लूकाल 2:27 - माडिया गोंड पवित्र सास्त्रम

²⁷ पया देवुळता जीवा ओन वेहताह्‌कु, मरियाल ओसो योसेप मंदिरतगा वातद दिया, ओग़ वने मंदिरताङ मंडानगा वातोग़. मोसानाङ अडोनगा रासतप लेह्‌का, येसुन देवुळतुह्‌क विळ्सिसीयनद रिवज कीयलाहि तलोग़-तपे तच मतोर.

लूकाल 2:27 Referans Kwoze

बळयिर 10:19

अदे तूकने पत्रु देवुळ तोहतद लेकातुन विचर कीयलाह आस मतोग़; अस्केन देवुळता जीवा ओन वेहता, “पत्रु इके केंजा, मुवुर मन्कलोर नीक पर्ह्‌कसोर वातोर.

लूकाल 2:51

पया येसु तपेरा संगे तमा नासरेत नाग़ अतोग़. पेकाल ओरा पोल्‍लो केंजसोर ताकिंदोग़. ओना तलोग़ इव सबे पोल्‍लोन तना पोटातगा तासिस, आलिह कीसोर मता.

लूकाल 2:48

ओना तलोग़-तपे वने ओन ऊळिस पका बामतोर. पया ओना तलोग़ इता, “माक इद्रम बाराह्‌क तिपल कीतिन बाबा? मिय्माल, नना, पका आलिह कीसोर, नीक बेचोन पर्ह्‌कतोम, एर्काये!”

लूकाल 2:41

येसुना तलोग़-तपे वर्सा-वर्सातुह्‌क आवना पंडुम कीयलाहि येरुसलेम सहरता मंदिरतके अंदुर.

तोहचीतव पोल्‍लोङ 17:3

अचोटेने देवुळता जीवाता दळ्म नयगा अर्सि, देवतुल नाक पेळ्ह्‌कल बूमतगा ओता. ओसि नाक उंद लेका तोहता. अद लेकाते अगा, उंद रेंगाल रकसता पोग़ोन उदतद आंचान नना ऊळतन. अद रकसता पूरा मेंदुलमेंड, देवुळतुन पास्कनव पेदिर्क मताङ. अहे तान्क एळुङ तलाङ ओसो दहा कोह्‌क मताङ.

तोहचीतव पोल्‍लोङ 1:10

अगा मनदह्‌पा, सामिना दिया ऐतारमते, देवुळता जीवाता दळ्म नयगा अरता. अस्के नावा पेग़्केडेके अकुम नेकतप लेह्‌का, जोरते वळ्ह्‌कनद केंजतन.

बळयिर 16:7

पया मूसिया एरियाते एव्सि, बितुन्या पटटे दायलाह विचर कीतोर. मति येसुना जीवा ओरिन अगा दायलाह एवो.

बळयिर 11:12

पया देवुळता जीवा नाक इता, ‘ओर यहुदिर आयोर इन्जि, उन्क-मन्क आयवा, ओरा संगे अन,’ इनजोर इता. पया नावा संगे वेर आग़वुर यापा नाटेनोर विस्वसिर वने, केसरिया सहरते वातोर. पया माट कुरनेलिना लोन अतोम.

बळयिर 8:29

अस्के देवुळता जीवा पिलिपिन, “निमा अगा अन्जि, अद कोडागाडाता संगे अन,” इता.

लूकाल 4:1

पया येसु योर्दन बेरेटगा देवुळता पेदिरते एग़ मीसि, पवित्र जीवाते निंदतोग़. निंदतस्के देवुळता जीवा ओन पेळ्ह्‌कल बूमते ओसीता.

लूकाल 2:22

मोसानाङ अडोङ वेहतपु, (पेकाल पुटिस रिकम आतद आंचाळि रेंड वीसाङ दियाङ आनाह्‌जोम कळ्‍वोग़आंदु). देवुळताङ अडोना सास्त्रमतगा रासतप लेह्‌का, मरियाल कळ्‍वोग़ आताह्‌कु, उंद जोळ परेवा पिटेङ, इलवेके उंद जोळ पोनळ पिटेङ बूमयानगा ईसि, मोक ईयना मता. ओसो देवुळताङ अडोना सास्त्रमतगा, माळा मग़िन देवुळतुह्‌क विळ्सिसीयना इनजोर रासतद मन्ह्‌ता. अदिह्‌क पेकानु देवुळतुह्‌क विळ्सिसीयलाहि, मरियानाङ कळ्‍वोग़ताङ दियाङ मारतापया, अदु ओसो योसेप येसुन येरुसलेम सहरता मंदिरतगा ओतोर.

मत्याल 4:1

अस्के देयह्‌कना मुक्यानेनाहि येसुना पट ऊळना गावले इन्जि, देवुळता जीवा ओनु पेळ्ह्‌कल बूमते ओसीता.

लूकाल 2:28

अस्के सिमियोन मुय्तोग़ ओरग्डाह पेकान एतोग़, एचि देवुळतुन जोहर कीसोर इतोग़,

गलातितोर 4:4

पया देवुळ वेहतद कगो एवतस्के, अदु तना मग़िन इद बूमते लोहता. ओग़ आंचाना पोटाताहि पुटटोग़,मोसानाङ अडोङ नोमवालोर यहुदि जाततोरगा पुट वातोग़.