योहन 8:28 - माडिया गोंड पवित्र सास्त्रम

²⁸ अदिह्‌के येसु ओरिन इतोग़, “मीट माने-मन्कना नडुम पुटटोन्कु गुटातगा पोग़ोन वेळ्ह्‌तकिर, अस्केने नना बोनन आंदन इनजोर मीक तेळियग़ा. ओसो नना कुद आसि बातय केवोन, मति बाबाल नाक काग़्हतपु, नना इव पोल्‍लोङ वळ्ह्‌किह्‌नन.

योहन 8:28 Referans Kwoze

योहन 5:30

“नना नावाय अदिकरते बातय कीया पग़वोन. बेद्रम बाबाल नाक वेहतह्‌तोग़, अद्रमे नना नेयम कीय्ह्‌नन. नना नावाय कुदता विचरते आयो, मति नाक लोहतोग़ बाबाना विचर मतप कीय्ह्‌नन, अदिह्‌क नावा नेयम सेतेम अरयह्‌ता.

योहन 5:19

अस्के येसु ओरिन इतोग़, “इह केंजाट, नना सेतेम वेहतह्‌नन, नना नावाय विचरते बेदाय कबळ कीया पग़वोन. मति नावा बाबाल कीयनव कबस्किन ऊळिसिये, नना ओना मग़नन इन्जि, अद्रमे कीय्ह्‌नन.

योहन 6:38

बाराह्‌क इतेके नना नावा विचरते कीयलाह आयो, मति नाक लोहतोना विचर मतप कीयलाह, देवुळदीपताहि रेगतन.

योहन 3:14

बहलेह्‌का मोसा मुय्तोग़ पेळ्ह्‌कल बूमते इतुळता तरसतुनु, लाटगुटातगा पोग़ोन वेळ्हच मतोग़, अद्रमलेह्‌का माने-मन्कना नडुम पुटटोन्कु, इतेके नाकु, लोकुर गुटातगा पोग़ोन वेळ्ह्‌तनुर.

बळयिर 4:4

मति पत्रुनाङ पोल्‍लोङ केंजतोर वेल्‍लाटोर लोकुर येसुन विस्वस कीतोर. अद्रम विस्वस कीतोरु, वेट कोय्तोरे कोनि एयुङ अजर्क मतोर.

बळयिर 2:41

पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

योहन 19:18

अगा (ओर ओनाङ केग़ताङ गेंदेङ कुळ्हचि,) ओन हव्कनागुटातगा दोहचि, मोल्‍लाङ कोह्‌किसि वेळ्हतोर. ओसो येसुन वेळ्हतस्के, इर्वुर कसुरतोरिनु, येसुन नडुम कीसि, इके ओर्विन, अके ओर्विन, हव्कनागुटानगा वेळ्हतोर.

योहन 16:10

नना बाबानेके पेसिस दाय्ह्‌नन, पया इद बूमते मीक नना बेस्केन दिसोन आयकन. अदिनेनाह्‌क दुनियातोरा सेतेमि निटम जोलिय आस्ता इन्जि, देवुळता जीवा (नावा जागाते वासि,) ओरा तप तोहतग़ा.

योहन 11:42

निमा नावाङ अमेसाये केंजिह्‌निन इनजोर, नाक एर्काय मन्ह्‌ता. तेला मति निमा नाक लोहतिन इनजोर, सर्ने निच मनवालोर लोकुर पुनदना इन्जि नमनेनाह्‌कु, नना इद्रम वळ्ह्‌कतन,” इतोग़.

योहन 8:24

अदिह्‌कु पापम मापि आयवाये हायकिर इन्जि, नना मीक वेहतन. बाराह्‌क इतेके नना बोनन आंदन इनजोर नना वेहतनद पोल्‍लोतुन, मीट विस्वस केवेके, मीटु मीवा पापम मापि आयवाये हायकिर,” इन्जि इतोग़.

योहन 3:11

इह केंजा, नना सेतेम वेहतह्‌नन, माक एर्का मनदनदु, ओसो माटु कोंडामेंड ऊळतदु, इदिनलोप्पा साक्सि ईय्ह्‌नोम, मति मीट इतेके मावा साक्सितुन बर्वस केविर आय्ह्‌निर.

मत्याल 24:5

बाराह्‌क इतेके वेल्‍लाटोरे नावा पेदिर पोस वासि, नना देवुळ लोहतोग़ राजानन आंदन इनजोर, वेल्‍लाटोरिन नाळेह कीयनुर.

मार्कल 13:6

वेल्‍लाटोर नावा पेदिर पोस वासि, ‘नना देवुळ लोहतोनन,’ इनजोर वेल्‍लाटोरिन नाळेह कीयनुर.

लूकाल 21:8

येसु ओरिन इतोग़, “मीक बोग़ाय नाळेह कीयना आयो इनजोर उसरते मन्ह्‌टु. वेल्‍लाटोर नावा पेदिर पोस वासि, नना देवुळ लोहतोनन, इंजेकेन कगो एवता इनजोर इनदनुर. ओरा पेग़्के बह अनमाटु.

योहन 4:26

“ओनन ननाने, नीवा संगे वळ्ह्‌कवानन,” इनजोर येसु तान इतोग़.

योहन 8:27

मावा संगे वेग़ु देवुळबाबानाये लोप्पा वळ्ह्‌किह्‌तोग़ इनजोर, ओरिह्‌क तेळियो आसि.

योहन 8:58

येसु ओरिन इतोग़, “इह केंजाट, नना सेतेम वेहतह्‌नन, अब्रहम मुय्तोह्‌काय सुरुमुनेतोनन नना मतन, इंजेक ओसो मह्‌नन!”

योहन 13:19

इव गोटिङ बेस्के आयनुङ अस्के, नना बोनन आंदन इनजोर नना वेहतनद पोल्‍लोतुन, मीट नमना इन्जि, इव आयनामुनेने मीक नेंड नना वेहतह्‌नन.

योहन 18:32

(येसु तना बेद हामुरते हायवाल मतोग़, अदिन वेहतह्‌पा बेव पोल्‍लोङ वळ्ह्‌किस मतोग़, अव करल आयनेनाह्‌क, इह आता.) (बाराह्‌क इतेके सिरप रोम सर्करतोरे हव्कनागुटातगासिक्सा कीस हव्किंदुर.)