मत्याल 11:6 - माडिया गोंड पवित्र सास्त्रम

⁶ नना बोनन आंदन इन्जि, बोर उन्क-मन्क आयोर, ओर देय्वातोरे, इह इनजोर योहनिन वेहाट,” इन्जि येसु वेहतोग़.

मत्याल 11:6 Referans Kwoze

1 कुरिंततोर 2:14

मति बोग़ु मन्कना बुदते ताकिह्‌तोग़, ओग़ देवुळता जीवाताङ पोल्‍लोन केंजोग़. ओग़ अव पोल्‍लोन बुदलेवव पोल्‍लोङ इन्ह्‌तोग़. बाराह्‌क इतेके, देवुळता जीवातेने, अव पोल्‍लोन बेस-नेह्‌ना पर्ह्‌किस ऊळनदु. ओग़ अद्रम केवाह्‌कु, अविस्किन पुनदा पग़वोग़.

मत्याल 26:31

अस्के येसु ओरिन इतोग़, “केंजाट, सास्त्रमते देवुळि इहे इन्जि रासतद मन्ह्‌ता: नना कोपानु हव्ककन, अस्के गोह्‌डटाङ गोरेङ बिरोबटो आयनुङ. नेंड नग़्का नाकु मीट सबेटोरिर विळ्सिस वितकिर, अस्के अद सास्त्रम करल आयग़ा.

योहन 6:66

अस्केडाहि येसुनाङ कग़यवालोर वेल्‍लाटोर, इंजेटाहि ओना संगे मनवल इनजोर, येसुन विळ्सिस मल्स अतोर.

मत्याल 24:10

अस्के नाक नमवालोर वेल्‍लाटोर तमा विस्वसतुन विळ्सिसि, ओर्विह्‌क-ओर्वोग़ कोंटेतोरा कयदे पोसीयनुर, ओसो ओर्विह्‌क-ओर्वोग़ कोंटेङ कीयनुर.

1 पत्रु 2:8

“अदु ओरिह्‌क कोदुर ईयनद बंडालेह्‌का आसि, मुटिह कीयनद आदलेह्‌का आता,” इन्जि इंका पवित्र सास्त्रम वेहतह्‌ता. तना पेकाना लोप्पा देवुळता वेहतद पोल्‍लोन केंजवाह्‌कु, नमवाह्‌कु, ओरु कोदुर ईसि अरयह्‌तोर. ओरु अरयिर इनजोरे, देवुळ ओरिन आचिस तासता.

मत्याल 18:7

विस्वसतुन विळ्सलाह एग़्कुळ कीयनव पोल्‍लोनेनाह्‌कु, दुनियातोरिह्‌कु पका गोसा आयग़ा. इद्रमताङ पोल्‍लोङ कोनि आयनुङे, निटमे! मति बोर दुस्रोरिन नाक विळ्सनाह एग़्कुळ आस्तोर, ओरिह्‌क देवुळ पका सिक्सा ईयग़ा.

गलातितोर 5:11

इंजेके नाक इंका डायना रिवजता पोकुर कीस्तोग़ इन्जि, उय्तुर इन्ह्‌तोर. मावोरिर, नना इद्रम पोकुर कीतन इतेके, यहुदिर नाक विरुद केवोर आवेर. हव्कनागुटातगा येसुसामि ईतद मोकतेनाह्‌के पिसमुळ दोर्किह्‌ता इन्जि, नना पोकुर कीताह्‌केने, यहुदिर नाक पका ओङ आस्तोर.

लूकाल 2:34

पया सिमियोन मुय्तोग़ ओरिह्‌क बर्कतताङ पोल्‍लोङ वेहतोग़, वेहचि पेकाना तलिन इद्रम इतोग़ इतेके, “इगा वेल्‍लाटोर इस्रयेल लोकुर विस्वस केवोरु बूळेम आयिर, ओसो वेल्‍लाटोर विस्वस केवालोर पिसिर इनजोर, देवुळ वेन आचता. वेग़ देवुळतुन तोहतनद सीना मनदनोग़, मति लोकुर वेना पोग़ोन विस्वस केवालेवा वेन पास्कनुर.

मत्याल 5:29

अदिनेनाह्‌क नीवा विचरतगा, कोंडाते ऊळिस पापम कीयलाह आतेके, कोंडातुन बोग़ाय पेग़्हचीतेक आवालि, इद्रम निमा पापम आयमाकि इन्जि जिद कीमु. बाराह्‌क इतेके नीवा पूरा मेंदुलि, देयमदीपता अमेसाता सिक्सातगा दायना वाटो, नीवा मेंदुदा उंदि कोंडा बूळेम आयना, इद नीके पाय्दाता.

लूकाल 7:23

इव सबेटविन ऊळिसि, नना देवुळ लोहतोग़ पिसिह केवानन आंदन इन्जि, बोर उन्क-मन्क आयोर, ओर देय्वातोरु,” इनजोर वेहतोग़.

योहन 16:1

“मीट विस्वसताहि अरयनायो इन्जि, मीक इव गोटिङ नना वेहतन.