योहन 5:15 - माडिया गोंड पवित्र सास्त्रम

¹⁵ अग्डाह पया वेग़ अन्जि “नाक दुकतग्डाहि तेग़्किह कीतोग़, ओग़ येसुये आंदोग़,” इनजोरे यहुदिराङ पेदल्किन वेहतोग़.

योहन 5:15 Referans Kwoze

योहन 9:34

अस्के ओर ओन गुडिन इतोर, “नीक इतेके पुटटाहे पापमता सिक्सा दल्गता, माक निमा काग़्हतह्‌निन?” अह इनजोर ओन पलत पेहचीतोर.

योहन 9:30

अस्के पया पुटगुडि ओरिन इतोग़, “इदे कोनि बेरा बामनद पोल्‍लो! ओग़ बेग्डोग़, इदिन मीट पुनविर, मति ओग़ इतेके नाक तोवनाह कीतोग़.

योहन 9:25

“ओग़ पापमतोग़ो, बेद्रमतोग़ो, नना पुनोन. मति सिरप उंदिय पोल्‍लो नना पुह्‌नन, मुने नना तोवोन आसि, इंजेके नना तोवयह्‌नन,” इन्जि ओग़ इतोग़.

योहन 9:15

पोस ततापया, परुसिर वने “निमा बह तोवयह्‌निन?” इन्जि ओन ताल्ह्‌कतोर. ओग़ इतोग़, “नावाङ कोंडाह्‌कु ओग़ तोळ्यो ओकतोग़, अस्के नना अन्जि कन्क ऊरतन, कन्क ऊरताहे नना इंजेके तोवयह्‌नन,” इतोग़.

योहन 5:12

“अद्रम इनजोर इनवाल बोग़ मन्कल आंदोग़, रा?” इन्जि ओन ताल्ह्‌कतोर.

योहन 1:19

अस्के पया यहुदिराङ पेदल्क बाताल कीतोर,येरुसलेम सहरताहि देवुळता मंदिरतगा माळवालोर बूमयालोर, देवुळवडेर, वेरिनु योहनिन ऊळिस वाटु इन्जि लोहतोर. वेर योहननगा वासि “देवुळ लोहवाल पिसिह केवाल राजाल वावाल मतोग़, ओग़ बह निमानेया?” इनजोर योहनिन ताल्ह्‌कतोर.

मार्कल 1:45

(निमा बोन्के वेहमा इनजोर वेहचाय) मति, ओग़ मन्कल अद पोल्‍लोतुन पका आबुर कीतोग़. आबुर कीताह्‌कु, गोह्‌डिनाङ गोह्‌डिङ लोकुर नाक कलियलाह वायनुर इन्जि, येसु बेदे नाटेनगा पिङम-पङम दाया पग़वोग़. ओग़ पलते लोकुर लेवगान मंदोग़. तेला मति लोकुर ईनाह-आनाह ओनगा वांदुरे.

योहन 5:10

अदिह्‌कु दुकताहि सव्रेम आतोन, यहुदिराङ पेदल्क इतोर, “नेंड पोल्वादिया इनजोरे पुनविना? नीकु माग़ कांजना कबळ पोलो,” इनजोर इतस्के ओग़ इतोग़, “बोग़ नाकु सव्रे कीतोग़, ओग़े नाक वेहतोग़ ‘नीवा माग़ उळ्हच अन,’ इनजोरे.”

योहन 5:16

अदिनेनाह्‌कु यहुदिराङ पेदल्क येसुन कट्ला कीयलाह आतोर, बाराह्‌क इतेके पोल्वादियाते ओग़ इद्रमताङ कबस्क कीस्तोग़ इनजोरे.

योहन 5:18

येसु इह इताह्‌कु, यहुदिराङ पेदल्क ओसो ओन हव्कलाह कोहन्दुर, बाराह्‌क इतेके ओरा विचरते येसु रेंड कसुर्क कीतोग़. उंदि इतेके पोल्वादियाते कबळ कीयना, ओसो दुस्रा इतेके देवुळतुन नावाय बाबाल इनजोर, नना देवुळता बराबरतोनन इतप वळ्ह्‌कना, इव रेंडु.