मत्याल 12:18 - माडिया गोंड पवित्र सास्त्रम

¹⁸ देवुळि इन्ह्‌ता, “ऊळाटु, वेग़ नावा सेवकि, वेने नना आचतन, वेनगाने नना जीवा वाटिह्‌नन, वेना संगे नना गिर्दाते मह्‌नन. वेना पोग़ोन नना नावा पवित्र जीवातुन रेहतकन. वेग़ सबे जातिनोरिह्‌कु, नावा सेतेमतुन आबुर कीयनोग़.

मत्याल 12:18 Referans Kwoze

लूकाल 4:18

“देवुळता पवित्र जीवाता दळ्म नयगा अरता. गरिबतोरिह्‌क बेसता कबुरतुन पोकुर कीयलाहि, देवुळि नाक निल्पिह कीता. मन्कलोरा कय इळ्न मनवालोरिन, देवुळ मीक विळ्सिह कीता इनजोर, पोकुर कीयलाहि, तोववोरिन मीट तोवयकिर इनजोर, पोकुर कीयलाहि, तिपलते मनवालोरिन विळ्सिह कीयलाह, देवुळि देय्वा ईयनद कगो एवता इनजोर पोकुर कीयलाहि, अद नाक लोहता.” इनजोर रासतदिन अर्वतोग़.

योहन 3:34

बोनु देवुळि लोहता, ओग़ु देवुळताङे पोल्‍लोङ वेहतह्‌तोग़. बाराह्‌क इतेके देवुळि तना जीवाते ओन पूरा निहता इनजोरे.

1 पत्रु 2:4

दुनियाते विस्वसलेवोर मन्कलोरु, येसुनु अङ्ळमतोग़ इन्जि पोहचीतप ऊळतोर, मति देवुळ ओनु कूब असलतोग़ इन्जि आचिसि, (तना लोतुह्‌कु आदर ईयनद मोदुल-बंडा इन्जि) तासता. ओग़ु जीवात मनदनदु बंडाता लेह्‌का मन्ह्‌तोग़.

2 पत्रु 1:17

अद इद्रम मन्ह्‌ता: बेरा डीसाता देवुळि तना लेङते, “वेग़ नावा मग़ि; नना वेन जीवा कीतन; वेन ऊळिस गिर्दा आतन” इनजोर, देवुळबाबाल ओन मान ईसि, बेरोग़ कीतोग़. (कीतस्के माट अगा मतोम.)

कुलुसितोर 1:13

ईकळते मतप लेह्‌कान, देयह्‌कना कयदे मतल. मति देवुळि माक देयह्‌कना कयदाहि विळ्सिह कीसि, तना पका जीवा कीतोग़ मग़ना राजेमतगा तचीता.

कुलुसितोर 1:1

नना पोलुनन, देवुळता विचर मतपु, येसु किर्स्तुना बळयिनन आंदन. कुलुसि सहरते मनवालोर देवुळता मन्कलोरिर मीक इद सीटि रासलाह आतन. मावा तोळतोग़ विस्वसि तिमोति वने, इगा नावा संगे मीक जय येसु वेहतह्‌तोग़. मीट किर्स्तुन विळ्सवा विस्वस कीय्ह्‌निर इनजोर माट पुतोम. मावा देवुळबाबानाहि मीक सुकमि, देय्वा दोर्कि.

इपिसुसतोर 1:6

ताना जीवा कीतोग़ मग़ि किर्स्तुना लोकुरल माट आताह्‌कु, अद मावा पोग़ोन लेकालेवा दया कीता. माट तान मान ईसि जोहर कीयना इनजोर, माक अद्रम दया कीता.

बळयिर 14:27

वातस्के विस्वसिरा मुडुन जमा कीतोर. जमा कीसि, देवुळि ओरा कयदे कीतव बेराङ-बेराङ कबस्किन वेहतोर. ओसो यहुदि आयवोरेनाह्‌क वने, येसुन विस्वस कीयलाहि, देवुळि बेद्रम अग़दुन तेग़यिस ईता, इन्जि वने वेहतोर.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

लूकाल 23:35

अगा मुडा लोकुर निचि मोल्‍लाङ कोटनदिन ऊळसोर मतोर. यहुदिराङ मुक्यालोर येसुन पास्कसोर इद्रम इतोर, “वेग़ दुस्रोरिन विळ्सिह कीतोग़, वेग़ देवुळ आचतोग़ पिसिह केवाल किर्स्तु आंदोग़ इतेके, तनाय तन्क विळ्सिह कीयेग़,” इतोर.

लूकाल 9:35

ओरिन मुचतद मोयुलताहि उंद इद्रमता लेङ केंज वाता, “वेग़ नावा मग़ि आंदोग़, वेन नना आचतन, वेनाङे मीट केंजसोर मन्ह्‌टु,” इता.

मार्कल 9:7

अद्रम इनेकेने, ओरा पोग़ोन मोयुल वासि ओरिन मुचता, मुचतस्के अद मोयुलताहि उंदि इद्रमता लेङ केंज वाता, “वेग़ नावा जीवा कीतोग़ मग़ि आंदोग़, वेनाङे मीट केंजसोर मन्ह्‌टु,” इता.

मार्कल 1:11

अचोटेन पोग़ोटाहि देवुळता आल्का केंज वाता, “निमा नावा जीवा कीतोग़ मग़निन, नीवा लोप्पा नना पका गिर्दा आतन,” इनजोर केंज वाता.

मत्याल 17:5

पत्रु इद्रम वळ्ह्‌कनेकेने, पांड्रि मोयुलि ओर सबेटोरिन मुळ्हता, मुळ्हतापया पोग़ोटा मोयुलताहि उंद आल्का वेनदा वाता: “वेग़ नावा जीवा कीतोग़ मग़ि, वेना लोप्पा नना पका गिर्दाते मह्‌नन; वेनाङे मीट केंजसोर मन्ह्‌टु,” इद्रम वेनदा वाता.

मत्याल 12:17

इद्रमि यसयाल इनवाल देवुळता मुनेतोग़ कबुरतोग़, देवुळ लोहवाल राजाना लोप्पा बेद पोल्‍लो वेहच मतोग़, अद इंजेके करल आता. अद इह मन्ह्‌ता: