लूकाल 4:41 - माडिया गोंड पवित्र सास्त्रम

⁴¹ वेल्‍लाटोरिन देयह्‌क पोस मताङ, अव देयह्‌किन ओग़ पूंडटोग़. अव देयह्‌क येसुन ऊळिसि, “निमा देवुळता मग़निन आंदिन” इनजोर, केयसोर-केयसोर पेसिंदुङ. येसुये देवुळ लोहतोग़ पिसिह केवाल किर्स्तु आंदोग़ इनजोर, अव पुन्ज मताङ. (मति इद तूकने इद पोल्‍लो सबेटोरिह्‌क पुन्पिह कीयनदायो इन्जि,) येसु देयह्‌किन दगाङ ईसि, अविस्किन वळ्ह्‌कलाह एवोग़ आंदोग़.

लूकाल 4:41 Referans Kwoze

मार्कल 1:34

पया अलग-अलग रीतताङ दुकिने तिपल आसोर मतोरिन, येसु सव्रे कीतोग़. अहे ओसो वेल्‍लाटोरिन देयह्‌क पोस मताङ, अविस्किन वने ओरग्डाहि पेसिह कीतोग़. देयह्‌कु येसु बोग़ आंदोग़ इनजोर पुंदुङ. मति (अद तूकने, नना बोनन इन्जि, सबेटोरिह्‌क एर्का आयनद आयो इनजोर,) येसु अव देयह्‌किन वळ्ह्‌कलाह एवोग़.

याकुब 2:19

इंजेके देवुळि उंदिय मन्ह्‌ता इनजोर, मीट विस्वस कीतिर बेसे. मति देयह्‌क वने मीवा लेह्‌का अद पोल्‍लोतुन विस्वस कीस्ताङ, ओसो (देवुळ माक सिक्सा ईयग़ा इनजोर,) रेयिसि साङिह्‌ताङ.

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

मार्कल 3:11

देयह्‌क पोयतोर वने, लोकुरा नडुम मतोर. अव देयह्‌क येसुन ऊळतेक अचोन, ओना मुनेह अर्सि, “निमा देवुळता मग़निन!” इनजोर, जोरते केयिंदुङ.

मत्याल 4:3

अस्के देयह्‌कना मुक्याल येसुना पट ऊळलाह, ओना एरे वास इता, “निमा देवुळता मग़निन मनाह्‌कु, इव बंडानु आरिङ मारियिह कीम,” इता.

मत्याल 26:63

मति येसु बुस पोल्‍लो वन वळ्ह्‌कोग़. पया मोदुल पेर्माल ओन इतोग़, “जीवात मनदनद देवुळता किरिया पोय्‍पिह कीस नीक ताल्ह्‌किह्‌नन, निमा देवुळता मग़ि किर्स्तुनिन मतेके, माक वेहा!”

मत्याल 8:29

येसुन ऊळिसि, वेर पकाय जोरते केयतोर, “एय देवुळता मग़निन, निमा बार्किया माक अडम आय्ह्‌निन? नेयम कीयनद कगो एवयनामुनेन, निमा माक सिक्सा ईयलाह वातिना?

मार्कल 1:25

मति येसु अद देयमतुन, “केमेन मन! वेनग्डाहि पेसिस अन!” इनजोर दगा ईतोग़.

मत्याल 8:4

“इंजेके मोंडरोगम सव्रेम आतेनाह्‌क, मोक ईयलाह मोसानाङ अडोङ मतपु, निमा कुदि अन्जि, सव्रेम आतन इन्जि, बूमयाह्‌क मात्रम तोहा. बूमयानके अनेके, इद पोल्‍लोतुन बोन्के बह वेहमा. सव्रेम आताह्‌कु मोक ईतोग़ इन्जि, बूमयाल सबेटोरिह्‌क वेहतनोग़, अस्के नियगा मोंडरोगमता कळ्‍वोग़ मनो आयग़ा,” इनजोरे मोंडरोगमतोन येसु इतोग़.

मत्याल 8:16

अदे दिया मुलतस्के, वेल्‍लाटोर देयह्‌क-बूतह्‌क पोयतोरिनु, येसु विळ्सिह कीयनोग़ इन्जि, लोकुर ओनगा ततोर. ततस्के येसु तना तोडटा पोल्‍लोतेन अव देयह्‌किन उकुम ईस पूंडटोग़; ओसो सबे दुकिनोरिन सव्रे कीसीतोग़.

मार्कल 1:32

अदे दिया मुलतस्के, वारमता पोल्वादिया मारता. अस्के लोकुर सबे दुकिनोरिन ओसो देयह्‌क पोयतोरिन येसुनगा ततोर.

लूकाल 4:39

कीतस्के येसु तानगा अन्जि, दंडटुन “पेसिस अन!” इन्जि उकुम ईतोग़, ईतस्के ताना दंड रेगता. पया अद अस्केडा अस्केन तेदिसि, ओरिह्‌क जावा-एग़ कीसीता.