योहन 9:39 - माडिया गोंड पवित्र सास्त्रम

³⁹ “नना लोकुरा पापम तोहतलाहि इद बूमते वातन. बोर लोकुर माट गुडिरा लेह्‌का ईकळते ताकिह्‌नोम इनजोर पुन्ह्‌तोर, ओरिह्‌क देवुळता वेह्‌च दिसग़ा, इदिनेनाह्‌क इद बूमते वातन. ओसो बोर तोवयह्‌नोम इन्ह्‌तोर, ओर निटमे तमा बुदते गुडिर इन्जि नना तोहतकन,” इन्जि येसु इतोग़.

योहन 9:39 Referans Kwoze

योहन 3:19

देवुळता नेयमि इह मन्ह्‌ता. वेह्‌चलेह्‌काडोग़ देवुळदीपताहि इद बूमते वातोग़; मति मन्कलोर तमाङ कबस्क लाग्वाङ मन्ह्‌ताङ इनजोरे, वेह्‌चतुह्‌काय एक्‍वा, ईकळतेनाह्‌क गिर्दा आस्तोर.

योहन 12:46

नाक नमसोर मनवाल बोग़े आयि, ईकळते मनदनदायो इन्जि, नना वेह्‌चता लेह्‌का दुनियाते वातन.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

योहन 8:12

अस्के मंदिरते, येसु ओसो ओरिन काग़्हता बोटटोग़. “ननाने दुनियाता वेह्‌चतन आंदन. बोर नावा संगे वास्तोर, ओर ईकळते बेस्केन ताकोर आयनुर, मति ओरगा देवुळ ईतद जीवातेके ओसीयनद वेह्‌च मनदग़ा.”

1 योहन 2:11

मति बोग़ तना तोळतोग़ विस्वसिन कोटुल कीस्तोग़, ओग़ ईकळते मन्ह्‌तोग़, अहे ईकळते ताकिह्‌तोग़. ईकळ ओनु तोववाह कीता, अदिनेनाह्‌क ओग़ बेके दास्तोग़, अदिन वने पुनोग़.

लूकाल 4:18

“देवुळता पवित्र जीवाता दळ्म नयगा अरता. गरिबतोरिह्‌क बेसता कबुरतुन पोकुर कीयलाहि, देवुळि नाक निल्पिह कीता. मन्कलोरा कय इळ्न मनवालोरिन, देवुळ मीक विळ्सिह कीता इनजोर, पोकुर कीयलाहि, तोववोरिन मीट तोवयकिर इनजोर, पोकुर कीयलाहि, तिपलते मनवालोरिन विळ्सिह कीयलाह, देवुळि देय्वा ईयनद कगो एवता इनजोर पोकुर कीयलाहि, अद नाक लोहता.” इनजोर रासतदिन अर्वतोग़.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

इपिसुसतोर 5:14

बेव कबस्कनगा वेह्‌च दींचिह्‌ता, अव वने दींचिह्‌ताङ. अदिनेनाह्‌क इद्रम वेहतद मन्ह्‌ता: “ए पापमते उंजवानिन! तेदा! देवुळतग्डाहि एग़िसि, डोलतप लेह्‌का मनवानिन. इंजेके जीवा अर्मु! किर्स्तु तना वेह्‌चतुन नीवा पोग़ोन अर्हतनोग़” इनजोर वेहतद मन्ह्‌ता.

2 कुरिंततोर 2:16

विस्वस केवा देवुळतग्डाहि जेक आयवालोरिह्‌क, मावा पोल्‍लो हामुरता गबता लेह्‌कान आस्ता. किर्स्तुन विस्वस कीस पिसवालोरिह्‌क बारा, पिसनदिना गबता लेह्‌कान आस्ता. मति देवुळि लाव एवेक अचोन, इद्रम ताना कबळ कीयलाह, बोग़े लायक इलोग़.

योहन 9:25

“ओग़ पापमतोग़ो, बेद्रमतोग़ो, नना पुनोन. मति सिरप उंदिय पोल्‍लो नना पुह्‌नन, मुने नना तोवोन आसि, इंजेके नना तोवयह्‌नन,” इन्जि ओग़ इतोग़.

योहन 8:15

मीट इतेके मन्कना बुदते नेयम कीय्ह्‌निर; मति नना बारा बोनाय नेयम केवोन.

योहन 3:17

देवुळि तना मग़िनु इद दुनियातोरिन सिक्सा ईयलाह लोहो, मति दुनियातोर ओना मेटे पिसना इन्जि, देवुळता विचर मता.

लूकाल 13:30

इद्रमलेह्‌का इद बूमते बोरिन-बोरिन उड्लोर इह्‌निर, अस्के ओर बेरोर आयनुर. ओसो बोरिन-बोरिन बेरोर इह्‌निर, ओर अस्के उड्लोर आयनुर,” इतोग़.

लूकाल 7:21

इतस्के येसु अगा मतोर वेल्‍लाटोर दुकतोरिन सव्रे कीतोग़, मुर्तिय तेद पुनवोरिन, देयह्‌क पोस मतोरिन, सव्रे कीतोग़; ओसो वेल्‍लाटोर तोववोरिन तोवनाह कीतोग़.

लूकाल 2:34

पया सिमियोन मुय्तोग़ ओरिह्‌क बर्कतताङ पोल्‍लोङ वेहतोग़, वेहचि पेकाना तलिन इद्रम इतोग़ इतेके, “इगा वेल्‍लाटोर इस्रयेल लोकुर विस्वस केवोरु बूळेम आयिर, ओसो वेल्‍लाटोर विस्वस केवालोर पिसिर इनजोर, देवुळ वेन आचता. वेग़ देवुळतुन तोहतनद सीना मनदनोग़, मति लोकुर वेना पोग़ोन विस्वस केवालेवा वेन पास्कनुर.

मत्याल 11:5

नाक देवुळ ईतद लावते गुडिर तोवयलाह आतोर, कूटालोर ताकलाह आतोर, मोंडरोगमतोर सव्रेम आस्तोर, एव्डालोर वेनदलाह आतोर, हातोर बार तेग़्किह्‌तोर, गरिबतोरिह्‌क बेसता कबुर केंजलाह दोर्किह्‌ता.

मत्याल 6:23

मति मीवा नद्र देवुळतके इलवेके, मीवा लोप्पा पूरा ईकळे मनदग़ा. अदिनेनाह्‌कु मीवा लोप्पा मनदनद वेह्‌चि ओकावेला ईकळ बार आता इतेके, अद ईकळि सिडापडाता मुर्गंगाता आयग़ा!

2 तिसलुनितोर 2:10

सबे रीतिनाङ लाग्वाङ कबस्क तोहतनोग़; ओनाङ कबस्कु, बूळेम आयनद अग़दे अनवालोरिन नाळेह कीयनुङ. ओरु येसु किर्स्तुना पिसिह कीयनद सेतेम पोल्‍लोतुन केंजोर.

मत्याल 15:14

वेर परुसिरक्‍के सीता केमाटु, वेर अहे मनिर. गुडिरिह्‌क अग़ तोहवालोर वेर गुडिरे! गुडिह्‌क गुडि अग़ तोहनेके, ओर इर्वुर आसि बोंदातगा अरयनुर!” इद्रमि ओरिन येसु इतोग़.

योहन 12:31

दुनियातुन नेयम कीयनद वेला इदे मन्ह्‌ता. इदे वेला दुनियातुन राजेम कीयनदु (देयह्‌कना मुक्याल) आरेम आयग़ा.