लूकाल 6:37 - माडिया गोंड पवित्र सास्त्रम

³⁷ “दुस्रोरा तप तोहमाटु, तोहतिर इतेके देवुळ वने मीवा तप तोहतग़ा. दुस्रोनु कसुरतोनिन इनजोर इनमाटु, इनवेके देवुळि मीक वने कसुरतोरिर इनो आयग़ा. दुस्रोरिन मापि कीम्ह्‌टु, कीतेके देवुळि मीक वने मापि कीयग़ा.

लूकाल 6:37 Referans Kwoze

इपिसुसतोर 4:32

ओर्विह्‌क-ओर्वोग़ गूनमते मन्ह्‌टु, ओसो दुस्रोरिन ऊळिस जीवा लोपवालोरिर आम्ह्‌टु. किर्स्तुना मेटे देवुळि मीवा पापमतुन मापि कीता. अद्रमे मीट वने ओर्विना-ओर्वोग़ कीतव कसुर्किन मापि कीसीम्ह्‌टु.

याकुब 5:9

मावोरिर, ओर्विह्‌क-ओर्वोग़ मुयोग़ आसोर मनमाटु. अद्रम आतिर इतेके, मीवा पोग़ोन कसुर उदग़ा. ऊळाट! नेयम केवाल येसुसामि अग़दगान एवयलाह आतोग़.

मार्कल 11:25

ओसो बोग़ाय मीवा अडम कसुर कीताह्‌कु, ओना पोग़ोन मीवा जीवातगा विरुद मतेके, मीट पार्तना कीयलाह निच मनदह्‌पा, मुने ओन मापि कीम्ह्‌टु. अस्के मीवा देवुळदीपतोग़ बाबाल वने मीवा कसुरतुन मापि कीयनोग़.

कुलुसितोर 3:13

दुस्रोर मीक तप तासतेक तेला, कोदा पोयमाटु, गूनमते आपाटु. ओर्विह्‌क-ओर्वोनगा कसुर मतेके, सामि मीवा कसुरतुन मापि कीतप लेह्‌का, मीट वने मापि कीम्ह्‌टु.

मत्याल 5:7

“बोरु दुस्रोरिन जीवा लोपतप मन्ह्‌तोर, ओर देवुळता देय्वातोर. ओरिन इंका देवुळ जीवा लोपतप मनदग़ा.

मत्याल 18:30

तेला मति वेग़ ओनाङ केंजवालेवा, ओन ओसि तना पूरा करातुन देहनाह्‌जोमु, जेलते ओळ्हचीतोग़.

लूकाल 6:36

बेद्रम मीवा देवुळबाबाल लोकुरिन दया कीस्तोग़, अद्रम मीट वने दया केवालोरिर आम्ह्‌टु.

लूकाल 23:16

अदिनेनाह्‌क वेन जूताते नल्हता वेहचि विळ्सिस ईय्ह्‌नन,” इतोग़.

बळयिर 3:13

अब्रहम मुय्तोना, इसक मुय्तोना, याकुब मुय्तोना देवुळि, मावाङ तादोर-बाबोरा देवुळि, इदु तना सेवा केवाल येसुह्‌क मान ईता. मति मीट इतेके, ओन पिलाति गुमसिना कयदगा पोस ईतिर. पिलाति ओन विळ्सकन इनदह्‌पा, ‘वेग़ मावा राजाल आयोग़’ इनजोर, मीट पिलातिना मुनेह ओन पास्कतिर.

याकुब 2:13

बह इतेके, बोग़ दुस्रोरा पोग़ोन दया केवोग़, देवुळ वने नेयम कीयनद दियाते, ओना पोग़ोन दया केवो आयग़ा. मति दया केवालोर मन्कलोर, नेयमतुह्‌क रेयोर आयनुर.