योहन 7:42 - माडिया गोंड पवित्र सास्त्रम

⁴² ओग़ इतेके दाविद राजाना कूळतोग़ आयनोग़, ओसो दाविद राजाल बेद बेत्लेहेम नाटे मतोग़, अग्डाहि वायनोग़, इनजोर सास्त्रमते बह रासतद इलेया?”(येसु गालिल पटटे पुटिस मनदनोग़ इनजोरे, ओर अह इंदुर.)

योहन 7:42 Referans Kwoze

मत्याल 2:5

अस्के ओर इतोर, “यहुदा पटटा बेत्लेहेम नाटे, महरज! बाराह्‌क इतेके देवुळता मुनेतोग़ कबुरतोग़, सास्त्रमते तेना लोप्पा इद्रम रासिस तासतोग़: ‘ए यहुदा पटटा बेत्लेहेम नाटेनोरिर, मीवाय नाटे नावा इस्रयेल लोकुरिन अय केवाल ओर्वोग़ सेह्‌नाल पुटनोग़ इन्जि मीवा नाग़ यहुदा पटटे उड्ला नाग़ इनमाटु,’ इन्जि देवुळ इन्ह्‌ता.”

लूकाल 2:4

अद्रमे योसेपि दाविद राजाना पुळ्गतोग़ मताह्‌कु, गालिल पटटा नासरेत नाटेनाहि पेसिसि, दाविद पुटटद बेत्लेहेम नाग़ अतोग़, अद नाग़ यहुदा पटटे मता.

लूकाल 2:11

नेंडु दाविद राजाना नाटे, देवुळ लोहतोग़ु मीक पिसिह केवाल पुट वातोग़, ओग़े सामि किर्स्तु आंदोग़.

मत्याल 1:1

देवुळ इद बूमते लोहतोग़, येसु किर्स्तु, वेना लोप्पा नना रासलाह आतन. सास्त्रमते वेनाङ तादोर-बाबोरा लेका रासिस तासतोर, ओर इह मतोर. येसु (यहुदि जाततोरा पेदामुय्तोग़)अब्रहम मुय्तोना, ओसो दाविद राजाना पुळ्गताहि पुटटोग़.

योहन 7:27

मावा विचरते देवुळ लोहवाल पिसिह केवाल वायनोग़ अस्के, ओग़ बेग्डोग़ इनजोर, बोग़े पुनोग़ आयनोग़. मति वेग़ बेग्डोग़ इनजोर माट पुह्‌नल. (इतेके वेग़ देवुळ लोहवाल पिसिह केवाल बह आंदोग़?)” इनजोर इतोर.