लूकाल 22:32 - माडिया गोंड पवित्र सास्त्रम

³² अदिह्‌क निमा विस्वसतुन विळ्सना आयो इनजोर, नना नियेनाह्‌क पार्तना कीतन. मति निमा ओसोवने विस्वसते मलतस्के, नीवा गोततोरा विस्वसतुन बेर्सिह कीसीम,” इनजोर वेहतोग़.

लूकाल 22:32 Referans Kwoze

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

इब्रितोर 7:25

ओसो माट येसुना मेटे, देवुळता एरे अनवालोरेनाह्‌क, ओग़ अमेसाये देवुळतुन अर्ज कीसोर मन्ह्‌तोग़. इद्रमलेह्‌का ओग़ माक पूरा कतम पिसिह कीयलाह पग़यह्‌तोग़.

2 पत्रु 3:14

नावा गोततोरिर! इव पोल्‍लोङ आयनुङ इनजोर, मीट अग़ ऊळलाह आतिर. अग़ ऊळसोर, पापमता डागिललेवा, कसुरलेवा मन्जि, नावा संगे कलियिस मतोर इनजोर, देवुळ इनाह पिससोर मन्ह्‌टु.

लूकाल 8:13

बेद आदतगा विजा अरता, अद इहलेह्‌का आस्ता. बोर पोल्‍लोतुन गिर्दाते चट्‌नेन केंजिह्‌तोर, मति अद पोल्‍लो ओरा जीवाते गडवाह्‌कु, गळ्के बहे विस्वस कीस्तोर. पया देवुळता पोल्‍लोतुन नमतेनाह्‌क अड्सनाय, तिपलाय वाता इतेके, चट्‌नेन ओर विस्वसताह जेक आस्तोर.

बळयिर 3:19

अदिह्‌क इंजेके मीट पापमता अग़दाहि मिळ्न्दिसि देवुळतके मल्म्ह्‌टु, अस्के देवुळि मीवा पापमतुन एडिह कीयग़ा. एडिह कीसि अद मीवा जीवातुह्‌क आरम ईयग़ा.

1 पत्रु 1:13

अदिनेनाह्‌कु मीटु बेस बुदते मन्जि, उसरते मन्ह्‌टु. ओसो येसु किर्स्तु मल्स वायना वेलाते, मीकु दोर्कना बर्कततगा पूरा आसा कीस मन्ह्‌टु.

इब्रितोर 12:15

मियग्डाहि बोग़े देवुळि दया कीयनद अग़दाहि लेसमाकेग़. अद्रमतोग़ लेसतोग़ मन्कना विस्वस केवद वीसम, वेल्‍लाटोरिन तिपल कीसि कळ्‍वोग़ कीस्ता.

मत्याल 18:3

अह कीस इतोग़, “इह केंजाट, नना सेतेम वेहतह्‌नन, मीटु बुदते मिळ्न्दिसि, उड्लोरा लेह्‌का जीवाते कुलुल आयवालेवा, मीकु देवुळ राजेम कीयना लोकुरगा जागा दोर्को आयग़ा.

1 योहन 2:19

ओर मन्कलोर मावाय मुडग्डाहि पेसतोर, मति निटम ओर मुनेताहि मावोर आयवा मतोर. अद्रम आस मतेके, मावाय संगे मनेर. ओर माक विळ्सिस अताह्‌कु, ओर बोरे मावा तोळतोर आयोर इनजोर, माक एर्का आस्ता.

योहन 14:19

उचुके दियाङ पिसताङ, दुनियातोर पया नाक ऊळोर आयनुर, मति मीट नाक ओसो ऊळकिर. नना अमेसा जीवात मनदकन, अहे नावा लेह्‌का मीट वने अमेसा जीवात मनदकिर.

