योहन 5:41 - माडिया गोंड पवित्र सास्त्रम

⁴¹ “मन्कलोर नाकु कदर ईतेकाय, एवेकाय, नाक पर्वा इले.

योहन 5:41 Referans Kwoze

योहन 7:18

तमाङे विचर्किन वळ्ह्‌कवालोर, तमाये पेदिरतुन बेरा कीयलाह ऊळिह्‌तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्‌तोग़, ओग़े सेतेमतोग़ मन्ह्‌तोग़, ओनगा बातय जोल मनो आस्ता.

1 तिसलुनितोर 2:6

मियगा मनदह्‌पा, माट येसु किर्स्तुनाङ बळयिरोम, अदिनेनाह्‌क मीट माक मान ईयना इनजोर वेहतलाह, माक अदिकर मताये. मति मीट आयि, बोर दुस्रोर आयिर, मन्कलोर माक इद्रम मान ईयिर इनजोर, माट विचर केवोम. मति पाल ऊहतनद तलोग़, तनाङ पिलाङ-पेकोरिन बेद्रम बेस-नेह्‌ना अय कीस्ता, अद्रम माट वने मीवा संगे उड्लोरा लेह्‌का, कुलुल बुदते मतोम.

योहन 8:50

नना नावा मानतुन ऊळोन. नावा मान ऊळवाल ओर्वोग़ मन्ह्‌तोग़, नावा बाबाल. बोग़ सेतेम, बोग़ जोल, ओन्के नेयम कीयलाह अदिकर मन्ह्‌ता.

योहन 5:34

मन्कना साक्सितुन इतेक नना बर्वस केवोन, मति योहनना पोल्‍लोतुन नमिसि, मीक अमेसाता पिसमुळ दोर्कना इन्जि, इव गोटिङ मीक सीता कीसीतन.

योहन 8:54

येसु ओरिन इतोग़, “नना नाके कदर ईतेके, अद कदरता बातय पाय्दा इले. मति बोन मीट ‘मावा देवुळबाबाल आंदोग़,’ इनजोर इह्‌निर, ओग़े नावा बाबाल नाक कदर ईस्तोग़.

योहन 6:15

लोकुर नाक पोसि राजाल कीयलाहि ऊळिह्‌तोर इन्जि येसु पुताह्‌कु, ओग़ वग़ोग़े पेसिस गुड्रापोग़ोन अतोग़.

योहन 5:44

मीट ओर्विनेनाह ओर्वोग़ कदर पर्ह्‌किह्‌निर, मति वग़य देवुळतेनाह दोर्कनद कदरतुन बार पर्ह्‌कविर इतेके, मीट बेद्रम विस्वस कीया पग़यकिर!

2 पत्रु 1:17

अद इद्रम मन्ह्‌ता: बेरा डीसाता देवुळि तना लेङते, “वेग़ नावा मग़ि; नना वेन जीवा कीतन; वेन ऊळिस गिर्दा आतन” इनजोर, देवुळबाबाल ओन मान ईसि, बेरोग़ कीतोग़. (कीतस्के माट अगा मतोम.)

1 पत्रु 2:21

इद्रमे मनदना इन्जि, देवुळि मीकु केयता. येसु किर्स्तु इंका मयेनाह्‌कु तिपल अर्सि, माकु उंदि अग़ तोहतोग़. ओना कोजता पेग़्के कोज वाटिस, मीट ओना लेह्‌का दीरा पोसि ताकना इन्जि.

योहन 5:40

तेला मति अमेसाता पिसमुळतेनाह्‌क, नयगा मीकु वाया वसो.

योहन 5:42

मति मीट बेद्रमतोरिर इन्जि नना पुह्‌नन. मीटु देवुळतुन मुर्तिय जीवा केविर.

योहन 12:43

बाराह्‌क इतेके, देवुळतेनाह दोर्कनद कदरतुह्‌काय एक्‍वा, ओरिह्‌कु मन्कलोरेनाह दोर्कनद कदर बेस आता.