योहन 8:48 - माडिया गोंड पवित्र सास्त्रम

⁴⁸ अस्के यहुदिराङ पेदल्क येसुन इतोर, “निमा सामरितोनिन पर्गेनिन, नीक देयम पोयता इनजोर माट इह्‌नोम, अद बह जोलिया?”

योहन 8:48 Referans Kwoze

योहन 7:20

लोकुर पया येसुन इतोर, “नीक देयम पोयता रा, (पिसानलेह्‌का वळ्ह्‌किह्‌निन)! नीक बोग़ हव्कलाह ऊळिह्‌तोग़?”

योहन 8:52

(ओग़ु मेंदुदा हामुरता लोप्पा वळ्ह्‌किह्‌तोग़ बहे इनजोर,) यहुदिर ओन इतोर, “नीक देयम पोयता ऊळा, इंजेक माट पुतोम. अब्रहम वने डोलतोग़, देवुळता कबुरतोर वने डोलतोर. निमा मात्रम इह्‌निन, ‘बोर नावाङ पोल्‍लोङ केंजिस अहलेह्‌का तिरियनुर, ओर बेस्केन हायोर आयनुर,’ इह्‌निन.

योहन 10:20

ओरग्डाहि वेल्‍लाटोर इतोर, “वेग़ पिसाङ आतोग़, रा! वेन देयम पोयता. वेनाङ मीट बाराह्‌क केंजिह्‌निर?” इह इतोर.

योहन 4:9

पया अद इता, “एंह-एंह, निमा यहुदि जाततोनिन आसि, नाक सामरि जातता आंचानु एग़ उनडलाह ईम इनजोर, बेद्रम ताल्ह्‌किह्‌निन?” (अद इद्रम इता, बाराह्‌क इतेके यहुदि लोकुर सामरितोरिन विटळ तासिंदुर).

मत्याल 15:7

एय सोङ केवालोरिर, देवुळि मुने तना कबुरतोग़ यसयाल इनवाल, वेना संगे सास्त्रमते मीवा लोप्पा बराबर वेहच मता:

मत्याल 12:24

मति अगा मतोर परुसिर इदिन केंजिस इतोर, “वेग़ कोनि बेल्जेबुब इनदनद देयह्‌कना मुक्यानाय साय्ताते, देयह्‌किन पूंड पग़यह्‌तोग़!” इद्रम अडम वळ्ह्‌कतोर.

मत्याल 10:25

आयो, कग़यवाल गूरुनलेह्‌का ओसो ओर्युलतोग़ माल्कानलेह्‌का आयना, इचोने ओन्क बेसु. नना लोता माल्कानन मन्ज तेला, नाके ओर देयह्‌कना मुक्याल इन्ह्‌तोर; मीट इतेके लोता मन्कलोरिर इन्जि, मीक बेचोन वीळिस तिपल कीयनुर, इदिन सीताते तासाटु!

मत्याल 10:5

ओरिन येसु इद्रम काग़्हच लोहतोग़: “मावा इस्रयेल देसेमतोर इतेके, लेसताङ गोरेनलेह्‌का मन्ह्‌तोर, अदिह्‌क ओरेकेन मीट अन्ह्‌टु; मति ओरिन विळ्सिसि, दुस्राङ जातिनोरक्‍के मात्रम अनमाटु, अहे सामरिया पटटाङ नाह्‌कने नेङमाटु.

याकुब 2:19

इंजेके देवुळि उंदिय मन्ह्‌ता इनजोर, मीट विस्वस कीतिर बेसे. मति देयह्‌क वने मीवा लेह्‌का अद पोल्‍लोतुन विस्वस कीस्ताङ, ओसो (देवुळ माक सिक्सा ईयग़ा इनजोर,) रेयिसि साङिह्‌ताङ.

रोम सहरतोर 15:3

(माट बह ताकना इनजोर, किर्स्तुमाक तोहचीतोग़. ओग़ इद बूमतगा मनदह्‌पा,) तन्क विचर वातव कबस्क कीसोर तिरियोग़. अद्रमे मन्कलोरा कदर वने पर्ह्‌कोग़.(मति देवुळबाबाह्‌क विचर वातव कबस्किने कींदोग़.)सास्त्रमतगा ओना लोप्पा इद्रम रासतद मन्ह्‌ता इतेके, ए देवुळतिन, नीक पास्कताङ पोल्‍लोङ नाक तोकताङ, इनजोर रासतद मन्ह्‌ता.

योहन 13:13

इह केंजाट, नना सेतेम वेहतह्‌नन, ओर्युल मन्कल तना माल्काह्‌क बेरोग़ आयोग़. अद्रमे बळयि वने, तन्क लोहवाह्‌क वीळिस बेरोग़ आयोग़. मीट नाकु ‘गूरु, सामि’ इनजोर केयिह्‌निर, इतेक मीट बराबर इह्‌निर, बह इतेके नना अद्रमतोनने. अदिनेनाह्‌कु नना गूरुनन ओसो सामिनन आस तेला, मीवाङ काल्किन नोग़तन इतेके, मीट वने इद्रमे काल्किन नोग़तपु, (ओर्वोग़-ओर्विना सेवा कीसोर मन्ह्‌टु). बहलेह्‌का नना कीतन, अहलेह्‌का मीट वने ओर्वोग़-ओर्विना सेवा कीयना इनजोरे, मीक उंद अग़ कीस तोहतन.

इब्रितोर 13:13

इंजेक माट वने, ओग़ लजा अरतप लेह्‌कान, लजा अरयकल. ओना संगे पलते दायना लेह्‌कान, (पाळ्ना करलता नोमळतुन विळ्सिसि, अद करलतुन नोमवालोरा मुनेह) कदरलेवा मनदलाह, माट तयर आयकल.

मत्याल 12:31

पया (ओर परुसिर देवुळता जीवातुन उस्कतप वळ्ह्‌किह्‌तोर, इदिन तोहतलाह) येसु ओसो इतोग़, “नना मीक वेहतह्‌नन इतेके, मन्कना सबे पापमतुनु अहे देवुळता अडम वळ्ह्‌कतदिनु, देवुळि मापि कीया पग़यग़ा. मति देवुळता पवित्र जीवातुन बोग़ उस्किह्‌तोग़, ओन मात्रम देवुळ मापि केवो आयग़ा.

मत्याल 11:18

अद्रमे योहन लोकुरा संगे उदसोर बेस तिनजोर-उनजोर वावोग़, अदिह्‌क इसि ओनगा देयम मन्ह्‌ता, इद्रम ओन इन्ह्‌तोर.

योहन 1:19

अस्के पया यहुदिराङ पेदल्क बाताल कीतोर,येरुसलेम सहरताहि देवुळता मंदिरतगा माळवालोर बूमयालोर, देवुळवडेर, वेरिनु योहनिन ऊळिस वाटु इन्जि लोहतोर. वेर योहननगा वासि “देवुळ लोहवाल पिसिह केवाल राजाल वावाल मतोग़, ओग़ बह निमानेया?” इनजोर योहनिन ताल्ह्‌कतोर.

योहन 8:22

अस्के यहुदिराङ पेदल्कु तमतमाय वळ्ह्‌किंदुर, “‘बेगा नना दाकन, अगा मीट वाया पग़विर,’ इद्रम वेग़ बह इन्ह्‌तोग़? तना जीवातुन तनाय पोहतनोग़, बहे,” इद्रम इंदुर.