लूकाल 3:8 - माडिया गोंड पवित्र सास्त्रम

⁸ पापमता अग़दाहि मलतोम इनजोर तोहतलाह, बेसताङ कबस्क कीम्ह्‌टु.(केवेक अचोन कायाङ आदवाङ मराना लेह्‌का आयकिर!) ओसो ‘माट इतेके अब्रहम मुय्तोना कूळतोरोम आंदोम, देवुळि माक सिक्सा एवो आयग़ा’ इनजोर, मीट बेस्केन इद्रम इनमाट बहा. नना मीकु वेहतह्‌नन, देवुळि अब्रहम मुय्तोह्‌क पेकोर, इव बंडानग्डाह वने पुटिह कीया पग़यह्‌ता, पुनविरा?

लूकाल 3:8 Referans Kwoze

बळयिर 26:20

अदिह्‌क मुने दमिस्क सहरतोर यहुदिरिह्‌कु, पया येरुसलेमतोर यहुदिरिह्‌कु, पया पूरा यहुदिरा बूमतगा ओसो यहुदि आयवोरिह्‌क इंका ‘पापमता अग़दाहि मल्सि देवुळतगा वाटु, वासि माट मलतोम इन्जि, बेसताङ कबस्क कीस तोहाटु’ इनजोर, इद पोल्‍लोतुन पोकुर कीसोर मतन.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

रोम सहरतोर 9:7

अद बह इतेके, अब्रहम मुय्तोना जालपिलतोर सबेटोर देवुळताङ पिलाङ-पेकोर आयोर. देवुळि अब्रहमिह्‌क इद्रम पोल्‍लो विळ्सिस मता: “पेग़ेंडु इदे वेलाते ओसोवने नना नियगा मल्स वायकन, अस्के नीवा मुते साराह्‌कु, ओर्वोग़ पेकाल पुटिस मनदनोग़,” इनजोर इता. (ताना पोल्‍लो विळ्सतपे, इसकपुटटोग़.) अब्रहमिह्‌क ओसो दुस्रोर पेकोर मन्जाय, देवुळि ओनु, “नीवा जालपिलतुन इसकनग्डाहे लेकनुर” इनजोर इता. इव पोल्‍लोङ बाताल तेळियिह कीस्ताङ इतेके, अब्रहमनगा पुटटोर सबेटोरे, देवुळताङ पिलाङ-पेकोर आयोर; मति देवुळताङ मग़्क-मयास्‍क, तना पोल्‍लो विळ्सतप पुटटोग़ पेकाना कूळताहिये, पुट वायनुर.

रोम सहरतोर 4:16

देवुळि बेदिन ईकन इन्जि पोल्‍लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्‌क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्‌के आयो, मति अब्रहमना लेह्‌का विस्वस केवालोर सबेटोरिह्‌के दोर्कग़ा. देवुळि अब्रहमिह्‌क विळ्सतद पोल्‍लो सास्त्रमतगा इद्रम रासतद मन्ह्‌ता: नना नीक वेल्‍लाङे जातिनोरा पेदामुय्तोग़ कीतन, इनजोर रासतद मन्ह्‌ता. इद्रम विस्वस केवालोर माट सबे जातिनोर मन्कलोरिह्‌क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.

लूकाल 19:40

पया येसु ओरिनु, “नना मीक वेहतह्‌नन, ओकावेला वेर बार केमेन आतोर इतेके, इव अग़दग्डाङ बंडाङे केयनुङ,” इनजोर इतोग़.

योहन 8:33

“माटु अब्रहम मुय्तोना कूळतोरोम आंदोम, बोनाय बेस्केने कय इळ्न दोहतप मनोम. इतेके अद सेतेम मीकु विळ्सिह कीयग़ा इनजोर, निमा बह इह्‌निन?” इन्जि वेर कोंटेतोर यहुदिर येसुन कट्ला कीतोर.

योहन 8:39

“मावा बाबाल अब्रहमिये आंदोग़!” इनजोर वेर इतोर. अस्के पया येसु इतोग़, “मीट अब्रहम मुय्तोनाङ मग़्कनिर मतेके, अब्रहमना लेह्‌का, बेसताङ कबस्क केवेरिर.

मत्याल 3:8

अदिह्‌के देवुळता पेदिरते एग़ मीयनामुने, मीवा पापमता अग़दाहि मिळ्न्दिसि, सेतेमता कबळ कीस तोहाटु.

मत्याल 3:9

ओसो माट बह मतेकाय अब्रहम मुय्तोना कूळतोरोम, इतेके देवुळ आचतोर लोकुरोम, अदिह्‌क माट पिसकोम इनजोर, मीट मुर्तिये विचर केमाटु. इह केंजाट, देवुळि अब्रहम मुय्तोह्‌क पेकोरिन, इव बंडानग्डाह वने पुटिह कीया पग़यह्‌ता, पुनविरा?

लूकाल 5:21

इतस्के सास्त्रमगूरुर ओसो परुसिर येसु इतदिन केंजिसि, वेर तमतमाये, “ऊळाट वेग़ मन्कल उगसे, देवुळतन इतपे बह पोग़यिह्‌तोग़! देवुळतुन विळ्सिस इतेके बोग़े पापमतुन मापि कीया पग़वोग़,” इनजोर विचर कीया बोटटोर.

लूकाल 13:25

पया लोता माल्कानन नना तेदिस अग़दुन केहतकन, अस्के मीट दारावंडटगा निचि ‘सामि! मयेनाह्‌क तेल्प तेग़या!’ इनजोर तेल्पतुन कोह्‌कसोर केयकिर. मति नना मीकु, ‘मीट बेग्डाह वातिरो, नना मीक पुनोन!’ इनदकन.

लूकाल 13:26

अस्के ‘मति माट ऐंगेन तितल, उटल, निमा मावाङ अग़िनगा माक देवुळता पोल्‍लोतुन वेहतिन,’ इनजोर मीट इनदकिर.

लूकाल 14:9

अस्के ओग़ वातापया, मीक इर्वुरिन आस केयतोग़ु, मियगा वासि, ‘नियद जागा वेन्क ईम रा’ इन्जि मीक उदता जागाताह तेहतनोग़. अस्के मीट लजा आसि, कतमतोरा मुनेह नेल अन्जि उदकिर.

लूकाल 19:9

अस्के येसु ओन इतोग़, “नेंडु इद लोतगा अमेसाता पिसमुळ वाता. वेग़ सिद्‌वा एनवाल वने, अब्रहमना जालपिलतोग़े आंदोग़.