लूकाल 3:18 - माडिया गोंड पवित्र सास्त्रम

¹⁸ इद्रमलेह्‌का योहन ओसो वेल्‍लाङे पोल्‍लोने लोकुरिन बुदिङ काग़्हचोर, बेसता कबुरतुन पोकुर कीतोग़.

लूकाल 3:18 Referans Kwoze

बळयिर 2:40

ओरिन तेळियिह कीयलाहि, ओसो वेल्‍लाङे पोल्‍लोङ बुदिङ-एदिङ वेहतोग़. देवुळि येसुन नमवोरिह्‌क सिक्सा ईयना मन्ह्‌ता, अद सिक्साताहि पिह्‌ट अर्म्ह्‌टु इनजोर, बुद काग़्हचोर मतोग़.

योहन 1:34

अह आतदिन नना कोंडामेंड ऊळतन, ऊळिसि वेग़ देवुळताय पेकाल आंदोग़ इन्जि, मीक साक्सि ईय्ह्‌नन,” इन्जि योहन वेहतोग़.

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

योहन 1:15

योहन ओना लोप्पा इद्रमता कबुर वेहन्दोग़, “ओग़ु नाकाय बेरोग़, बाराह्‌क इतेके ओग़ नाकाय वेल्‍ला सुरुमुनेताहि मतोग़ इन्जि, बोना लोप्पा नना वेहच मतन, ओग़े नावा पया वावाल मन्ह्‌तोग़,” इनजोर लोकुरिन केयसोर वेहन्दोग़.

लूकाल 3:17

ओनाय कयदे एत मन्ह्‌ता. ओग़ तना कळातग्डाङ वंजिन बेस एहचिसि, डोमेते दोसनोग़, दोर्बेतुन बार बेस्केन पिववद किसते बोळ्सिसीयनोग़, अद्रमलेह्‌का ओग़ मीक वने कीयनोग़,” इतोग़.

लूकाल 3:19

पया योर्दन बेरेटगा, योहन वेल्‍लाटोर लोकुरिन देवुळता पेदिरते एग़ मीहचोर मतोग़. अस्के येसु वने अगा वातोग़, ओन वने देवुळता पेदिरते योहन एग़ मीहतोग़. मीहतस्के बाताल आता, येसु पार्तना कीनेके, अस्केडा अस्केन पोग़ोटा बूमि पङ्ने आता. पङ्ने आता अस्के, देवुळता पवित्र जीवा परेवा पिटेलेह्‌का दिसिसि, ओना पोग़ोन रेगता. पया पोग़ोटाहि देवुळता आल्का इद्रम वाता इतेके, “निमा नावा मग़निन आंदिन, नीक पका जीवा कीय्ह्‌नन! नीवा लोप्पा नना पका गिर्दा आतन,” इता. पया मनेक मनेक बह आता इतेके, एरोद अंतिपस गुमसि, तना दादाल (पिलिप जीवात मनेकेन,) वेना मुते एरोदियसि इनदनदिनु तन्क ततोग़. ओग़ तना अंगेना संगे कीतद पापमतेनाह्‌कु ओसो वेल्‍लाङे दुस्राङ लाग्वाङ कबस्कनेनाह्‌क योहन ओन तेर्हन्दोग़. अदिनेनाह्‌क कोनि एरोद अंतिपस गुमसि, योहनिन जेलते वाटटोग़. वाटिसि तना मुने कीतव लाग्वाङ कबस्कना लेह्‌का, इद ओसो उंदि लाग्वा कबळ कीतोग़.

बळयिर 20:2

अगा पूरा वेलियतोग़, वेलियसोर अग्डोर विस्वसिरिन, ओरा विस्वस बेर्सलाह वेल्‍लाङे पोल्‍लोङ वेहतोग़. पया अग्डाहि अकाया पटटे अतोग़.

रोम सहरतोर 12:8

दुस्रोरिह्‌क दीरा ईयनद बुद दोर्कतोरिर, अहे दीरा ईसोर मन्ह्‌टु. दुस्रोरिह्‌क दर्मम कीयनद बुद दोर्कतोरिर, चिव्टम आयवा दर्मम कीसोर मन्ह्‌टु. दुस्रोरा मुक्याल आस ताकिह कीयनद बुद दोर्कतोरिर, पूरा जीवाताहि ओरिन ताकिह कीसोर मन्ह्‌टु. दुस्रोरिन जीवा लोपिस तोळ ईयनद बुद दोर्कतोरिर, मीट गिर्दाते तोळ ईसोर मन्ह्‌टु.