मत्याल 10:27 - माडिया गोंड पवित्र सास्त्रम

²⁷ बेद नना मीक ईकळते वेहतह्‌नन, अदिन मीटु वेह्‌चते लोकुरा मुनेह पिङम-पङम वेहाटु. ओसो बेव नना मीवा केवदे वेहतह्‌नन, अविनु लोता पोग़ोन निचि, पोकुर कीम्ह्‌टु.

मत्याल 10:27 Referans Kwoze

बळयिर 5:20

पेसिह कीसि ओरिन वेहता, “मंदिरताङ मंडानगा अन्ह्‌टु, अगा निचि देवुळता पिसमुळता इद पूरा कबुरतुन, अगा मनवालोर सबेटोर लोकुरिह्‌क वेहचीम्ह्‌ट,” इता.

योहन 16:13

मति अद देवुळता सेतेमता जीवा वायग़ा अस्के, अद मीकु पूरा सेतेमता अग़ तोहचि ताकिह कीयग़ा. बाराह्‌क इतेके अद कुदताङ तनाङ गोटिङ वेहो आयग़ा, मति अद बेदिन केंजिह्‌ता, अद केंजतदिने वेहतग़ा. ओसो बेव गोटिङ आयना मन्ह्‌ताङ, अविस्किन वेहतग़ा.

योहन 16:1

“मीट विस्वसताहि अरयनायो इन्जि, मीक इव गोटिङ नना वेहतन.

बळयिर 5:28

“येसुना पोल्‍लोतुन काग़्हतनद आयो इनजोर मीक वेहोमा? मति मीट इतेके, येरुसलेमतगा कतमतोरिने ओना पोल्‍लोतुन काग़्हचीतिर. अचोने आयो मति, ओन माटे हव्कनाह कीतोम इनजोर, मावा पोग़ोन कसुर वाटलाह ऊळिह्‌निर?” इनजोर तप तोहतोर.

योहन 16:29

अस्के ओनाङ कग़यवालोर इतोर, “ऊळा, बेद्रम निमा इंजेक पिङम-पङम वळ्ह्‌किह्‌निन, पुन्पिह कीयनव पीटोङ वेहविन!

योहन 16:25

“इव गोटिङ मीकु पुन्पिह कीयनव पीटोने वेहतन. मति बाबाना लोप्पा पिङम-पङम वेहतनद वेला वासोर मन्ह्‌ता. अद वेला वातस्के, नना ओसो पुन्पिह कीयनव पीटोङ मीकु बेस्केन वेहोन आयकन.

लूकाल 8:10

येसु ओरिन इतोग़, “मीक इतेके देवुळि तना राजेमताङ मकतव पोल्‍लोन पुनदलाह बुद ईता. दुस्रोरिह्‌क बार इव मकतव पोल्‍लोन, नना पुन्पिह कीयनव पीटोने वेहतह्‌नन. इतेके: ओर नावाङ कबस्किन ऊळलाह कोनि ऊळसोर मनदनुर, मति अविस्कना अर्तम ओरिह्‌क बेस्केन तेळियो आयग़ा, ओसो लोकुर नावाङ केंजलाह कोनि केंजसोर मनदनुर, मति ओरिह्‌क बेस्केन तेळियो आयग़ा.

2 कुरिंततोर 3:12

अदिनेनाह्‌क माट इद्रमता आसा तासताह्‌के, पका दीराते पोकुर कीय्ह्‌नोम.

बळयिर 17:17

अदिह्‌क यहुदिरा पार्तनाता लोन अन्जि, अगा यहुदिर ओसो देवुळतुन मोळ्कवालोर युनानिरा संगे, देवुळता पोल्‍लोतुन वेहतलाह आतोग़. ओसो दिनम बजरतगा अन्जि, ओन्क कलियवालोरा संगे, देवुळता पोल्‍लोतुन वेहन्दोग़.

मत्याल 24:17

बोग़ाय लोता पोग़ोन मतेके, ओग़ तना लोता सामन ओयलाह, लोनलोप्पा नेङमाकेग़.

लूकाल 12:3

अदिनेनाह्‌क मीट ईकळते वळ्ह्‌कतेक तेला, अद पोल्‍लो वेह्‌चते केंजमुळ आयग़ा. ओसो बेदे तेला पोल्‍लो कुस्क्ने बोना केवदे वेहतेके, अदिन लोता पोग़ोन निचि, लोकुरा नडुम पोकुर केमुळ आयग़ा.