लूकाल 16:22 - माडिया गोंड पवित्र सास्त्रम

²² “मनेक मनेके उंद दिया, गरिब मन्कल डोलतोग़. अस्के देवतुल्क वासि, ओना जीवातुन पोग़ोन सिंगर्दीपतगा अब्रहम मुय्तोना कचुल ओस तासताङ. पया उचुक दियाने, ओग़ साव्कर मन्कल वने डोलतोग़. लोकुर ओना सति-गति कीतोर.

लूकाल 16:22 Referans Kwoze

1 पत्रु 2:24

माटु मावा पापमताङ विचर्कनाहि पिह्‌ट अर्सि, सेतेमते ताकनेनाह्‌क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्‌के, मीट मीवा जीवाते बेस आतिर.

तोहचीतव पोल्‍लोङ 14:13

पया देवुळदीपताहि उंद लेङ इद्रम वेहतनद केंजतन: “इद्रम रासा: ‘इंजेटाहि सामिन विस्वस कीसोर डोलतोर मन्कलोरिह्‌क सुकम दोर्कग़ा’ इनजोर रासा,” इता. देवुळता जीवा वने इद्रम इन्ह्‌ता: “इंगो! निटमे! ओर कीतव बेसताङ कबस्किन, देवुळि अमेसा सीताते तासग़ा. अदिनेनाह्‌क ओर डोलतस्के, तिपललेवा ओरिह्‌क आरम दोर्कग़ा,” इनजोर इता.

याकुब 1:11

पोळ्‍द पेसतस्के पका एद तेग़यह्‌ता, अस्के पका एद दल्गिसि, रोंडा वतिह्‌ता. ओसो ताना पुंगेग़ वने ऊसिह्‌ता. ऊसतापया ताना सोबा मारिह्‌ता. अद्रमलेह्‌काने साव्कर लोकुर वने, तमा कमयता पेग़्के अन्ज-अनजि बूळेम आयनुरे.

योहन 13:23

तिननेके ओर्वोग़ कग़यवाल येसुनगा रोयिसि उदिस मतोग़ (ओग़े येसु पका जीवा कीतोग़ कग़यवाल इनवाल आंदोग़).

मार्कल 8:36

मन्कल पूरा दुनियातुन गेल्सतेक तेला मति, तना कुदता जीवातुन पिववद किसबटटगा लेसिह कीतोग़ इतेके, ओन्क बाताल पाय्दा आयग़ा?

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

मत्याल 24:31

अस्के पया नना नावाङ देवतुल्किन, अकुमता बेह्‌रा आल्काते, दुनियाता मूलाह्‌क-मूलाह्‌क लोहतकन. पया अवु इद बूमतगा सर्ने मनवालोर नावाङ आचतोर लोकुरिन जमा कीयनुङ.

मत्याल 18:10

“उसरते मन्ह्‌ट, नाक नमवालोर उड्लोरिनु बोने बार मीट पोहचीतप ऊळमाटु. बाराह्‌क इतेके वेरिन ऊळनव देवतुल्कु देवुळदीपते मन्ह्‌ताङ, अविस्किह्‌क अमेसा नावा बाबाना मुनेह अन्जि वेहतलाह अदिकर मन्ह्‌ता, इदिन मीट सीताते तासाटु.

इब्रितोर 2:14

(वेर पिलाङ-पेकोर इतेके माटे!) माट कय्क-काल्क मनवालोरल मताह्‌कु, येसु वने मावा लेह्‌का कय-कादोग़ आसि वातोग़. जीवात मनाह्‌जोम, मयगा हामुरता रेय मताह्‌कु, देयह्‌कना मुक्याना अदिकर मावा पोग़ोन मता. मति येसु तना हामुरता मेटे, ताना अदिकरतुन बूळे कीतोग़. कीसि माकु हामुरता रेयताहि विळ्सिह कीतोग़.

योहन 21:20

पया पत्रु पेग़्के मल्स ऊळतोग़ अस्के, येसु जीवा कीतोग़ कग़यवाल, ओरा पेंडेस वातदिन ओग़ ऊळतोग़. (वेग़े कग़यवान कोनि येसु हायनामुने, कग़यवालोर ऐंगेन तिनदह्‌पा, सामिन पोस एवाल बोग़ आंदोग़, इदिन पुनदलाह, पत्रु कोंडा चिम्चिह कीसि, येसुन ताल्ह्‌कलाह वेहच मतोग़.)

लूकाल 12:20

इद्रम विचर कीनेके, देवुळि ओनु, ‘ए! बुदलेवोनिन! नेंडे नग़्का नीवा जीवातुन नना ओतेके, निमा इचोन जमा कीस तासतद, सबे मालसोम बोन्क आयग़ा?’ इनजोर इता.

मत्याल 8:11

इदे निटम पोल्‍लो, मीट केंजाटु, वेग़ दरोगानलेह्‌काडोर बूममेटोर यहुदि आयवोर ईनाह-आनाह जमा आयनुर. जमा आसि देवुळदीपता राजेमतगा मावाङ मुनेतोर पेदल्क अब्रहमि, इसकि, याकुबि, वेरा संगे कुळ्प तिनदना बतते उदनुर.

लूकाल 16:21

साव्कर तिनदह्‌पा, इळ्न अरतव पेसावार्किन तेला तिन्जि, पोटातुन निहेनन इन्जि, ओग़ विचर कींदोग़. ओसो ओना मेंदुदाङ बोटान नय्क बार वासि नाकिन्दुङ.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.