लूकाल 20:35 - माडिया गोंड पवित्र सास्त्रम

³⁵ मति बोर लोकुर हामुरतग्डाहि ओसोवने जीवा अरयना लायक मनदनुर, ओर वायना कालमते बेस्केन मुतेस्क तवोर आयनुर, मुजोह्‌क अनोङ आयनुङ.

लूकाल 20:35 Referans Kwoze

2 तिसलुनितोर 1:5

मीट येसुनेनाह्‌क तिपल आताह्‌कु, देवुळता राजेमता लायकतोरिर आतिर. मति बेस्के येसुसामि तना लावतव देवतुल्कना संगे, देवुळदीपताहि रेगतद दिसनोग़ अस्के, देवुळि सबेटोर मन्कलोरा नेयम कीयग़ा. अद तूकने मीट येसुनेनाह्‌क तिपल आयवालोरिर ओसो माट वने, ताना राजेमते दायना लायक मह्‌नल इन्जि, देवुळि माक आरम ईयग़ा. मीक तिपल केवालोरिह्‌क बारा, देवुळि निटम सिक्सा ईयग़ा. इद्रमलेह्‌का (मीवा पोग़ोन इचोन विरुद वातेक तेला, मीट दीरा पोस मह्‌निर,) इद पोल्‍लो देवुळता नेयम सेतेम मन्ह्‌ता इन्जि, पोळ्क्नेन तोहतह्‌ता.

मत्याल 12:32

अहे बोग़ माने-मन्कना नडुम पुटटोना अडम वळ्ह्‌किह्‌तोग़, ओन इंका देवुळि मापि कीया पग़यग़ा. मति देवुळता पवित्र जीवाताङ कबस्किन बोग़ उस्किह्‌तोग़, ओन देवुळ मापि केवो आयग़ा. इद कालमते आयि, वायना कालमते आयि, बेस्केन मापि केवो आयग़ा.

बळयिर 24:15

देवुळि उंद दिया हातोरग्डाहि सेतेमतोरिन, लाग्वोरिन तेग़्किह कीयग़ा इनजोर, वेर देवुळता पोग़ोन आसा तासतप लेह्‌का, नना वने आसा तासिह्‌नन.

बळयिर 5:41

विळ्सिस ईतस्के बळयिर, येसुना पेदिरतेनाह्‌क माक देबाङ अरताङ इनजोर, बेस गिर्दाते पंचताहि पेसिस अतोर.

लूकाल 21:36

अदिनेनाह्‌क उसरते मन्जि, इव पूरा आयनव पीळाङ-दोकानाहि पिसकोम इन्जि, अमेसा दीरा पोसि पार्तना कीसोर मन्ह्‌टु. अह कीतेके नना माने-मन्कना नडुम पुटटोनन वायकन अस्के, मीट नावा मुनेह बेदे रेयलेवा नितकिर,” इनजोर येसु वेहतोग़.

तोहचीतव पोल्‍लोङ 3:4

“मति सरदिस सहरतगा उच्वुर विस्वसिर मन्ह्‌तोर. तमाङ गेंदेन कळ्न्जवप तासना लेह्‌कान, तमा ताकमुळतुन वने, बेस-नेह्‌ना तासतोर. ओर माचलेवव पांड्रि गेंदेङ केग़तपु, सेतेमते नावा ऐंगे-ऐंगे ताकनुर; ओर अद्रम ताकना लायके मन्ह्‌तोर.

इब्रितोर 11:35

विस्वस कीताह्‌कु उचुक आस्कु, डोलिस मतोर तमा मन्कलोरिन, ओसोवने जीवा अरतद दोर्किह कीताङ. विस्वस कीतोर दुस्रोर बारा, तमा कोटुलतोरग्डाहि देबाङ तिनजोर-तिनजोर डोलतोर. डोलतापया माक देवुळि पका बेसतल पिसमुळ ईयग़ा इन्जि, आसा कीसोर मतोर. अदिनेनाह्‌क (माट देवुळतुन विळ्सिह्‌नोम,) माक विळ्सिसीम्ह्‌टु इनजोर इनवालेवा, तिपल आसोरे डोलतोर.

मार्कल 12:24

इतस्के येसु ओरिन इतोग़, “हामुरताहि जीवा अरयना लोप्पा, देवुळता सास्त्रम बाताङ वेहतह्‌ता, अविन मीट पुनविर. ओसो हामुरताहि तेग़्किह कीयनद देवुळता लावतुन वने पुनविर. अदिह्‌क मीटु गंगाते लेसतप मह्‌निर.

मत्याल 22:29

अस्के येसु ओरिन इतोग़, “हामुरताहि जीवा अरयना लोप्पा, देवुळता सास्त्रम बाताङ वेहतह्‌ता, अविन मीट पुनविर, ओसो हामुरताहि तेग़्किह कीयलाह देवुळता लावतुन वने पुनविर, अदिह्‌क मीटु गंगाते लेसतप मह्‌निर.

मार्कल 10:42

पया येसु सबेटोर बळयिरिन, तना एरे केयिस इद्रम इतोग़, “इद दुनियातोर राजालोर तमा राजेमतोरिन कय इळ्न तासिह्‌तोर, अहे दुनियातोरा बेरोर मन्कलोर उड्लोर मन्कलोरगा, तमा अदिकर ताकिह कीस्तोर, इद इतेक मीक एर्काये.

लूकाल 16:8

“पया ओग़ मुळ्हे मेटि, पका सत्रलते कबळ कीतदिन माल्काल ऊळिसि, ओन ‘पका उसर मह्‌निन रा!’ इन्जि इतोग़. इद्रमलेह्‌का देवुळतुन पुतोर लोकुरिह्‌काय एक्‍वा, देवुळतुन पुनवोर लोकुर, ओर्विह्‌क-ओर्वोग़ ईयना-एतनदिना लोप्पा, पका सत्रल मन्ह्‌तोर.