लूकाल 22:50 - माडिया गोंड पवित्र सास्त्रम

⁵⁰ अह कीसि कग़यवालोरग्डाहि ओर्वोग़, तना तल्वर कसेटुन तेंडिसि, मोदुल पेर्माना ओर्युलतोना तिनळ बाजेता केवदुन पोडोह देगनाह ईतोग़.

लूकाल 22:50 Referans Kwoze

मार्कल 14:47

अचोटेन येसुना एरे निच मनवाल, कग़यवाल ओर्वोग़ बाताल कीतोग़: ओग़ तना कसेटुन तेंडिसि, मोदुल पेर्माना ओर्युलतोन वग़ोन, केव पोडोह देगनाह ईतोग़.

2 कुरिंततोर 10:4

माट इद दुनियाता बुदते, तेल्वते वने, लळेम आयोम, मति देवुळता लावते लळेम आय्ह्‌नोम. लळेम आसि, मन्कना बुदते बेसता कबुरता अडम मेग़्किस मनदनव, सबे विचर्किन बूळे कीय्ह्‌नोम.

रोम सहरतोर 12:19

देवुळता सास्त्रमतगा इद्रम रासतद मन्ह्‌ता: “बद्ला एतनद नावा कबळ. लाग्वाङ कबस्क केवालोरिन ननाने बद्ला एतकन” इन्जि देवुळि इन्ह्‌ता, इनजोर रासतद मन्ह्‌ता. अदिनेनाह्‌क नावा गोततोरिर! मीट बद्ला एनमाटु, ओरिन देवुळ ऊळग़ा.

लूकाल 22:49

पया येसुन पोयतनदिन ऊळिसि, कग़यवालोरु “सामि, बह माट तल्वर कसेह्‌कने लळय कीकोमा?” इनजोर येसुन ताल्ह्‌कतोर.

लूकाल 22:51

अस्के येसु “इंजेके अचोने आयग़ा, मनि!” इनजोर इतोग़. इन्जि ओना देगता केवदुन तुंडिह कीसि, ओन बेस कीतोग़.