लूकाल 8:12 - माडिया गोंड पवित्र सास्त्रम

¹² विजा अरतद अग़ि इहलेह्‌का आस्ता. देवुळता पोल्‍लोतुन बोराय केंजिह्‌तोर, अस्के ओर विस्वस कीसि, देवुळ ईयनद पिसमुळतुन दोर्किह केमाकिर इनजोर, ओरा जीवातगा वीततद विजातुन, देयह्‌कना मुक्याल वासि माग़्ङनाह कीस्ता.

लूकाल 8:12 Referans Kwoze

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

मार्कल 4:15

अग़दगा अरतद विजाता जागा इहलेह्‌का मन्ह्‌ता. उच्वुर मन्कलोर देवुळता पोल्‍लोतुन केंजिह्‌तोर, मति देयह्‌कना मुक्याल चट्‌ने वासि, ओरा जीवातगा वीततद पोल्‍लोतुन माग़्ङनाह कीस्ता.

मत्याल 13:19

अद विजा इतेके देवुळ राजेम कीयना लोप्पाडा बेसता कबुरि. इद कबुरतुन बोग़ केंजिह्‌तोग़, मति ओन्क तेळियो आस्ता, ओना जीवातगा वीततद विजातुनु, देयह्‌कना मुक्याल वासि ऊंदिस ओस्ता. इद्रमतोर लोकुर विजा अरतद अग़दा जागालेह्‌का आस्तोर.

लूकाल 8:5

“उंद दिया ओर्वोग़ मन्कल विजा वीतलाह पेसतोग़. ओग़ वीतनेके उडुन विजा अग़दगा अरता, अदिनु अग़दुह्‌क अनवालोर ओय्ह्‌कतोर, ओसो पिटेङ वासि कतम तिताङ.

मत्याल 13:4

ओग़ वीतनेके उडुन विजा अग़दगा अरता, अदिनु पिटेङ वासि कतम तिताङ.

लूकाल 8:11

“इद पुन्पिह कीयनद पीटोता अर्तम इद्रम मन्ह्‌ता. अद विजा इतेके देवुळता पोल्‍लो आंदु.

लूकाल 8:13

बेद आदतगा विजा अरता, अद इहलेह्‌का आस्ता. बोर पोल्‍लोतुन गिर्दाते चट्‌नेन केंजिह्‌तोर, मति अद पोल्‍लो ओरा जीवाते गडवाह्‌कु, गळ्के बहे विस्वस कीस्तोर. पया देवुळता पोल्‍लोतुन नमतेनाह्‌क अड्सनाय, तिपलाय वाता इतेके, चट्‌नेन ओर विस्वसताह जेक आस्तोर.