योहन 4:21 - माडिया गोंड पवित्र सास्त्रम

²¹ अस्के येसु तान इतोग़, “ए बायि, नावा गोटटुन बर्वस तासा! मीटु इद मेटातगा आयि, येरुसलेमते आयि, ओसो बेगान आयि, देवुळबाबान मोळ्क पग़यकिर, इद्रमताङ दियाङ वायनुङ.

योहन 4:21 Referans Kwoze

1 तिमोति 2:8

पया बेगा बेगा मावोर विस्वसिर मोळ्कलाह कलियिह्‌तोर, मोळ्कनस्के कोय्तोर ओङ आयवा, वह्‌चळ आयवा, सेतेमता जीवाते, कय्किन तेहचि, देवुळतुन पार्तना कीयना इन्जि, नावा विचर मन्ह्‌ता.

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

योहन 4:23

तेला मति सेतेम मोळ्कवालोर, देवुळता सेतेम पोल्‍लोतुन पुन्जि, तमा जीवाते मोळ्कनुर, इद्रमताङ दियाङ एवयनुङ, ओसो एवतपे मन्ह्‌ताङ. बाराह्‌क इतेके इद्रम मोळ्कवालोरिने देवुळबाबाल पर्ह्‌किह्‌तोग़.

मत्याल 18:20

बाराह्‌क इतेके बेगा इर्वुर-मुवुर नावा पेदिरते जमा आस्तोर, अगा नना दिसवालेवा ओरा नडुम मह्‌नन,” इन्जि येसु इतोग़.

इपिसुसतोर 3:14

(अद्रमलेह्‌काने देवुळि मीट यहुदि आयवोरिह्‌क कीतव) सबेटविन सीता कीसि, नना मिंडाङ कोटिसि, पोग़ोटोग़ देवुळबाबान (मियेनाह्‌क पार्तना कीय्ह्‌नन):

योहन 16:32

ऊळाट, इंजेक इद्रमता कगो वायग़ा, ओसो वातपे मन्ह्‌ता, अस्के मीट बिरोबटो आयकिर, बोनाङ अग़िङ ओग़ आयकिर, नाक वग़ोने विळ्सकिर. तेला मति नना वग़ोनन आयोन, बाबाल मात्रम नावा तोळ मन्ह्‌तोग़.

योहन 16:2

ओरु मीकु तमाङ पार्तनाताङ लोह्‌कनगा वाया एवोर आयनुर. इचोने आयो मति, मीक हव्कवालोर सबेटोरु मीक हव्किसि, माट देवुळतुने माळिह्‌नोम इनजोर इनदनुर, इद्रमता वेला वायना मन्ह्‌ता.

योहन 5:28

मीटु इदिन केंजिस बयल आयमाटु. बाराह्‌क इतेके गुमयाना लोप्पा मनवालोर नावा आल्कातुन वेनदनुर, ओसो पलत पेसनुर, इद्रमता वेला वायग़ा. बोर सेतेमताङ कबस्क कीतोर, ओर कतमतोरे अमेसाता पिसमुळतेनाह्‌क जीवा अरयनुर. मति बोर बारा लाग्वाङ कबस्क कीसोर मतोर, ओरु सिक्सा आयलाह जीवा अरयनुर.

1 पत्रु 1:17

मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

बळयिर 6:14

ओसो ‘नासरेत नाटेनोग़ येसु इद मंदिरतुन बूळे कीयनोग़, ओसो मोसा मुय्तोग़ माक ईतव रीतरिवज्किन मिळ्हचीयनोग़,’ इनजोर वेग़ वेहतनदिन माट केंजतोम,” इन्जि ओर इतोर.

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

योहन 5:25

इह केंजाट, इद ओसो वेहतह्‌नन, नना देवुळबाबाना मग़नन, हातोर मन्कलोर नावा आल्का वेनदनुर, इद्रमताङ दियाङ एवयनुङ, आयो एवतपे मन्ह्‌ताङ वने. बोर वेनदनुर, ओर जीवा अरयनुर.

लूकाल 21:24

उय्तुर मन्कलोर तल्वर्कने डोलनुर. उय्तुर मन्कलोरिन बार, दुस्राङ देसेह्‌कनगा दोहच ओयनुर. ओसि यहुदि आयवोरा कालम मारनाह्‌जोम, ओरु येरुसलेमतोरिन काल इळ्न तासनुर.

मत्याल 28:19

अदिनेनाह्‌क मीटु अन्जि, सबे जातिनोर लोकुरगा, नावाङ कग़यवालोर आयिर इन्जि, ओरिह्‌कु नावाङ पोल्‍लोङ वेहचि, देवुळबाबाना, ओसो देवुळता मग़ना, ओसो देवुळता पवित्र जीवाता पेदिरते, एग़ मीहाटु.

तोहचीतव पोल्‍लोङ 21:22

नाक सहरतगा बेदे रावुळ दिसो. बेरा डीसाता देवुळि ओसो गोरेपिला, तमा कुदि अगान मताह्‌कु, रावुळता गर्ज इले आसि.