लूकाल 11:43 - माडिया गोंड पवित्र सास्त्रम

⁴³ “ओ परुसिरिर! मीक पका गोसा आयग़ा! बाराह्‌क इतेके पार्तनाताङ लोह्‌कनगा, बेरोर उदवालोराङ जागाङ पर्ह्‌किह्‌निर. ओसो बजरतगा लोकुर मीक जोहर कीयना, इद्रमताङ बेसु.

लूकाल 11:43 Referans Kwoze

लूकाल 20:46

“सास्त्रमगूरुरग्डाहि उसरते मन्ह्‌टु. ओर तमा बेरातनम तोहतलाहि, लाट गेंदेङ केग़्सि तिरियलाह ऊळिह्‌तोर. बजरतगा मनवालोरु तम्क जोहर कीयिर इनजोर विचर कीस्तोर. मावाङ पार्तना कीयनव लोह्‌कनगा वेरिह्‌क उदलाह, मुनेहतेह कुर्सिङ गावले, कुळ्पिङ तिनदनाङ जागानगा उदलाह, वेर कदरताङ जागाङ पर्ह्‌किह्‌तोर.

3 योहन 1:9

नना विस्वसिरा मुडुह्‌क, उंद सीटि वने रासिस लोहच मतन. मति दियुत्रिपे इनवाल, विस्वसिरा मुडगा तना अदिकर ताकिह कीयलाह बोटटोग़. अदिह्‌क ओग़ नना वेहतनदिन केंजोग़.

पिलिपितोर 2:3

मियग्डाहि बोग़े तना कुदता कदर पर्ह्‌कमाकेग़, अहे उगसताङ पोमाडेङ केमाकेग़. मति कुदि उड्ला बुदतोग़ आसि, दुस्रोरिन आपुह्‌काय वीळिसि, कदरतोरा लेह्‌काने ऊळना.

रोम सहरतोर 12:10

तमोग़-दादाना लेह्‌कान, ओर्विह्‌क-ओर्वोग़ जीवा कीम्ह्‌टु. ओर्विह्‌क-ओर्वोग़ उड्ला बुदते मान ईयलाह उसर आम्ह्‌टु.

मत्याल 11:16

“मीट योहननाङ केंजवोरिर, नावाङ इंका केंजवोरिर, मीट बेद्रमतोरिर इनदना, तेन केंजाट. बोर पेकोर बजरतगा कग़्सलाह उदिसि, तमाङ गोतयालोरिन केयिह्‌तोर. केयसोर ओर इन्ह्‌तोर, ‘मीक इनजोर माटु तुरुस्कने रेला पाटाता रेगा ऊरतोम, तेला मति मीट एंदविर. पया माट हामुर रेगाताङ पाटाङ ओतोम, तेला मति मीट मोरो-मोरो इनजोरे, अळसोरे अर्युल पायविर.’