योहन 9:26 - माडिया गोंड पवित्र सास्त्रम

²⁶ “अह इतेक ओग़ नीक बाताङ कीतोग़, नीक बह तोवनाह कीतोग़?” इन्जि परुसिर ओन ताल्ह्‌कतोर.

योहन 9:26 Referans Kwoze

योहन 9:25

“ओग़ पापमतोग़ो, बेद्रमतोग़ो, नना पुनोन. मति सिरप उंदिय पोल्‍लो नना पुह्‌नन, मुने नना तोवोन आसि, इंजेके नना तोवयह्‌नन,” इन्जि ओग़ इतोग़.

योहन 9:27

“इंजेकेन मीक वेहन्दन बहे, तेला मति मीट केंजविरा? मीक ओसो उंद मल्का बाराह्‌क केंजना मन्ह्‌ता? बह मीट वने ओनाङे कग़यवालोर आयना मन्ह्‌ताया?” इन्जि इतोग़.

लूकाल 6:7

अद लोतगा उय्तुर सास्त्रमगूरुर ओसो परुसिर, पोल्वादियाते ओग़ मन्कना कयदुन येसु सव्रे कीस्तोग़ा, बार केवोग़ा, इनजोर ऊळसोर मंदुर. (सव्रे कीतोग़ इतेके, माट पोल्वादियाते येसुना कबळ कीयनद तप तोहतकोम इनजोर इंदुर.)

योहन 9:10

“नीवाङ कोंडाङ पया बह बेस आताङ, डा?” इन्जि लोकुर ओन ताल्ह्‌कतोर.

योहन 9:15

पोस ततापया, परुसिर वने “निमा बह तोवयह्‌निन?” इन्जि ओन ताल्ह्‌कतोर. ओग़ इतोग़, “नावाङ कोंडाह्‌कु ओग़ तोळ्यो ओकतोग़, अस्के नना अन्जि कन्क ऊरतन, कन्क ऊरताहे नना इंजेके तोवयह्‌नन,” इतोग़.