लूकाल 12:28 - माडिया गोंड पवित्र सास्त्रम

²⁸ इंजेके गेळापुंगेह्‌क नेंड मन्ह्‌ताङ, नाळ बूळेम आस्ताङ. एय विस्वस इलवोरिर, इद्रमता रोंडातुन देवुळि इचोटा बेसताङ केग़यनाङ उहपिह कीसीस्ता, इतेके मीक अदु बेचोन कासा कीसि, गेंदे केग़्‍पिह कीसीयग़ा! ईयग़ाया, एवोया?

लूकाल 12:28 Referans Kwoze

मत्याल 14:31

तोप्नेन पया येसु ओन पोयतोग़. पोसि “बह रा, निमा विस्वसलेवपु! नना नीक पिसिह कीकन इन्जि निमा नमविना?” इन्जि येसु ओन इतोग़.

मत्याल 17:20

येसु ओरिन इतोग़, “देवुळतगा मीवा विस्वस कमि मन्ह्‌ता, अदिह्‌कु अद देयमतुन मीट पूंड पग़विर. नना मीक सेतेम वेहतह्‌नन, मीवा विस्वस नूङमेटा मतेके, इद मेटातुनु मीटु ‘इग्डाहि ओके जर्गा!’ इनजोर इतेके, अद जर्गग़ा. मीट बेदाय कीया पग़यकिर.

मत्याल 6:30

इंजेके गेळापुंगेह्‌क नेंड मन्ह्‌ताङ, नाळ बूळेम आस्ताङ. एय विस्वस इलवोरिर, इद्रमता रोंडातुन देवुळि इचोन बेसताङ केग़यनाङ उहपिह कीसीस्ता इतेके, मीक अदु बेचोन कासा कीसि, गेंदे केग़्‍पिह कीसीयग़ा! ईयग़ाया, एवो?

1 पत्रु 1:24

इदिन माट पुह्‌नल बाराह्‌क इतेके देवुळता कबुरतोग़ ओर्वोग़ वेहतोग़: माने-मन्कलोर रोंडाये ओरा डीसा पुंगेह्‌के. रोंडा इंका वतिह्‌ता पुंगेह्‌क इंका रालिह्‌ताङ, मति देवुळता पोल्‍लो अमेसा-अमेसातुह्‌क मन्ह्‌ता! अदे मीटु केंजतदु येसुना लोप्पा बेसता कबुरि. अहे, इंगो!

लूकाल 8:25

पया येसु कग़यवालोरिन इतोग़, “(नना मीकु पिसिह कीकन इनजोर,) नावा पोग़ोन विस्वस केविरा?” इतोग़. मति ओर पका रेयिसि, तमतमाय, “अलाले! वळ्‍दुन, एतुन उकुम ईस्तोग़, अव रेंड आसि वेना उकुमतुन केंजिह्‌ताङ अयो, इतेके वेग़ बेद्रमतोग़ मन्कल मनदनोग़ रा!” इनजोर ओर बामतोर.

मत्याल 17:17

अस्के येसु इतोग़, “ए विस्वसलेवोरिर, गलत विचर केवालोरिर, मीवा संगे बेचानाह नना मनदकन? बेचानाह मीट देवुळता लावतुन पुनवाये मनदकिर? मियेनाह्‌क नाक वेल्‍लाय कयर वास्ता! अले अह इतेके, ओग़ पेकान नयके ताट,” इतोग़.

मत्याल 16:8

तेन पुन्जि येसु इतोग़, “एय विस्वसलेवोरिर, आरिङ इलवाह्‌कु, मीट बाराह्‌क इचोन आलिह कीय्ह्‌निर?

मत्याल 8:26

अस्के येसु उंजिस तेदताहे ओरिन इतोग़, “एय विस्वसलेवोरिर, (नयगा मीक पिसिह कीयलाह लाव मन्ह्‌ता इन्जि मीट पुनविरा,) मीट पया बार्किया रेयतिर?” इद्रम इतोग़. पया ओग़ नितोग़, निचि अद दूंदतुन, एतुन वेग़्हतोग़, अस्के दोम्‍क्‍नेन दूंद-मुर्गम मायता, अहे सबे मेलियनाङ बाताङ मेर्क्ने आताङ.

इब्रितोर 6:7

मुसुर पेग़दुन ऊतिस मन्जि, अगा कास्तकारि केवालोर मन्कलोरेनाह्‌कु, बेस अनम पंडिह कीयनद बूमतगा, देवुळता बर्कत मन्ह्‌ता; (उच्वुर विस्वसिर वने अद्रमता बूमलेह्‌काडोरे.)