लूकाल 11:42 - माडिया गोंड पवित्र सास्त्रम

⁴² “ओ परुसिरिर, मीक पका गोसा आयग़ा! बाराह्‌क इतेके मीट पुलातगा वाटनव आकिना ओसो दुस्रा पंटाता, दहा तूस्कनग्डाहि उंद तूस देवुळतुह्‌क कोड ईय्ह्‌निर. (इचोन उड्लाङ पोल्‍लोन सीता कीय्ह्‌निर,) मति सेतेमते नेयम कीयना ओसो देवुळतुन जीवा कीयना, इद्रमताङ पोल्‍लोन सीता केविर. इविस्किन वने माळनाय मता, अविस्किन वने माळनाय मता.

लूकाल 11:42 Referans Kwoze

मत्याल 23:23

“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्‌क इतेके मीटु जीरा, सोप, इद्रमता पंटाता वने, दहा तूस्कनग्डाहि उंद तूस देवुळतुह्‌क कोड ईय्ह्‌निर. मति सेतेमते नेयम कीयना, जीवा लोपना, देवुळतगा बर्वस तासना, अडोना सास्त्रमते रासतव इद्रमताङ मोदुल पोल्‍लोन मीट विळ्सतिर. मति अव उड्लाङ पोल्‍लोन वने माळनाय मता, ओसो इव मोदुल पोल्‍लोन वने माळनाय मता.

लूकाल 18:12

वारममेटुह्‌क रेंड मल्काङ उपस कीय्ह्‌नन. नावा कमयता दहा तूस्कनग्डाहि, उंद तूस नियेनाह्‌क दान वने ईय्ह्‌नन,’ इनजोर इतोग़.

1 योहन 4:20

बोग़ाय, नना देवुळतुन जीवा कीय्ह्‌नन इद्रम इन्ह्‌तोग़, मति तना ऐंगेटोग़ विस्वसिन कोंटे कीस्तोग़ इतेके, ओग़ जोल मन्कल आंदोग़. तनाङ कोंडाह्‌क दिसवाल ऐंगेटोग़ विस्वसिन जीवा केवोग़ इतेके, तन्क दिसवद देवुळतुन ओग़ बह जीवा कीया पग़यह्‌तोग़?

मत्याल 23:27

“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्‌क इतेके मीटु पांड्रि चुना ओकताङ गुमयानलेह्‌का मह्‌निर. अव पलतेनाह इतेक पका सोबा दिसिह्‌ताङ, मति लोप्पाडेके ऊळतेके, सेत्तानाङ बोकाङ, कळियताङ-कळियताङ एग़्स्किसि किडुम पोस मन्ह्‌ताङ.

योहन 5:42

मति मीट बेद्रमतोरिर इन्जि नना पुह्‌नन. मीटु देवुळतुन मुर्तिय जीवा केविर.

मत्याल 23:13

“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्‌क इतेके देवुळता राजेमतके वावालोरा अग़ मीट केहतह्‌निर. मीट कुद वने ओळियविर, ओसो ओळियवालोरिन वने दाया एविर.