लूकाल 22:15 - माडिया गोंड पवित्र सास्त्रम

¹⁵ उदतस्के ओग़ ओरिन इतोग़, “नना तिपल आयनामुने, मीवा संगे इद आवना पंडुमता गाटो तिनदना इनजोर, नावा पका विचर मता.

लूकाल 22:15 Referans Kwoze

लूकाल 12:50

मति अद आयनामुने, नाक तिपल आस डोलना मन्ह्‌ता. अद कबळतुन मारिह केवालेवा, नावा जीवा चुहेम आयो.

योहन 13:1

आवना पंडुम इंजेके एरे एव्स मता. मुल्पेडा जावा उनडलाह, येसुनाङ कग़यवालोर ओना संगे ऐंगे उदिस मतोर. नना इद दुनियातुन विळ्सिसि, पोग़ोटोग़ बाबानेके दायनद कगो एवता इनजोर, येसु पुतोग़. इद दुनियाते मतोर तना लोकुरिन ओग़ जीवा कींदोग़, अहे हानाह्‌जोम ओग़ ओरिन जीवा कीसोर मतोग़.

योहन 4:34

मति येसु ओरिन इतोग़, “बोग़ नाक लोहतोग़, ओना विचर मतप कीयना, ओसो ओना कबळतुन पूरा मारिह कीयना, इदे नावा तिंड आंदु.

योहन 17:1

इव गोटिङ वळ्ह्‌कतस्के, येसु पोग़ोटा बूमतेके ऊळतोग़, अह कीस देवुळबाबान वळ्ह्‌कतोग़, “ए बाबा, नावा हायना कगो एवता. बोरिन निमा नाक ईतिन, ओर सबेटोरिह्‌क नना अमेसाता पिसमुळ ईयना इन्जि, निमा नाक माने-मन्कना पोग़ोन अदिकर ईतदे मन्ह्‌ता. अहलेह्‌का बाबा, नना नीक मान ईयना इन्जि, निमा नाक मान ईमु.

लूकाल 22:14

पया पंडुमता गाटो तिनदनद वेला एवतस्के, बळयिरा संगे गाटो तिनदलाह, येसु उदतोग़.

लूकाल 22:16

इंजेक नना मीक वेहतह्‌नन, इद पंडुम बेद पोल्‍लोतुन तोहतह्‌ता, अद पोल्‍लो देवुळता राजेमते करल आनाह्‌जोम, इदिन नना वडोन वन आयकन,” इनजोर इतोग़.