लूकाल 16:23 - माडिया गोंड पवित्र सास्त्रम

²³ ओग़ साव्करना जीवा हानादीपता किसबटटा जागातगा तिपलते मनदह्‌पा, पोग़ोन ऊळतोग़; ऊळनेके, ओन्क जेकु अब्रहमना कचुल, लाजर उदिस मनदनदिन ऊळतोग़.

लूकाल 16:23 Referans Kwoze

2 पत्रु 2:4

अद इद्रमि: पापम कीतव पोग़ोटाङ देवतुल्किन वने, देवुळि विळ्सो; अविस्किन गोल्स्कने दोहचि, देयमदीपते मनदनद ईकळ गंगाता सिक्सा-बोंदातगा वाटिसीता. वाटिसि तना नेयम कीयनद दियातेनाह्‌क तासता.

लूकाल 16:28

बाराह्‌क इतेके नाक एयवुर तमोर मन्ह्‌तोर, (ओर नावा लेह्‌का पापि बुदते मनमाकिर इनजोर,) ओरिन अन्ज वेहतेके, नना पका तिपल आय्ह्‌नन इद जागातगा, ओर वावोर आयनुर,’ इनजोर इतोग़.

मत्याल 18:9

अहे नीवा कोंडा नीवा विस्वसतुन विळ्सनाह कीतप कीता बार इतेके, कोंडातुन बोग़ाय पेग़्हचीतेक बेस आवालि, (इद्रम निमा येसुनगा विस्वसतुन विळ्सोन इन्जि जिद कीमु). बाराह्‌क इतेके नीवाङ रेंड कोंडाङ मन्जि निमा पिववद किसबटटा सिक्सातगा दायना वाटो, उंदिय कोंडा मन्जि अमेसाता पिसमुळते दायना, इदे नीक पाय्दाता!

तोहचीतव पोल्‍लोङ 20:10

ताना पया ओरिन नाळेह कीसोर मतद देयह्‌कना मुक्यानु, उंद देवतुलि मळ्गनद किसबटटगा वाटिसीयग़ा. अगाने अद रकसतुन, ओसो जोल कबुरतदिन, मुनेन वाटटद मन्ह्‌ता. अवु अगा नग़्का पिळ्‍विळ, पियल-पोळ्‍द, अमेसा-अमेसातुह्‌क किस मंटाते, सिक्सा आसोर मनदनुङ.

लूकाल 8:28

अद देयमि ओग़ मन्कन ऊक-ऊके पोय्न्दु. इद्रम पोयतस्के, लोकुर ओनाङ कय्किन-काल्किन गोल्स्कने दोहचि पह्‌रा मंदुर. मति ओग़ ऊक-ऊके गोल्स्किन देहन्दोग़, अस्के देयम ओन बोरे लेवा जागातेके पोस वितिंदु. पया येसु, अद देयमतुन ओनग्डाहि पेसिस दायलाह उकुम ईतोग़, अस्के ओग़ येसुना कालगडेम अर्सि “एय सबेट्क बेरा देवुळता मग़ि येसुनिन, निमा नाक बार्किया अडम आय्ह्‌निन? नना नीक अर्जि कीय्ह्‌नन, नाकु सिक्सा एमा,” इनजोर जोरते केयतोग़.

मत्याल 5:29

अदिनेनाह्‌क नीवा विचरतगा, कोंडाते ऊळिस पापम कीयलाह आतेके, कोंडातुन बोग़ाय पेग़्हचीतेक आवालि, इद्रम निमा पापम आयमाकि इन्जि जिद कीमु. बाराह्‌क इतेके नीवा पूरा मेंदुलि, देयमदीपता अमेसाता सिक्सातगा दायना वाटो, नीवा मेंदुदा उंदि कोंडा बूळेम आयना, इद नीके पाय्दाता.

मत्याल 5:22

मति इंजेके नना मीक वेहतह्‌नन, बोग़ तना ऐंगेटोनु [उगसे] ओङ कीस्तोग़, ओग़ वने देवुळता नेयम जोकना सिक्सातगा अरयनोग़. ओसो बोग़ तना ऐंगेटोना कदर रेहतह्‌तोग़, ओग़ु यहुदि जाततोराङ पेदल्कना बेरा कोरटटगा दांड निहतनोग़. ओसो बोग़ दुस्रोनु ‘एय, पिसा-बय्तळि!’ इद्रम इन्ह्‌तोग़, ओग़ु देयह्‌कना मळ्गना किसबटटा सिक्सातुह्‌क ओजनोग़.

मत्याल 11:23

ओसो ए कापेर्नाटेनोरिर! मीट देवुळदीपतगा पोग़ोन एवयकोम इह्‌निरा? आयो, देवुळि मीक इळ्ने हानादीपतगा पोहचीयग़ा! मियगा नना बेव बेरा डीसाताङ कबस्क कीतन, अव कबस्क सोदोम नाटे तेला कीस मतेके, अद नाटेनोर तमा पापमताहि मिळ्न्देर, अह आसि सोदोम नेंड एवनाह्‌जोम पिसालि, देवुळि तान बूळे केवो आवालि.(मति मीट इतेक मीवा पापमताहि मिळ्न्दविर!)

मत्याल 8:29

येसुन ऊळिसि, वेर पकाय जोरते केयतोर, “एय देवुळता मग़निन, निमा बार्किया माक अडम आय्ह्‌निन? नेयम कीयनद कगो एवयनामुनेन, निमा माक सिक्सा ईयलाह वातिना?

लूकाल 16:24

अस्के पया ओग़ अब्रहमिन आळो कीस इद्रम इतोग़, ‘ए अब्रहम तादोनिन! नाक ऊळिस जीवा लोपा रा! नना किसबटटगा कर्वलाह आतन. निमा मुर्बत कीसि लाजरिन लोहचीम, ओग़ वासि तना वेळ्न्जतुन एतगा मुळ्हचि, नावा वेंजेटुन सितुर कीयेग़,’ इनजोर केयतोग़.