लूकाल 8:28 - माडिया गोंड पवित्र सास्त्रम

^28-29 अद देयमि ओग़ मन्कन ऊक-ऊके पोय्न्दु. इद्रम पोयतस्के, लोकुर ओनाङ कय्किन-काल्किन गोल्स्कने दोहचि पह्‌रा मंदुर. मति ओग़ ऊक-ऊके गोल्स्किन देहन्दोग़, अस्के देयम ओन बोरे लेवा जागातेके पोस वितिंदु. पया येसु, अद देयमतुन ओनग्डाहि पेसिस दायलाह उकुम ईतोग़, अस्के ओग़ येसुना कालगडेम अर्सि “एय सबेट्क बेरा देवुळता मग़ि येसुनिन, निमा नाक बार्किया अडम आय्ह्‌निन? नना नीक अर्जि कीय्ह्‌नन, नाकु सिक्सा एमा,” इनजोर जोरते केयतोग़.

लूकाल 8:28 Referans Kwoze

मत्याल 8:29

येसुन ऊळिसि, वेर पकाय जोरते केयतोर, “एय देवुळता मग़निन, निमा बार्किया माक अडम आय्ह्‌निन? नेयम कीयनद कगो एवयनामुनेन, निमा माक सिक्सा ईयलाह वातिना?

2 पत्रु 2:4

अद इद्रमि: पापम कीतव पोग़ोटाङ देवतुल्किन वने, देवुळि विळ्सो; अविस्किन गोल्स्कने दोहचि, देयमदीपते मनदनद ईकळ गंगाता सिक्सा-बोंदातगा वाटिसीता. वाटिसि तना नेयम कीयनद दियातेनाह्‌क तासता.

तोहचीतव पोल्‍लोङ 20:10

ताना पया ओरिन नाळेह कीसोर मतद देयह्‌कना मुक्यानु, उंद देवतुलि मळ्गनद किसबटटगा वाटिसीयग़ा. अगाने अद रकसतुन, ओसो जोल कबुरतदिन, मुनेन वाटटद मन्ह्‌ता. अवु अगा नग़्का पिळ्‍विळ, पियल-पोळ्‍द, अमेसा-अमेसातुह्‌क किस मंटाते, सिक्सा आसोर मनदनुङ.

1 योहन 3:8

मति बोर पापम कीसोर मन्ह्‌तोर, ओर देयह्‌कना मुक्याना लोकुर आंदुर. बह इतेक, अदु सुरुमुनेताहिये पापम कीसोर वायलाह आता. तानाङ कबस्किन बूळे कीयलाहिये, देवुळता मग़ि वातोग़.

याकुब 2:19

इंजेके देवुळि उंदिय मन्ह्‌ता इनजोर, मीट विस्वस कीतिर बेसे. मति देयह्‌क वने मीवा लेह्‌का अद पोल्‍लोतुन विस्वस कीस्ताङ, ओसो (देवुळ माक सिक्सा ईयग़ा इनजोर,) रेयिसि साङिह्‌ताङ.

लूकाल 8:27

येसु तनाङ कग़यवालोर बार ओडाताहि रेगताहे, देयह्‌क पोयतोग़ गिरासा सहरतोग़ ओर्वोग़ मन्कल ओरगा वातोग़. ओग़ वेल्‍लाङे दियानाहि गेंदेङ केग़वा कूळलिय मंदोग़, ओसो लोन वने मनवा, डोलतोरिन पोहतनाङ पांजानगा मंदोग़.