यहुदाल 1:11 - माडिया गोंड पवित्र सास्त्रम11 वेरिह्क गोसा आयि! वेरु, (तना तमिन हव्कतोग़) काय्नुना अग़दे ताकवालोरु. बलामि इनवाल कोतानेनाह्क पापम कीतोग़, वेर वने ओना लेह्कान कीयलाह कंद्रेम आस्तोर. कोराल इनवाना लेह्का, वेर वने देवुळतुन विरुद कीताह्कु, कोरान बूळे कीतप लेह्का, वेरिन वने देवुळि बूळे कीयग़ा. Gade chapit la |
मति उचुक पोल्लोना लोप्पा नना मीवा अडम मह्नन, अद इद्रमि: वेल्लाय मुने बलामि पेदिरतोग़ गूनयाल, मोवब इनदनद देसेमतोग़ बलाकि इनवाल राजान इद्रम काग़्हतोग़: ‘निमा अन्जि, इस्रयेल मन्कलोरिन एग़्किह कीयलाह, ओरिन पेन-बोमानेनाह्क मोळ्कतविन तिनाह, ओसो साट्याल कबळ कीयनाह कीम,’ इनजोर काग़्हच मतोग़. इंजेके मीवा मुडोर उच्वुर मन्कलोर, बलामि काग़्हतप लेह्कान कीस्तोर. इद पोल्लो नाक विचर वावो.
विस्वस कीताह्कु, आदमना मग़ि हाबेल मुय्तोग़ वने, देवुळतुह्क मोक ईस मतोग़. तमदादाल काय्न मुय्तोग़ वने, देवुळतुह्क कोड वाटिस मतोग़. मति हाबेल मुय्तोग़ विस्वस कीताह्कु, तमदादाल ईतदिह्काय, बेस ओप्पनद मोक ईतोग़. ओना विस्वसतुन ऊळिसि, देवुळि ओन सेतेमतोनिन इता. ओग़ ईतद वने विचर वाता. ओग़ डोलतापया, नेंड वने ओना विस्वस माक काग़्हतह्ता.
“ए कोराजिन नाटेनोरिर! ए बेत्सेदा नाटेनोरिर! देवुळि मीक सिक्सा ईयग़ा. बाराह्क इतेके मियगा बेव बेरा डीसाताङ कबस्क कीतन, अवु सोर, सिदोन इव लाग्वाङ नाह्कने कीस मतेके, अग्डोरु अस्केन बेस्कोटे निटमे केंजेर; पोता-गेंदेङ उहचि, तलातगा नेग़ दोसिसि, मावा पापमताहि मिळ्न्दतोम इन्जि, ओर तोहेर. (मति मीट इतेक मीवा पापमताहि मिळ्न्दविर!)