मत्याल 11:8 - माडिया गोंड पवित्र सास्त्रम

⁸ अद्रमतोन आयवेके पया, बोन ऊळ अन्ज मतिर? रेसेम गेंदेङ उहतोग़ मन्कनुया? केंजाटु, रेसेम गेंदेङ उहतोर मन्कलोर पेळ्ह्‌कल बूमतगा मनोर, राजमिदेनगान मन्ह्‌तोर.

मत्याल 11:8 Referans Kwoze

मत्याल 3:4

मुनेता कालमते एलियाल कबुरतोना लेह्‌का, योहननाङ केग़यनाङ केनकेनेताङ, इतेके रूटुह्‌कनाङ केल्कने कोटटद गेंदे उहन्दोग़, नंडटुह्‌कु तोलाता पेटा दोहन्दोग़. ओना तिंडि इतेके पापेङ, ओग़्वेनेय अचोने मंदु.

तोहचीतव पोल्‍लोङ 11:3

ओर अद्रम कीयनव दियाने, नावा साक्सि एवालोर इर्वुर मन्कलोरिह्‌क, नावा पोल्‍लो वेहतनद अदिकर ईकन. ओर पोता-गेंदेङ उहचि, उंद अजर रेंड नूह्‌क मूंड वीसाङ (1260) दियाङ एवनाह, नावा पोल्‍लोतुन पोकुर कीयनुर,” इन्जि सामिना उकुम नयगा वाता.

2 कुरिंततोर 11:27

बेसता कबुरतुन पोकुर कीयनदिना लोप्पा तिपल आसि, एपुर पेसनाह कह्‌टेम कीतन. वेल्‍लाङे मल्काङ, निद्रलेवा तिपल आस मतन. जावा-एग़ दोर्कवा तिपल आंदन. वेल्‍लाङे मल्काङ सेवा कीसोर, गाटो तिनदलाह पुर्सत दोर्को. इर्ङमते मुचलाह, वेल्‍लाङे मल्काङ गेंदेङ आलोङ.

1 कुरिंततोर 4:11

नेंड एवनाह माक जावा-एग़ दोर्को, उहतलाह गेंदे दोर्को, मन्कलोर माक कुळ्मिह्‌तोर, इके-अके वेलियसोर मह्‌नोम.

मत्याल 11:7

योहननाङ कग़यवालोर अग्डाहि पेसिस अनेके, येसु मुडोरा संगे पया योहनना लोप्पा वेहता बोटटोग़, “पेळ्ह्‌कल बूमते मीटु योहननाङ केंजलाह अतिर अस्के, बेद्रमता मन्कन ऊळलाह अन्जि? वळ्यते विग़्कु-वग़्कु आयनद काग़रोंडालेह्‌का, तना पोल्‍लोतुन मिळ्हच-मिळ्हच वेहवान ऊळलाह अन्जिया?

मत्याल 11:9

पया बाराह्‌क अन्ज मतिर, रा? देवुळता कबुरतोन ऊळलाह, आयोया? मीक नना वेहतह्‌नन, मुनेतोर देवुळता कबुरतोरा सेवातुह्‌क वीळिस, योहनना सेवा मता, अद्रमतोने मीट अन्जि ऊळतिर.

लूकाल 7:25

बार रेसेम गेंदेङ उहतोग़ मन्कन ऊळलाह अन्जिया? केंजाटु, रेसेम गेंदेङ उहतोर मन्कलोर, सबे रीतिना मालसोम मनवालोर, पेळ्ह्‌कल बूमतगा मनोर, ओर राजमिदेनगा मन्ह्‌तोर.