मत्याल 11:2 - माडिया गोंड पवित्र सास्त्रम

^2-3 देवुळता पेदिरते एते मीहवाल योहन जेलते मनेके, देवुळ लोहतोग़ येसुराजानाङ कबस्किन केंजतोग़. केंजिसि वेग़ तनाङ कग़यवालोरिन इतोग़, “येसुनगा अन्जि इद्रम ताल्ह्‌किस वाटु, ‘बोग़ देवुळ लोहवाल पिसिह केवाल राजाल वावाल मतोग़, ओग़ बह निमानेया? बार माटु दुस्रोना अग़ ऊळकोमा?’” इन्जि ओरिन येसुनगा लोहतोग़.

मत्याल 11:2 Referans Kwoze

मार्कल 6:17

बाराह्‌क इतेके, (योहनि, एरोद राजाल, वेरा नडुम कट्लाङ इह आस मताङ.) राजाना दादाल पिलिप इनवाल जीवात मनेकेने, वेना मुते, एरोदियसि इनदनदिन, राजाल तना लोन तच मतोग़. अदिनेनाह्‌क योहनि राजानगा अन्जि इतोग़, “नीवा दादाना मुतेन तासना, इद नीवा कीतद कबळ इतेके, मोसानाङ अडोङ वेहतपु पोलो, महरज,” इनजोर वेहच मतोग़. वेहताह्‌कु, राजाल ओङ आसि, योहनिन पोसि, जेलते वाटलाह वेहच मतोग़.

मत्याल 14:3

(योहनि, एरोद राजाल, वेरा नडुम कट्लाङ इह आताङ.) राजाना दादाल पिलिप, वेग़ जीवात मनेकेने, वेना मुते, एरोदियसि इनदनदिनु, राजाल तना लोन ओतोग़. अस्के योहन राजानगा वास इतोग़, “नीवा कीतद कबळ मोसानाङ अडोङ वेहतपु पोलो, महरज,” इन्जि वेहतोग़. इद पोल्‍लोतुह्‌क एरोद राजाल ओङ आसि, योहनिन दोहचि जेलते वाटटोग़.

मत्याल 4:12

अस्के पया योहनिन जेल ओस मतोर इन्जि, येसु केंजतोग़. तेन केंजिसि, ओग़ यहुदा पट विळ्सिसि गालिल पटटे तना नाग़ नासरेत अतोग़.

मत्याल 9:14

उंद देबा देवुळता पेदिरते एते मीहवाल योहननाङ कग़यवालोर, येसुनगा वासि ताल्ह्‌कतोर, “गूरु, परुसिर ओसो माटु ऊक-ऊके उपस कीय्ह्‌नोम, मति नीवाङ कग़यवालोर मात्रमि उपस केवोर, इदिनलोप्पा निमा बार इह्‌निन?” इह इतोर.

योहन 4:1

मनेक मनेक पया, येसु योहनिह्‌काय एक्‍वा लोकुरिन देवुळता पेदिरते एग़ मीहतह्‌तोग़, अह आसि ओनाङ कग़यवालोर वीळिह्‌तोर इनजोर, परुसिर केंजतोर. (येसु तनाय एग़ मीहोग़, मति ओनाङ कग़यवालोर अह कींदुर). इद पोल्‍लो परुसिरिह्‌कु आबुर आता इनजोरे येसु पुतोग़. पुताह्‌कु, (माट इग्डाहि पेसकल इन्जि,)यहुदा पटटुन विळ्सिसि, ओसो उंद मल्का गालिल पटटे दायलाह पेसतोग़.

लूकाल 3:19

पया योर्दन बेरेटगा, योहन वेल्‍लाटोर लोकुरिन देवुळता पेदिरते एग़ मीहचोर मतोग़. अस्के येसु वने अगा वातोग़, ओन वने देवुळता पेदिरते योहन एग़ मीहतोग़. मीहतस्के बाताल आता, येसु पार्तना कीनेके, अस्केडा अस्केन पोग़ोटा बूमि पङ्ने आता. पङ्ने आता अस्के, देवुळता पवित्र जीवा परेवा पिटेलेह्‌का दिसिसि, ओना पोग़ोन रेगता. पया पोग़ोटाहि देवुळता आल्का इद्रम वाता इतेके, “निमा नावा मग़निन आंदिन, नीक पका जीवा कीय्ह्‌नन! नीवा लोप्पा नना पका गिर्दा आतन,” इता. पया मनेक मनेक बह आता इतेके, एरोद अंतिपस गुमसि, तना दादाल (पिलिप जीवात मनेकेन,) वेना मुते एरोदियसि इनदनदिनु तन्क ततोग़. ओग़ तना अंगेना संगे कीतद पापमतेनाह्‌कु ओसो वेल्‍लाङे दुस्राङ लाग्वाङ कबस्कनेनाह्‌क योहन ओन तेर्हन्दोग़. अदिनेनाह्‌क कोनि एरोद अंतिपस गुमसि, योहनिन जेलते वाटटोग़. वाटिसि तना मुने कीतव लाग्वाङ कबस्कना लेह्‌का, इद ओसो उंदि लाग्वा कबळ कीतोग़.

मत्याल 1:17

इद्रमलेह्‌का अब्रहम मुय्तोनाहि दाविद राजानगा एवनाह, सबे पोसि चोव्दा तादो-पीळिङ आताङ. ओसो दाविदिनाहि यहुदि लोकुरिन बेबिलोनते दोहच ओस मतोर अव दियाङ एवनाह चोव्दा तादो-पीळिङ आताङ. अहे ओरिनु बेबिलोनते ओतग्डाहि इतेके, देवुळ लोहतोग़ पिसिह केवाना पुटमुळ एवनाह, चोव्दा तादो-पीळिङ आताङ.

लूकाल 9:7

पया येसु कीतव ओसो वेहतव पोल्‍लोन, गालिल पटटा राजाल, एरोद अंतिपस केंजिसि, एक्बेक आतोग़. बाराह्‌क इतेके उय्तुर, “देवुळता कबुरतोग़ एलिया मुय्तोग़ ओसोवने वातोग़,” इंदुर. उय्तुर बार “आयो! वेल्‍लाय मुने बोर कबुरतोर मतोर, ओरग्डाहि जीवा अरतोग़ु, वेग़ ओर्वोग़ देवुळता कबुरतोग़ आंदोग़ बहे,” इंदुर. ओसो उय्तुर बार, “योहन डोलिस जीवा अरतोग़,” इनजोर इंदुर.