मत्याल 12:42 - माडिया गोंड पवित्र सास्त्रम

⁴² अद्रमलेह्‌काने सीबा देसेमता रानि साल्मोन राजाना बुदताङ पोल्‍लोङ केंजलाहि, वेल्‍ला जेकताहि इगा वास मता. ऊळाटु, साल्मोनिह्‌काय वीळिस बेरा पोल्‍लो मियगा एवता, मति मीट इतेक केंजविर. अदिह्‌के आक्रि नेयमता दियाते, अद रानि वने निचि, इद पीळतोरिनु तप तासग़ा.

मत्याल 12:42 Referans Kwoze

योहन 1:14

देवुळता जीवात मनदनद पोल्‍लो, मावा लेह्‌का कय-कादोग़ आसि, मन्कना रूपते मावा बूमतगा वाता. ओग़ु देवुळता पूरा देय्वातुनु, पूरा सेतेमतुनु पोसि, मावा नडुम जागा आतोग़. ओग़ देवुळबाबाना वग़ोग़ मग़ आंदोग़; माट ओना डीसातुन ऊळतोम. (ओग़े येसु किर्स्तु आंदोग़.)

मत्याल 17:5

पत्रु इद्रम वळ्ह्‌कनेकेने, पांड्रि मोयुलि ओर सबेटोरिन मुळ्हता, मुळ्हतापया पोग़ोटा मोयुलताहि उंद आल्का वेनदा वाता: “वेग़ नावा जीवा कीतोग़ मग़ि, वेना लोप्पा नना पका गिर्दाते मह्‌नन; वेनाङे मीट केंजसोर मन्ह्‌टु,” इद्रम वेनदा वाता.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

मत्याल 3:17

पया पोग़ोटाहि देवुळता आल्का केंज वाता, “वेग़े नावा जीवा कीतोग़ मग़ि, वेना लोप्पा नना पका गिर्दाते मह्‌नन,” इद्रम वेनदा वाता.

मत्याल 12:41

केंजाटु, योनाना कबुरतुन केंजिसि निनवे सहरतोरु, तमा पापमताहि मिळ्न्दतोर इन्जि पुतिर. ऊळाटु, योनाह्‌काय वीळिस बेरा पोल्‍लो मियगा एवता, (मति मीट इतेक केंजविर). अदिह्‌के आक्रि नेयमता दियाते, निनवे सहरतोर निचि, इद पीळतोरिनु तप तासनुर.

मत्याल 12:6

नना मीक वेहतह्‌नन, मंदिरतुह्‌काय वीळिस बेरा पोल्‍लो मियगा एवता!