मार्कल 14:72

अचोटेन दुस्रा मल्का तलाकोग़ कूसता. अस्के येसु पत्रुन मुनेन इह वेहच मतोग़, “नेंडे नग़्का रेंड मल्काङ तलाकोग़ कूसनामुने, बोराय ताल्ह्‌कतस्के, निमा मूंड मल्काङ येसुन पुनोन इनजोर कैंगम आयकिन,” इनजोर वेहच मतद पोल्‍लो पत्रुह्‌क सीता वाता. पया पत्रु इद पोल्‍लोतुन आलिह कीसि, अळया बोटटोग़.

मार्कल 16:7

इंजेक मीट पत्रुनगा ओसो दुस्रोर ओनाङ कग़यवालोरगा अन्जि, ओरिन इद्रम वेहाट, ‘ओग़ मीक वेहतप लेह्‌का, इंजेक मीवा मुनेन गालिल पटटे दायलाह आतोग़, अगान ओन कलियकिर,’ इन्जि वेहाटु,” इनजोर इतोग़.

मत्याल 26:75

अस्के येसु पत्रुनु मुनेन इह वेहच मतोग़, “नना नीक करल वेहतह्‌नन डा, नेंड नग़्का तलाकोग़ कूसनामुने, निमा नाक मूंड मल्काङ ओन पुनोन इन्जि कैंगम आयकिन,” इनजोर इतद पोल्‍लो पत्रुह्‌कु इंजेक सीता वाता. सीता वातस्के, ओग़ पलतेक पेसिसि, वेल्‍ला दुकमते पका अळतोग़.

1 पत्रु 1:1

नना पत्रुनन, येसु किर्स्तुना बळयिनन, इद सीटि रासिह्‌नन. पुंतुस, गलाति, कपदुकिया,आसिया ओसो बितुन्या, इव रोम राजेमताङ पटिने बिरोबटो आसि मतोरु, इद दुनियाते रेंड दियाङ मनवालोरु,

रोम सहरतोर 8:32

देवुळि किर्स्तुन मयेनाह्‌क डोललाह वने विळ्सिसीता, वेग़ नावा वग़ोग़े मग़ि इनजोर, विचर वने केवो, अचोन ताना गूनमि! इतेके तना करल कीस मतपु, इव सबेटविन चिव्टम आयवा, माक निटमे ईयग़ा.

तीतुस 1:1

तीतुस, नना पोलुनन, देवुळता कय इळ्न मन्जि, येसु किर्स्तुना बळयिनन, नीक इद सीटि रासलाह आतन. माट इर्वल उंदिय पोल्‍लोतुन विस्वस कीताह्‌कु, निमा नावा निटम मग़ना लेह्‌कान आतिन. देवुळबाबानाहि ओसो माक पिसिह केवाल किर्स्तु येसुनाहि नीक सुकमि, देय्वा दोर्कसोर मनि! नना अमेसाता पिसमुळता आसातेनाह्‌क, येसुना सेवा कीय्ह्‌नन. देवुळ आचतोर मन्कलोर विस्वसते बेर्सना, अहे देवुळता अग़दे ओसीयनद सेतेमतुन पुनदना इन्जि, येसुसामि नाक बळयि इनजोर निल्पिह कीतोग़. इद पिसमुळतुन देवुळ आचतोर मन्कलोर दोर्किह कीयनुर इनजोर, बूमतुन पुटिह केवस्केन, देवुळि पोल्‍लो विळ्सता; देवुळि बेस्केन जोल वळ्ह्‌को. मति इंजेके देवुळि तना कगोते, तना पोल्‍लोतुन पेसिह कीता. माक पिसिह कीयनद देवुळि, तना पोल्‍लोतुन पोकुर कीयनद कबळतुन, नावा कयदे ईसि, नाक उकुम ईता.

2 तिमोति 2:18

डोलतोर जीवा अरयनद कगो मारता इनजोर वेर काग़्हचि, सेतेम पोल्‍लोताहि लेसतोर. अदिनेनाह्‌क उच्वुर मन्कलोरा विस्वसतुन बूळे कीयलाह आतोर.