लूकाल 1:76 - माडिया गोंड पवित्र सास्त्रम

^76-79 ए नावा पेकानिन! नीक इंजेके बेरा डीसाता देवुळता कबुरतोग़ इनदनुर. बाराह्‌क इतेके, मावा देवुळि पका जीवा लोपिसि, तना लोकुरा पापमतुन मापि कीस पिसिह कीयग़ा इनजोरे, निमा सामिना अग़दुन मुनेह-मुनेह तीर्ह्‌कसोर दाकिन. पंङवियतस्के ईकळ मायिह्‌ता, अद्रमलेह्‌का माट पापमता ईकळते ताकवालोरगा, हामुरतुह्‌क रेयवालोरगा देवुळ लोहवाल पिसिह केवाना वेह्‌च दींचग़ा, ओग़ माक देवुळता संगे गूनम आनाह कीयनोग़.” इनजोर जकरिया मुय्तोग़ इतोग़.

लूकाल 1:76 Referans Kwoze

योहन 1:23

योहन इतोग़, “नना पेळ्ह्‌कल बूमते केयवाना आल्कालेह्‌काडोनन, सामि मीवा जीवातगा वायना इन्जि, ओना अग़दुन तीर्ह्‌काटु,” इनजोर यसयाल इनवाल देवुळता मुनेतोग़ कबुरतोग़ रासतदिन वेहतोग़.

मत्याल 14:5

अचोटग्डाहि योहनिन राजाल हव्कलाह ऊळिंदोग़, मति वेग़ देवुळता कबुरतोग़ मन्ह्‌तोग़ इन्जि, लोकुर योहनिन मान ईंदुर, अदिह्‌क राजाल लोकुरिह्‌क रेयिसि, योहनिन हव्कोग़ आसि.

मत्याल 3:3

वेल्‍लाङे वर्साना मुने देवुळता कबुरतोग़ यसयाल इनवाल, पवित्र सास्त्रमते रासिस तासतोग़, अद इह मन्ह्‌ता, पेळ्ह्‌कल बूमते केयवाना उंदि बेरा आल्का वेनदा वास्ता: “सामि मीवा जीवातगा वायना इन्जि, ओना अग़दुन तीर्ह्‌काटु, ओना वायनद अग़दुन कसुम कीम्ह्‌टु.” इद्रम रासतोग़. इंजेके योहन पेळ्ह्‌कल बूमते वातस्के, अद पोल्‍लो करल आता.

बळयिर 16:17

अद पिला बेद्रम कींदु इतेके, “वेर सबेट्क बेरा देवुळताङ सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु.

लूकाल 1:35

इतस्के देवतुल इता, “देवुळता पवित्र जीवा नीवा पोग़ोन रेगग़ा, बेरा डीसाता देवुळता दळ्म नियगा अरताह्‌कु, निमा नेलाङ हव्ककिन. अदिनेनाह्‌क नियगा पुटवाल पवित्र पेकानु, देवुळता मग़ि इनदनुर.

लूकाल 1:32

ओन सबेटोर बेरा डीसाता देवुळता मग़ि इनदनुर, अचोन ओग़ बेरोग़ मन्कल आयनोग़. ओना कूळता मुनेतोग़ पेदामुय्तोग़ दाविद राजाना लेह्‌का, देवुळि ओन वने राजाल कीयग़ा.

मार्कल 11:32

ओसो माट मन्कलोर ईतोर इतेके, लोकुर मावा अडम आयनुर, बाराह्‌क इतेके योहनि निटम देवुळता कबुरतोग़ आंदोग़ इनजोर सबेटोर नमिह्‌तोर,” इतोर.

योहन 3:28

नना देवुळ लोहतोग़ पिसिह केवानन आयोन मति, लोकुराङ जीवानगा ओना अग़ि तयर कीयलाह, देवुळि नाक लोहता, इह इनजोर नना वेहतन, इदिन मीट केंजतिरे!

योहन 1:27

ओग़ु नावा पया वायना मन्ह्‌ता, ओना कादुन इटलाह वने नना ओप्पोन, अचोन नना उड्लोनन!” इनजोर इतोग़.

लूकाल 6:35

अद्रम केवा, मीवा विरुदतोरिन वने जीवा कीम्ह्‌टु, ओरिह्‌क बेसताङ कबस्क कीसीम्ह्‌टु. ओसो मल्स दोर्कग़ा इनजोर, सीता केवालेवा करा ईम्ह्‌टु. अस्के देवुळि मीकु बेरा इनम ईयग़ा, मीटु सबेट्काय बेरा देवुळताङ मग़्क-मयास्‍क आयकिर. बाराह्‌क इतेके देवुळता सीता केवोरा ओसो लाग्वोरा पोग़ोन वने, देवुळि गूनम तोहतह्‌ता.

मत्याल 21:26

मति माट मन्कलोर ईतोर इनदकल इतेक, लोकुर माक अडम आयनुर; योहन देवुळता कबुरतोग़ आंदोग़ इनजोर वेर नमिह्‌तोर कोनि.”

मत्याल 3:11

तमा पापमताहि मिळ्न्दतोर इन्जि तोहतलाह, नना लोकुरिह्‌कु देवुळता पेदिरते सिरप एते मीहवानन आंदन. मति नाक तेला बेह्‌रोग़ ओर्वोग़ डीसातोग़ मन्ह्‌तोग़, ओग़ नावा पया वायनोग़. ओना कादुन इटलाह वने नना ओप्पोन, अचोन नना उड्लोनन! ओग़ देवुळता पवित्र जीवाते ओसो किसते, मीक मीहवाल आयनोग़.