लूकाल 20:14 - माडिया गोंड पवित्र सास्त्रम

¹⁴ मति ओर मन्कलोर ओग़ वायनदिन ऊळिसि, तमतमाय इद्रम विचर कीतोर, ‘अरे वेग़ इतेक माल्काना मग़ि आंदोग़ रा! वेन हव्कतेक अचोन, पया इद वाळुम मावा आयग़ा,’ इनजोर इतोर.

लूकाल 20:14 Referans Kwoze

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

इब्रितोर 1:2

मति इंजेके, इद आक्रिता कालमते बार, तना मग़िन लोहता, लोहचि ओना मेटे मावा संगे वळ्ह्‌कता. ओनाय मेटे इळ्ता, पोग़ोटा बूमतगा मनदनव सबेटविस्किन पंडटा. पंडिसि ओनाये अदिकरते सबेटविन ईसीता.

बळयिर 3:15

अमेसाता पिसमुळ एवाल माल्कान मीट हव्कलाह ईतिर, तेला मति हामुरताहि देवुळि ओन जीवा अर्हता. इद पोल्‍लोता माट इर्वोम साक्सि मह्‌नोम.

बळयिर 2:23

ओग़ येसुनु यहुदाल मीवा कयदगा पोस ईतापया, मीट देवुळताङ अडोङ पुनवोरा संगे, हव्कनागुटातगा मोल्‍लाङ कोटिस हामुरता सिक्सा ईतिर. इद देवुळता मुनेताहि विचर मता,(अद्रमे पनस दियाङ मुने करल आता).

लूकाल 22:2

अद वेलाते पेर्मालोर, सास्त्रमगूरुर, येसुन हव्कलाह विचर कींदुर, मति लोकुरा रेयतेनाह्‌क, बह कीस वेन हव्कना इन्जि, अग़ ऊळिंदुर.

लूकाल 20:19

इद पोल्‍लोतुन वेहनेके, वेग़ मावा लोप्पाने इव पोल्‍लोङ वेहतलाह आतोग़ इन्जि, अदे वेलाते सास्त्रमगूरुर ओसो पेर्मालोर, येसुन बहाय कीस पोयतलाह ऊळिंदुर. मति लोकुर माक विरुद कीयनुर इनजोर रेयतोर.

लूकाल 20:5

अस्के ओर तमतमाये, कुस्क-कुस्क आसोर वळ्ह्‌कलाह आतोर, “वेन माट बाताल वेहतकल रा? देवुळतेनाहे ओन्क एग़ मीहतलाह अदिकर दोर्कता इनजोर वेहतेक अचोन, ‘मीट पया बाराह्‌क योहननाङ केंजविर?’ इनजोर माक इनदनोग़.

लूकाल 19:47

अद्रमे पया येसु दिनम मंदिरतगा अन्जि काग़्हन्दोग़. पेर्मालोरु, सास्त्रमगूरुर, मुक्या मन्कलोर, वेर ओन हव्कलाह अग़ ऊळिन्दुर.

मत्याल 21:25

योहनिह्‌क लोकुरिन देवुळता पेदिरते एग़ मीहतलाह, बोग़ अदिकर ईतोग़? देवुळ ईताया, बारा मन्कलोर ईतोरा?” इन्जि ताल्ह्‌कतोग़. अस्के ओर तमतमाय इह वळ्ह्‌किंदुर, “माट देवुळ ईता इनदकल अस्के, वेग़ इनदनोग़, ‘अह इतेक मीट बाराह्‌क योहनिन नमविर?’ इनदनोग़.

मत्याल 16:7

“माट आरिङ तवाह्‌के बहे, (गूरु माक इह वळ्ह्‌किह्‌तोग़,)” इन्जि कग़यवालोर तमा-तमाय वळ्ह्‌किंदुर.

मत्याल 21:34

पया अंगुर पंडिना पंटा वातस्के, ओग़ तना पंटाता तूस ओयनेनाह्‌कु, उय्तुर ओर्युलतोरिनु, ऊळेवाळे केवालोरक्‍के लोहतोग़.

लूकाल 20:13

“पया इद्रम आनेके, अद वाळुमता माल्काल तनतनाय विचर कीतोग़, ‘इंजेके नना बह कीकन? अले इंजेक नना जीवा कीतोग़ नावा मग़िन लोहतकन, अस्के ओन ऊळिस बह कदर एवोरा?’ इनजोर मग़िन लोहतोग़.

लूकाल 20:15

पया ओग़ पेकाल अगा वातस्के, ओन वाळुमता पलतेह ओसि हव्कतोर. “अंगुर वाळुमता माल्काल इंजेके ओरिन बह कीयनोग़?