लूकाल 11:22 - माडिया गोंड पवित्र सास्त्रम

²² मति ओन्काय एक्‍वा लावतोग़ पळ्योग़ वासि, ओन उकिस आरे कीस्तोग़. कीसि लोतुन राका केवाल मन्कल बर्वस तासतव कसेह्‌क-मग़्स्किन ओनग्डाहि ऊंदिह्‌तोग़, ओसो तना लूटे कीतद मालसोमतुन वने, तना गोततोरा संगे तूसिह्‌तोग़.(अद्रमलेह्‌का देयह्‌कना मुक्यान आरे कीताह्‌के, नना देयह्‌किन पूंड पग़यह्‌नन.)

लूकाल 11:22 Referans Kwoze

1 योहन 4:4

ए पेकोरिर! मीट देवुळताहि पुटटोरिर आंदिर. मियगा मनदनद ताना पवित्र जीवा, दुनियाते मनदनद देयह्‌कना मुक्याह्‌काय, एक्‍वा बेरा लावता आंदु. अदिनेनाह्‌क मीटु ओर जोल काग़्हवालोरिन गेल्सतिर.

1 योहन 3:8

मति बोर पापम कीसोर मन्ह्‌तोर, ओर देयह्‌कना मुक्याना लोकुर आंदुर. बह इतेक, अदु सुरुमुनेताहिये पापम कीसोर वायलाह आता. तानाङ कबस्किन बूळे कीयलाहिये, देवुळता मग़ि वातोग़.

कुलुसितोर 2:15

इंजेके इद्रम आता इतेके, अदिकरते ताकिह कीयनव देयह्‌कना लावतुन, देवुळि अविस्कनग्डाहि किर्स्तुना हव्कनागुटाता मेटे, पूरा तेंडिस पोहता. पोहचि अव देयह्‌क पूरा आरेम आताङ इन्जि, अविस्किन सबेटोर ऊळनाह, दोहच तिर्हतप लेह्‌का कीता.

लूकाल 11:21

“(इदिन पुन्पिह कीयलाह, नना मीक उंद पोल्‍लो वेहतह्‌नन:) ओर्वोग़ पळ्योग़ कसेह्‌क-मग़्स्क पोसि, तना लोतुन राका कीसोर मतेक अचोन, ओना मालसोम बेस मन्ह्‌ता.

लूकाल 11:23

“बोग़ नावा संगे गोतते मनोग़, ओग़ नावा विरुद मन्ह्‌तोग़, ओसो बोग़ नावा संगे लोकुरिन जमा कीयलाह तोळ आयोग़, ओग़ ओरिन बिरोबटो कीस्तोग़.

इपिसुसतोर 6:11

केंजाट, मन्कलोरा संगे मावा लळय इले, मति इद बूमतगा ईकळता राजेमतुन ताकिह कीयनव, देयमदीपते मनदनव लाग्वाङ देयह्‌क, इविस्कना संगे मन्ह्‌ता. अदिह्‌कु (लळय केवाल सीपय, तना संगे वीस्राङ पोयतना लेह्‌का,) मीट वने देयह्‌कना मुक्याना संगे लळय कीयलाहि, देवुळताङ सबे वीस्रान पोय्म्ह्‌टु. अस्के मीट देयह्‌कना मुक्यानाङ नाळेह कीयनव आय्डाना अडम निचि, तान गेल्स पग़यकिर. बेस्के अद मीक बूळे कीयलाहि ऊळग़ा, अस्के ताना मुनेह निचि, तान गेल्स पग़यकिर. लळयतेनाह्‌क मीट पूरा तयर आस मन्जि, देवुळताङ वीस्रान पोस मन्जि निता पग़यकिर.