लूकाल 1:1 - माडिया गोंड पवित्र सास्त्रम

^1-4 तियुपिलु साय्ब! माटु येसुसामिना सेवकिरोम आंदोम; सास्त्रमते ओना लोप्पा मुनेन रासतपु, ओग़ मावा नडुम वेल्‍लाङे कबस्क कीतोग़. अव कबस्किन इंजेके वेल्‍लाटोर रासलाह आतोर. अव पोल्‍लोन मुनेटाहि ऊळतोरु, केंजतोरु, वेर पोकुर कीतोर, ओसो माक वने वेहतोर. येसुसामिनाङ सबे पोल्‍लोङ मुनेटाहि बेद्रम आताङ इनजोर, नना वने बेस पर्ह्‌किस ऊळतन. निमा ओना लोप्पा बाताल बाताल कग़यतिन, अव सबे पोल्‍लोङ सेतेम मन्ह्‌ताङ इन्जि निमा पुनदना, अदिनेनाह्‌क अविस्किन इंजेक ओर्कुलते नियेनाह्‌क रासलाह आतन.

लूकाल 1:1 Referans Kwoze

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

2 तिमोति 4:17

मति येसुसामि नावा संगे निचि, नाक लाव ईतोग़. बह इतेके नावा नेयम कीयनगा, यहुदि आयवोर सबेटोर केंजनाह, नावा मेटे बेसता कबुर पूरा पोकुर आयना इनजोरे. (ओसो नेयम केवाल बेरोग़ साय्बाल, नाक हामुरता सिक्सा ईस मनेग़,) मति सामि नाक तोळ आताह्‌कु, नना पिसतन.

मार्कल 16:20

पया येसुनाङ कग़यवालोर सबेटोर सबे जागाने तिरियसोर, ओना पोल्‍लोतुन पोकुर कीतोर. सामि ओरा तोळ मताह्‌कु, ओरा कयदे देवुळता लावताङ सीनाङ आंदुङ. ओर वेहतव पोल्‍लोङ निटमे इनजोर अव सीनाङ तोहंदुङ.आमेन.]

रोम सहरतोर 4:21

देवुळि पोल्‍लो विळ्सतप लेह्‌का कीया पग़यह्‌ता इनजोर, देवुळता पोग़ोन ओना पका बर्वस मता.

रोम सहरतोर 14:5

अद्रमलेह्‌काने बोर बोर विस्वसिर, बेदो उंद दियातुन नोमिह्‌तोर. बोर बोर बार, कतमे दियाङ बेसताङे इनजोर इन्ह्‌तोर. मति (आपुना नोमळि देवुळतुह्‌क विचर वास्ता इनजोर,) ओर्वोग़-ओर्वोग़ मन्कना विस्वस मनदना गावले.

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

इब्रितोर 6:11

मीट इद्रम कीसोर मनदना इनजोर, मावा जीवा पर्ह्‌किह्‌ता: आक्रि एवनाह मीट आसा कीयनव पोल्‍लोन दोर्किह कीयनासाटि, इद्रमताये जिद कीस मनदना.

इब्रितोर 10:22

मावा जीवा माक कसुर तोहवा, मावा जीवातगा किर्स्तुना नेतुर इल्ह्‌कतप लेह्‌का आता. माट पवित्र एते बिळबिळ एग़ मीतप लेह्‌का आतल. इव सबे पोल्‍लोन पुन्जि, मावा विस्वस मेग़्किस मन्जि, माट पूरा जीवाताहि देवुळता एरे अनिङ.