लूकाल 13:24 - माडिया गोंड पवित्र सास्त्रम

²⁴ “नना मीक वेहतह्‌नन, वेल्‍ला पसलेवदु उड्ला अग़दुह्‌कु, देवुळता राजेमतगा नेङलाह ऊळाटु. बाराह्‌क इतेके वेल्‍लाटोर लोप्पा नेङलाह ऊळनुर, मति नेङ पग़वोर आयनुर.

लूकाल 13:24 Referans Kwoze

2 पत्रु 1:10

अदिनेनाह्‌क मावोर विस्वसिरिर, इव पोल्‍लोङ मियगा मन्ह्‌ताङा, इलेङा इन्जि पर्ह्‌किस ऊळाटु. देवुळि निटम मीक आचिसि, तना मन्कलोर आयलाह केयता इनजोर, मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.

इब्रितोर 4:11

अदिनेनाह्‌क माट वने अगा, आरम कीयनद जागातगा एवयलाहि जिद कीयिङ. मयग्डाहि बोग़े, मुनेतोर मन्कलोरा लेह्‌कान, देवुळता पोल्‍लो केंजवाह्‌क, बूळेम आयनद आयो.

लूकाल 21:36

अदिनेनाह्‌क उसरते मन्जि, इव पूरा आयनव पीळाङ-दोकानाहि पिसकोम इन्जि, अमेसा दीरा पोसि पार्तना कीसोर मन्ह्‌टु. अह कीतेके नना माने-मन्कना नडुम पुटटोनन वायकन अस्के, मीट नावा मुनेह बेदे रेयलेवा नितकिर,” इनजोर येसु वेहतोग़.

योहन 6:27

अवयनद तिंडटा पेग़्के अनमाट, मति अमेसाता पिसमुळ ईयनद, बेस्केन अववदु तिंडटुन पर्ह्‌काटु. इद्रमता तिंडि माने-मन्कना नडुम पुटटोनन, नना मीक ईकन. बाराह्‌क इतेके अदिन ईयनद अदिकर नावा देवुळबाबाल नाक ईतोग़,” इनजोर इतोग़.

रोम सहरतोर 10:3

बह इतेके, देवुळि लोकुरिन बेद्रम सेतेमतोर कीस्ता इनजोर, ओर पुनोर. पुनवाह्‌कु, ओरु मोसानाङ अडोङ केंजिसि ताकतेके, देवुळि माक सेतेमतोर इनदग़ा इनजोर, विचर कीस्तोर. मति किर्स्तु मयेनाह्‌क मोक आसि, पाळ्नाङ अडोन मारिह कीसि, अद अग़दुन बंद कीतोग़. कीसि, लोकुर सेतेमतोर आयलाहि, विस्वसता अग़ तोहतोग़. मति इद अग़दे, इस्रयेलतोर ताकोम इन्ह्‌तोर.

कुलुसितोर 1:29

इदे पोल्‍लोतेनाह्‌क नना एपुर पेसनाह कबळ कीसि, पप्ळेम आयलाह आतन. किर्स्तुना बेरा लाव नाक ताकिह कीताह्‌कु, नना कह्‌टेम कीयलाह आतन.

योहन 7:34

मीट नाक पर्ह्‌ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,” इनजोर इतोग़.

योहन 8:21

ओसो उंद देबा येसु ओरिन इतोग़, “नना पेसिस दाकन, अस्के मीट नाक पर्ह्‌ककिर. मीट मात्रम मीवा पापम मापि आयवाये हायकिर. बेगा नना दाकन, अगा मीट वाया पग़विर,” इतोग़.

मत्याल 11:12

देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्‌जोम, देवुळ तना राजेमतुन जोरतेने निल्पिह कीसोर मन्ह्‌ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्‌तोर.

योहन 13:33

“ए पेकोरिर, नना ओसो गेळ्के मीवा ऐंगे मह्‌नन. पया मीट नाक पर्ह्‌ककिर, मति बहलेह्‌का नना यहुदिराङ पेदल्किह्‌क वेहतन, अहलेह्‌का नना मीक वने इंजेके वेहतह्‌नन: नना बेगा दाय्ह्‌नन, अगा मीट वाया पग़विर आयकिर.

लूकाल 13:23

अस्के ओर्वोग़ मन्कल ओन इद्रम ताल्ह्‌कतोग़, “गूरु! उय्तुरे मन्कलोरिन देवुळि पिसिह कीयग़ाया बहु?” इतोग़. अस्के येसु ओन इतोग़,