लूकाल 19:46 - माडिया गोंड पवित्र सास्त्रम

⁴⁶ येसु ओरिन इतोग़, “देवुळता कबुरतोग़ इद्रम रासतोग़: देवुळ इह इन्ह्‌ता: ‘नावा लोतुन मोळ्कनद जागा इनदनुर, मति मीट देवुळता लोतुन डाकुरा डेरा कीतिर,’” इतोग़.

लूकाल 19:46 Referans Kwoze

मत्याल 23:13

“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्‌क इतेके देवुळता राजेमतके वावालोरा अग़ मीट केहतह्‌निर. मीट कुद वने ओळियविर, ओसो ओळियवालोरिन वने दाया एविर.

मत्याल 21:13

अह कीसि येसु ओरिन इतोग़, “ ‘नावा लोतुन मोळ्कनद जागा इनदनुर,’ इन्जि देवुळ इन्ह्‌ता, इद्रम सास्त्रमते रासतद मन्ह्‌ता. मति मीट देवुळता लोतुन डाकुरा डेरा कीतिर!” इतोग़.

मार्कल 11:17

पया तना काग़्हतह्‌पा, ओरिन इद्रम इतोग़, “ ‘नावा लोतुन सबे जातिनोर मोळ्कनद जागा इनदनुर,’ इन्जि देवुळ इन्ह्‌ता, इद्रम देवुळता कबुरतोग़ रासतोग़, पुनविरा? मति मीट देवुळता लोतुन डाकुरा डेरा कीतिर,” इतोग़.