लूकाल 3:19 - माडिया गोंड पवित्र सास्त्रम

^19-22 पया योर्दन बेरेटगा, योहन वेल्‍लाटोर लोकुरिन देवुळता पेदिरते एग़ मीहचोर मतोग़. अस्के येसु वने अगा वातोग़, ओन वने देवुळता पेदिरते योहन एग़ मीहतोग़. मीहतस्के बाताल आता, येसु पार्तना कीनेके, अस्केडा अस्केन पोग़ोटा बूमि पङ्ने आता. पङ्ने आता अस्के, देवुळता पवित्र जीवा परेवा पिटेलेह्‌का दिसिसि, ओना पोग़ोन रेगता. पया पोग़ोटाहि देवुळता आल्का इद्रम वाता इतेके, “निमा नावा मग़निन आंदिन, नीक पका जीवा कीय्ह्‌नन! नीवा लोप्पा नना पका गिर्दा आतन,” इता. पया मनेक मनेक बह आता इतेके, एरोद अंतिपस गुमसि, तना दादाल (पिलिप जीवात मनेकेन,) वेना मुते एरोदियसि इनदनदिनु तन्क ततोग़. ओग़ तना अंगेना संगे कीतद पापमतेनाह्‌कु ओसो वेल्‍लाङे दुस्राङ लाग्वाङ कबस्कनेनाह्‌क योहन ओन तेर्हन्दोग़. अदिनेनाह्‌क कोनि एरोद अंतिपस गुमसि, योहनिन जेलते वाटटोग़. वाटिसि तना मुने कीतव लाग्वाङ कबस्कना लेह्‌का, इद ओसो उंदि लाग्वा कबळ कीतोग़.

लूकाल 3:19 Referans Kwoze

लूकाल 3:1

तिबिरिया कय्सर इनवाल पूरा रोम राजेमता बेरोग़ राजाल आसि, पंद्रा वर्साङ आस मतोग़. अस्के पुन्‍तियु पिलाति इनवाल, यहुदा पटटा गुमसि मतोग़.एरोद अंतिपस इनवाल राजाल गालिल पटटा गुमसि मतोग़. तना तमोग़ पिलिप इनवाल, इतुरेया ओसो तरकोनीतिस इव पटिना गुमसि मतोग़. लिसानिया इनवाल, अबिलेने पटटा गुमसि मतोग़.

मत्याल 11:2

देवुळता पेदिरते एते मीहवाल योहन जेलते मनेके, देवुळ लोहतोग़ येसुराजानाङ कबस्किन केंजतोग़. केंजिसि वेग़ तनाङ कग़यवालोरिन इतोग़, “येसुनगा अन्जि इद्रम ताल्ह्‌किस वाटु, ‘बोग़ देवुळ लोहवाल पिसिह केवाल राजाल वावाल मतोग़, ओग़ बह निमानेया? बार माटु दुस्रोना अग़ ऊळकोमा?’” इन्जि ओरिन येसुनगा लोहतोग़.

मत्याल 14:1

अद तूकने गालिल पटटा राजाल, एरोद अंतिपस इनवाल, येसु कीताङ कबस्किन केंजतोग़.

मत्याल 14:6

पया एरोद राजाल पुटटा दिया एवता, अद दिया राजाल कुळ्पि ईतोग़. अस्के राजाल ततदु तमदादाना मुते एरोदियसि, तेना मयाळि लोकुरा मुनेह एंदिसि, राजान गिर्दा कीता.

लूकाल 3:18

इद्रमलेह्‌का योहन ओसो वेल्‍लाङे पोल्‍लोने लोकुरिन बुदिङ काग़्हचोर, बेसता कबुरतुन पोकुर कीतोग़.