लूकाल 24:46 - माडिया गोंड पवित्र सास्त्रम

⁴⁶ ओसो इद्रम इतोग़, “सास्त्रमतगा इद्रम रासतद मन्ह्‌ता इतेके: देवुळ लोहवाल पिसिह केवाल किर्स्तु, तिपल आस डोलनोग़. ओसो मूंड दियाने ओसोवन जीवा अरयनोग़.

लूकाल 24:46 Referans Kwoze

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

बळयिर 17:3

देवुळ लोहतोग़ पिसिह केवाल किर्स्तु तिपल आसि डोलनाये मता, डोलिस ओसोवने जीवा अरयना मता इनजोर, देवुळता सास्त्रमतग्डाङ पोल्‍लोन उंद-उंद वचन तोहचि, तेळियिह कीस वेहतोग़. ओसो “बोग़ येसुना लोप्पा मीक वेहतन ओग़े येसु, पिसिह केवाल किर्स्तु आंदोग़,” इनजोर वेहतोग़.

1 पत्रु 1:3

मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.

बळयिर 4:12

वेग़ येसुन विळ्सिस बोग़े, मावा पापमता सिक्साताहि पिसिह कीया पग़वोग़. बाराह्‌क इतेके माट पापमताह पिसलाहि, इद बूमतगा ओन विळ्सिस, दुस्रोग़ पिसिह केवान देवुळि मन्कलोरिह्‌क एवो!” इतोग़.

मत्याल 26:24

सास्त्रमते रासिस मतपु, माने-मन्कना नडुम पुटटोनन, नना इद दुनियाताहि पेसिस दाकन, निटमे! मति बोग़ नाक पोसीस्तोग़, ओना बेचोटा गोसा आयग़ा! ओग़ मन्कल पुटवेकेन बेस आस मनालि,” इतोग़.

योहन 20:9

बाराह्‌क इतेके येसु हामुरताहि ओसो जीवा अरयनद गावले, इद्रम सास्त्रमते रासिस मतद पोल्‍लो, ओरिह्‌क अचानाहि तेळियवाय मता.