लूकाल 13:31 - माडिया गोंड पवित्र सास्त्रम

³¹ अचोटेन उय्तुर परुसिर ओनगा वासि इतोर, “एरोद अंतिपस राजाल नीक हव्कलाह ऊळिह्‌तोग़. निमा इग्डाह बेगातेल दुस्रा जागाते अनु.”

लूकाल 13:31 Referans Kwoze

मत्याल 14:1

अद तूकने गालिल पटटा राजाल, एरोद अंतिपस इनवाल, येसु कीताङ कबस्किन केंजतोग़.

लूकाल 3:1

तिबिरिया कय्सर इनवाल पूरा रोम राजेमता बेरोग़ राजाल आसि, पंद्रा वर्साङ आस मतोग़. अस्के पुन्‍तियु पिलाति इनवाल, यहुदा पटटा गुमसि मतोग़.एरोद अंतिपस इनवाल राजाल गालिल पटटा गुमसि मतोग़. तना तमोग़ पिलिप इनवाल, इतुरेया ओसो तरकोनीतिस इव पटिना गुमसि मतोग़. लिसानिया इनवाल, अबिलेने पटटा गुमसि मतोग़.

मत्याल 14:3

(योहनि, एरोद राजाल, वेरा नडुम कट्लाङ इह आताङ.) राजाना दादाल पिलिप, वेग़ जीवात मनेकेने, वेना मुते, एरोदियसि इनदनदिनु, राजाल तना लोन ओतोग़. अस्के योहन राजानगा वास इतोग़, “नीवा कीतद कबळ मोसानाङ अडोङ वेहतपु पोलो, महरज,” इन्जि वेहतोग़. इद पोल्‍लोतुह्‌क एरोद राजाल ओङ आसि, योहनिन दोहचि जेलते वाटटोग़.

मत्याल 14:6

पया एरोद राजाल पुटटा दिया एवता, अद दिया राजाल कुळ्पि ईतोग़. अस्के राजाल ततदु तमदादाना मुते एरोदियसि, तेना मयाळि लोकुरा मुनेह एंदिसि, राजान गिर्दा कीता.

लूकाल 9:7

पया येसु कीतव ओसो वेहतव पोल्‍लोन, गालिल पटटा राजाल, एरोद अंतिपस केंजिसि, एक्बेक आतोग़. बाराह्‌क इतेके उय्तुर, “देवुळता कबुरतोग़ एलिया मुय्तोग़ ओसोवने वातोग़,” इंदुर. उय्तुर बार “आयो! वेल्‍लाय मुने बोर कबुरतोर मतोर, ओरग्डाहि जीवा अरतोग़ु, वेग़ ओर्वोग़ देवुळता कबुरतोग़ आंदोग़ बहे,” इंदुर. ओसो उय्तुर बार, “योहन डोलिस जीवा अरतोग़,” इनजोर इंदुर.

लूकाल 23:7

इंजेके गालिल पटटुन ताकिह केवाल एरोद अंतिपस राजाल, अव दियाने येरुसलेम सहरतगान वास मतोग़. येसु गालिल पटटोग़ आंदोग़ इनजोर पिलाति पुतस्के, येसुन ओनगा ओयलाह वेहतोग़.