लूकाल 12:42 - माडिया गोंड पवित्र सास्त्रम

⁴² इतस्के येसुसामि इतोग़, “बेसता बुदतोग़ सेतेमते कबळ केवाल, इद्रम बोग़ मेटि मन्ह्‌तोग़, ओन लोता माल्काल ओर्युलतोरिह्‌क कगोत्क-कगो अडिया ईयलाहि आचिह्‌तोग़.

लूकाल 12:42 Referans Kwoze

इब्रितोर 13:17

मीवा मुडा मुक्यालोर, मीवाङ जीवाना राका कीस्तोर. तमा कीयनद इद कबळता लोप्पा, ओर देवुळतुह्‌क इसब ईयनुर. अदिनेनाह्‌क इद कबळतुन ओर नारजते आयो, मति गिर्दाते कीयनाह, ओरा पोल्‍लोते वरेम आस मन्ह्‌टु. ओर नारज आस कीतेके, मीक बाताले पाय्दा दोर्को आयग़ा.

इब्रितोर 13:7

मीक देवुळता पोल्‍लोतुन वेहचि, अग़ तोहतोरिन सीता कीम्ह्‌टु. ओरा ताकमुळतुन विचर कीस ऊळाट; ओर देवुळता पोग़ोन आक्रि एवनाह विस्वस तासिस मतप लेह्‌कान, मीट वने विस्वस तासाट.

2 तिमोति 4:2

बेसता कबुरतुन पोकुर कीम. मन्कलोरिह्‌क केंजलाह विचर वातेकाय, वावेकाय, वेहचोर मन. मुर्तिय ओङ आयवा, मन्कलोरिन सुद्रे कीसोर, लाग्वा कबळ कीतेक तेर्हचोर, दीरा ईसोर, देवुळता पोल्‍लोतुन बेस-नेह्‌ना काग़्हचीम.

1 तिमोति 5:17

बोग़ाय विस्वसिरा मुक्याल, विस्वसिरा मुडुन बेस-नेह्‌ना ताकिह कीतोग़ इतेके, ओन्क बेस मान ईयना, ओसो बेस दान ईयना. कासा इतेके, देवुळता पोल्‍लोतुन वेहतना, काग़्हतना कीयनद कह्‌टेम केवालोरिह्‌क पका मान ईयना.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.

तीतुस 1:7

विस्वसिरा मुडुन ताकिह केवाल मन्कल, देवुळता लोतुन ताकिह केवाना लेह्‌कान आंदोग़. अदिह्‌क ओग़ बाताले कसुर दिसवोग़, कैंगम आयवोग़, केनेन ओङ आयवोग़, कल लोटि आयवोग़ु, जग्ळम केवोग़ु, कोताना लालुस केवोग़ मनदना गावले.

बळयिर 20:28

ओसो आपुना, अहे मियग्डोर विस्वसिरा मुडा, बेस राका कीसोर मन्ह्‌टु. बह इतेके ओराङ मुक्यालोर आयना इन्जि, देवुळता जीवाये मीक निल्पिह कीता. देवुळि तना मग़ना नेतुरता कर्सा कीसि ओरिन असता, इदिन सीताते तासाटु. अदिह्‌क मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु.

मत्याल 20:8

“पया पोळ्‍द अरतस्के, ‘सबेटोर बूततोरिन केयिसि, कतमतोरिह्‌क बूत ईम, आक्रि वातोरिह्‌क मुने ईमु, मुने वातोरिह्‌क आक्रिते ईमु,’ इनजोर माल्काल तना मेटिन वेहतोग़.

इब्रितोर 3:5

मोसाल देवुळता लोतोरगा, सबे पोल्‍लोने तपवालेवा सेवा कीतोग़; मति ओग़ सिरप सेवके मतोग़. वायनद कालमते देवुळि पुन्पिह कीयनव सेतेम पोल्‍लोनु, ओना कबळ मुनेन तोहचीता.

लूकाल 7:13

अद आंचान ऊळिसि, येसुसामिह्‌क पका मान वसता. अदिनेनाह्‌क तानु, “निमा अळमा बायि!” इनजोर इतोग़.

मत्याल 13:52

“अह इतेके, बेद्रम लोता माल्काल तना विजाबडटाहि पाळ्नाङ, पूनाङ इद्रमताङ मालसोमतुन पेहतह्‌तोग़, अद्रमलेह्‌काने मीट वने देवुळ राजेम कीयनाङ अडोङ कग़यतोरिर, दुस्रोरिन काग़्हतकिर. (अस्के मीटु पाळ्ना काग़्हमुळ ओसो नावा पूना काग़्हमुळ, मीवा पोटाताहि पेहच काग़्हतकिर,)” इन्जि येसु ओरिन इतोग़.

लूकाल 12:43

पया माल्काल वानेके, इद्रम बेस कबळ कीसोर मनवाल मेटि, पका देय्वातोग़ आयनोग़.