लूकाल 23:54 - माडिया गोंड पवित्र सास्त्रम

⁵⁴ अद दिया वारमता पोल्वादियातेनाह्‌क(इतेके सनारमतेनाह्‌क) तयर आयनद दिया मता. ओसो गय्क इतेके पोळ्‍द अनजोरे, पोल्वादिया सुरु आयना मता.

लूकाल 23:54 Referans Kwoze

मत्याल 27:62

इमा दिया (इतेके वारमता पोल्वादियाते), पेर्मालोर ओसो परुसिर पिलातिनके वासि जमा आतोर.

योहन 19:31

इमा दिया वारमता पोल्वादिया मता (अद पोल्वादिया इतेके, आवना पंडुमता बेह्‌रा पोल्वादिया आंदु). (यहुदिराङ अडोङ वेहतपु,) पोल्वादियाते हव्कनागुटानगा सेत्ताङ मनदलाह पोलोङ, अदिनेनाह्‌कु ओराङ पेदल्कु पिलाति गुमसिनगा वासि, “(ओर मुवुरा जीवा चट्पिट अनि इनजोरे,) ओराङ काल्किन ओग़्हचि, सेत्तान रेहता वेहा,” इन्जि ताल्ह्‌कतोर.

मार्कल 15:42

वारमता पोल्वादियातेनाह्‌क तयर आयनद दियाते येसु हातोग़. अस्के बह्‌ट अर्स मता. पया बाताल आता, यहुदिराङ तग्वाङ केवालोरग्डाह ओर्वोग़ मतोग़, अरिमतेया नाटेनोग़ योसेपि पेदिरतोग़ु. लोकुर ओन मान ईंदुर. ओग़ु देवुळ राजेम कीयनद दिया बेस्के वास्ता इनजोर, अग़ ऊळसोर मंदोग़. गळ्क इतेके पोळ्‍द अरयनस्के वारमता पोल्वादिया सुरु आयग़ा इनजोर, ओग़ दीराते गुमसि पिलातिनगा अन्जि, “येसुना सेत्तातुन पोहतलाह ओयकन,” इनजोर ताल्ह्‌कतोग़.

योहन 19:42

अद गुमया एरे मताह्‌कु, येसुन अगान पोहतोर, बाराह्‌क इतेके यहुदिरा पोल्वादिया गय्क इतेके सुरु आयना मता, (दुस्रा जागा पर्ह्‌कलाह मोका इले आसि).

योहन 19:14

अद दिया आवना पंडुमतेनाह्‌क तयर आयनद दिया मता, जोक-जोक नेक निच मता. अस्के पिलाति यहुदिरिन पास्कतप इतोग़, “ऊळाट, वेग़ मीवा राजाल!”

लूकाल 23:53

ताल्ह्‌किस सेत्तातुन हव्कनागुटातग्डाह रेहतोर. पया वेल्‍ला दाराता हामुर-गेंदेते सेत्तातुन ऊर्हतोर. अह कीसि बेरा आद बंडातगा तर्विस मतदु, मुने बोने पोहवद पूना गुमयातगा, येसुना सेत्तातुन तासतोर.