योहन 8:52 - माडिया गोंड पवित्र सास्त्रम

⁵² (ओग़ु मेंदुदा हामुरता लोप्पा वळ्ह्‌किह्‌तोग़ बहे इनजोर,) यहुदिर ओन इतोर, “नीक देयम पोयता ऊळा, इंजेक माट पुतोम. अब्रहम वने डोलतोग़, देवुळता कबुरतोर वने डोलतोर. निमा मात्रम इह्‌निन, ‘बोर नावाङ पोल्‍लोङ केंजिस अहलेह्‌का तिरियनुर, ओर बेस्केन हायोर आयनुर,’ इह्‌निन.

योहन 8:52 Referans Kwoze

इब्रितोर 2:9

मति ओर्विन माट पुतल. देवुळि गळ्किह्‌क, ओन पोग़ोटाङ देवतुल्किह्‌काय, उचुने उड्लोग़ कीस मता. ओग़ आंदोग़ येसु. मावा पोग़ोन देवुळि दया कीताह्‌कु, सबेटोर मन्कलोरेनाह्‌क, येसु डोलिस मतोग़. ओग़ पकाय तिपल आस डोलताह्‌कु, देवुळि ओन मान-डीसाते निल्पिह कीता.

योहन 9:24

अदिह्‌क पुटगुडिन ओर परुसिर ओसो उंद मल्का केयिस इतोर, “देवुळता मुनेह किरिया कीसि, नीक बह आतदिन सेतेमते वेहा. बाराह्‌क इतेके वेग़ मन्कल पापमतोग़ इनजोर माट पुह्‌नोम,” इतोर.

योहन 8:48

अस्के यहुदिराङ पेदल्क येसुन इतोर, “निमा सामरितोनिन पर्गेनिन, नीक देयम पोयता इनजोर माट इह्‌नोम, अद बह जोलिया?”

इब्रितोर 11:13

इद्रम देवुळतुन विस्वस कीतोर मन्कलोर सबेटोर, अद पोल्‍लो विळ्सिस मतदिन दोर्किह कीयनाह, जीवात मनोर; मति देवुळतुन विस्वस कीसोरेन डोलतोर. देवुळि पोल्‍लो विळ्सिस मतदिन, सिरप जेकताहि ऊळतप लेह्‌का ऊळिसि, बेस गिर्दा आतोर. अद्रम कीस, इद बूमतगा माटु पर्गेरोम, केर्देरोम इन्ज मतोर.

योहन 8:51

इह केंजाट, नना सेतेम वेहतह्‌नन, बोर नावाङ पोल्‍लोङ केंजिस, अहलेह्‌का तिरियनुर, ओर बेस्केन हायोर आयनुर.”

मत्याल 11:18

अद्रमे योहन लोकुरा संगे उदसोर बेस तिनजोर-उनजोर वावोग़, अदिह्‌क इसि ओनगा देयम मन्ह्‌ता, इद्रम ओन इन्ह्‌तोर.

योहन 1:19

अस्के पया यहुदिराङ पेदल्क बाताल कीतोर,येरुसलेम सहरताहि देवुळता मंदिरतगा माळवालोर बूमयालोर, देवुळवडेर, वेरिनु योहनिन ऊळिस वाटु इन्जि लोहतोर. वेर योहननगा वासि “देवुळ लोहवाल पिसिह केवाल राजाल वावाल मतोग़, ओग़ बह निमानेया?” इनजोर योहनिन ताल्ह्‌कतोर.

योहन 7:20

लोकुर पया येसुन इतोर, “नीक देयम पोयता रा, (पिसानलेह्‌का वळ्ह्‌किह्‌निन)! नीक बोग़ हव्कलाह ऊळिह्‌तोग़?”

योहन 8:22

अस्के यहुदिराङ पेदल्कु तमतमाय वळ्ह्‌किंदुर, “‘बेगा नना दाकन, अगा मीट वाया पग़विर,’ इद्रम वेग़ बह इन्ह्‌तोग़? तना जीवातुन तनाय पोहतनोग़, बहे,” इद्रम इंदुर.

योहन 8:55

मीट ओन पुनविर, मति नना ओन पुह्‌नन. ओसो नना ओन पुनोन इनजोर इनदकन इतेक, नना मीवा लेह्‌का जोलतोनन आयकन. मति नना इतेक ओन पुह्‌नन, ओसो ओनाङ पोल्‍लोङ केंजिस, अह तिरियिह्‌नन.

योहन 14:23

येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर. बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.

योहन 15:20

ओर्युल मन्कल तना माल्काह्‌क बेरोग़ आयोग़ इन्जि, मीक उंद पोल्‍लो वेहच मतन, तान सीता कीम्ह्‌टु. ओर नावा पेग़्के दल्गतोर इतेके, मीवा पेग़्के वने दल्गनुर. ओर नावा पोल्‍लोतुन माळतोर इतेके, मीवा पोल्‍लोतुन वने माळनुर.

योहन 17:6

“बोर मन्कलोरिन निमा इद दुनियातोरग्डाहि नाक ईतिन, वेरिह्‌क निमा बेद्रमतोनिन इन्जि, नना पुन्पिह कीतन. वेर नीवा मन्कलोर आसि, वेरिन निमा नाक ईतिन. ओसो वेर नीवा पोल्‍लोतुन केंजिस, अहलेह्‌का कीतोरु.