा मेतलाह, पूना गेंदे बोग़े ओल्सोग़. ओल्सतेके पूना गेंदे पाळ्ना गेंदेतुन अग़्हचि, इंका ओसो बेरा बूका कीयग़ा.

योहन 2:5

पया अदु मर्मिनगा सेवा-साकुर केवालोरिन इता, “वेग़ मीकु बाताङ वेहतनोग़, अहे कीम्ह्‌टु,” इता.

लूकाल 2:33

सिमियोन मुय्तोग़ इतद पोल्‍लोतुन केंजिसि, येसुना तलोग़-तपे बामतोर.

योहन 2:1

पया मूंड दियाने, गालिल पटटा काना नाटेनगा बोनाङो मर्मिङ मताङ, अगा येसुना तलोग़ वने मता.

लूकाल 2:51

पया येसु तपेरा संगे तमा नासरेत नाग़ अतोग़. पेकाल ओरा पोल्‍लो केंजसोर ताकिंदोग़. ओना तलोग़ इव सबे पोल्‍लोन तना पोटातगा तासिस, आलिह कीसोर मता.

मत्याल 2:20

“योसेपि, पेकान हव्कलाह ऊळिंदुर, ओर हातोर. निमा इंजेके तेदिसि पेकानु, ओसो ओना तलिन पोसि, इस्रयेल देसेमते मल्स अन,” इता.

मत्याल 2:11

पया ओरु उका रोमतद लोतगा नेङतोर, अगा पेकानु, ओना तलोग़ मरियानु ऊळतोर, ऊळिसि पेकानाङ काल्क अर्सि, ओरु ओन दंडुम अरतोर. ओसो ओरु तमाङ सोमताङ पेटिनु तेंडिसि, बंगरि, वेल्‍ला दाराता दूपमि, अतर्नेयु, इद्रमताङ पेकाह्‌कु वाटटोर.

मत्याल 1:18

देवुळ लोहतोग़ पिसिह केवाल येसु इद्रम पुटटोग़ इतेके, ओना तलोग़ मरियानु योसेपि ताल्ह्‌किसि पोल्‍लो करल कीस मतोग़. वेर इर्वुर जोळेम आयनामुनेन, अदु नेलाङ हव्कतद दिसता; इदु देवुळता पवित्र जीवाता लावता मेटेन आता.

योहन 19:25

हव्कनागुटाता एरे येसुना तलोग़ि, ओसो तमकूचि, ओसो कोल्पाना मुते मरियालि, ओसो मग्डला नाटेनद मरियालि, इव अगान निच मताङ.

लूकाल 1:43

अलो देवन, नावा सामिना तलोग़ नाक ऊळलाह वायना, इद्रमता देय्वा नाक बेग्डाह दोर्कता!

मत्याल 12:47

अस्के बोग़ो येसुन वेहतोग़, “गूरु, नीवा यायालि, नीवाङ तमोर पलते नीवा अग़ ऊळसोर निच मन्ह्‌तोर,” इतोग़.

लूकाल 2:34

पया सिमियोन मुय्तोग़ ओरिह्‌क बर्कतताङ पोल्‍लोङ वेहतोग़, वेहचि पेकाना तलिन इद्रम इतोग़ इतेके, “इगा वेल्‍लाटोर इस्रयेल लोकुर विस्वस केवोरु बूळेम आयिर, ओसो वेल्‍लाटोर विस्वस केवालोर पिसिर इनजोर, देवुळ वेन आचता. वेग़ देवुळतुन तोहतनद सीना मनदनोग़, मति लोकुर वेना पोग़ोन विस्वस केवालेवा वेन पास्कनुर.