लूकाल 23:33 - माडिया गोंड पवित्र सास्त्रम

³³ पया ओर, “तला-टाप्रा” इनदनद जागातगा एवतोर. एव्सि येसुन हव्कनागुटातगा मोल्‍लाङ कोटिसि वेळ्हतोर. ओना संगे इर्वुर डाकुरिन वने ओर्विन तिनळ बाजे, ओर्विन बार ओना दावळ बाजे वेळ्हतोर.

लूकाल 23:33 Referans Kwoze

1 पत्रु 2:24

माटु मावा पापमताङ विचर्कनाहि पिह्‌ट अर्सि, सेतेमते ताकनेनाह्‌क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्‌के, मीट मीवा जीवाते बेस आतिर.

योहन 18:32

(येसु तना बेद हामुरते हायवाल मतोग़, अदिन वेहतह्‌पा बेव पोल्‍लोङ वळ्ह्‌किस मतोग़, अव करल आयनेनाह्‌क, इह आता.) (बाराह्‌क इतेके सिरप रोम सर्करतोरे हव्कनागुटातगासिक्सा कीस हव्किंदुर.)

गलातितोर 3:13

मति दुस्राङ जातिनोरिह्‌क इंका, किर्स्तु येसुनगा विस्वस कीताह्‌कु, अब्रहमिह्‌क ईतद बर्कत दोर्कग़ा. ओसो देवुळ मुने पोल्‍लो विळ्सतपे, ताना पवित्र जीवा माक विस्वसिरिह्‌क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्‌ता.

बळयिर 13:29

अस्के वेल्‍लाय मुनेन, मन्कलोर देवुळ लोहवाल पिसिह केवान इद्रम इद्रम कीयनुर इनजोर, देवुळता कबुरतोर रासिस मतोर, अव सबे पोल्‍लोङ करल आताङ. अस्के पया हव्कनागुटाताहि येसुना सेत्तातुन रेहचि, गुमयातगा मिसतोर.

बळयिर 5:30

येसुन मीट मराता हव्कनागुटातगा वेळ्हच हव्कनाह कीतिर, मति मावाङ तादोर-बाबोरा देवुळि ओन जीवा अर्हता.

बळयिर 2:23

ओग़ येसुनु यहुदाल मीवा कयदगा पोस ईतापया, मीट देवुळताङ अडोङ पुनवोरा संगे, हव्कनागुटातगा मोल्‍लाङ कोटिस हामुरता सिक्सा ईतिर. इद देवुळता मुनेताहि विचर मता,(अद्रमे पनस दियाङ मुने करल आता).

योहन 3:14

बहलेह्‌का मोसा मुय्तोग़ पेळ्ह्‌कल बूमते इतुळता तरसतुनु, लाटगुटातगा पोग़ोन वेळ्हच मतोग़, अद्रमलेह्‌का माने-मन्कना नडुम पुटटोन्कु, इतेके नाकु, लोकुर गुटातगा पोग़ोन वेळ्ह्‌तनुर.