योहन 3:18 - माडिया गोंड पवित्र सास्त्रम

¹⁸ बोर ओन नमिह्‌तोर, देवुळि ओरिनु कसुर ओपो. मति ओन नमवोरा पोग़ोन बारा, कसुर ओपतदे मन्ह्‌ता. देवुळता वग़ोग़ मग़िन ओर नमवाह्‌कु, ओरा कसुर ओपतदे मन्ह्‌ता.

योहन 3:18 Referans Kwoze

1 योहन 5:10

अदिनेनाह्‌क देवुळता मग़ि येसुसामिन बोग़ विस्वस कीस्तोग़, ओग़ इद साक्सितुन तना जीवातगा तासिह्‌तोग़. मति बोग़ विस्वस केवोग़, ओग़ देवुळतुन जोल इन्ह्‌तोग़. बाराह्‌क इतेके देवुळ कुद तना मग़ना लोप्पा ईतद साक्सिता पोग़ोन, ओग़ विस्वस केवोग़ इनजोरे.

मार्कल 16:16

नावा पोल्‍लोतुन विस्वस कीसि, नावा पेदिरते एग़ मीतोरिन, देवुळि पिसिह कीयग़ा. मति विस्वस केवोरिन, ओरा पापमतेनाह्‌क सिक्सा ईयग़ा.

रोम सहरतोर 8:1

(मुने नाक पापम ताकिह कीसि, अमेसाता हामुरतेके ओसींदु.) मति इंजेके नना येसु किर्स्तुन विस्वस कीताह्‌कु, नयगा मनदनद देवुळता जीवा पापमता, हामुरता कयदग्डाहि नाक विळ्सिह कीता. अदे जीवा इंजेके नाक ताकिह कीस्ता. (अदिनेनाह्‌क देवुळि कसुरतोरिर इन्जि, मावा नेयम कीयग़ा इनजोर, माक बातय रेय इले.) येसु किर्स्तुन विस्वस केवालोरिह्‌क, [मन्कना बुदते ताकवा, देवुळता जीवा वेहतप ताकवालोरिह्‌क,] देवुळि बेस्केन सिक्सा एवो.

योहन 5:24

इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर. मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये. देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.

1 योहन 5:12

बोग़ देवुळता मग़ना संगे जोळेम आसि मन्ह्‌तोग़, ओनगा अद पिसमुळ मन्ह्‌ता. मति बोग़ येसुसामिन विस्वस केवोग़, ओनगा मात्रम अद पिसमुळ इले.

योहन 3:36

बोरु मग़िन नमिह्‌तोर, ओरिह्‌क अमेसाता पिसमुळ दोर्किह्‌ता. बोर बारा मग़ना पोल्‍लोतुन केंजोर, ओरु अमेसाता पिसमुळतुन ऊळोर आयनुर, मति देवुळता ओङ ओरा पोग़ोन मन्ह्‌ता.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

1 योहन 4:9

तना मग़ना मेटे, माक पिसमुळ दोर्कि इनजोरे, देवुळि तना वग़ोग़े मग़िन इद दुनियाते लोहच मता. इद्रम कीसि, नना लोकुरिन जीवा कीय्ह्‌नन इनजोर तोहता.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

योहन 6:47

इह केंजाट, नना सेतेम वेहतह्‌नन, नाक नमवालोरिह्‌क अमेसाता पिसमुळ दोर्कताये.

योहन 6:40

बोर देवुळता मग़िन पुन्जि नाक नमनुर, ओरिह्‌क अमेसाता पिसमुळ दोर्कग़ा, ओसो नना ओरिन आक्रिता दियाते मल्स जीवा अर्हतना, इद्रम नावा बाबाना विचर मन्ह्‌ता,” इन्जि येसु इतोग़.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

इब्रितोर 2:3

(देवतुल्क ततद कबुरतुन केंजवोरु, सिक्साताहि पिस पग़वा मतोर;) इतेके मन्कलोर पिसना लोप्पाडा बेरा कबुरतुन, माट पास्कतेक अचोन, बेद्रम पिस पग़यकल? मुने तान वेहतोग़ु, मावा येसुसामिये. पया सामिनाङ केंजतोरु, अद पोल्‍लो निटमे इनजोर, माक तोहचीतोर. ओरा साक्सि सेतेम मन्ह्‌ता इन्जि तोहतलाहि, देवुळि ओरा कयदे बामिह कीयनाङ सीनाङ, बेरा लावताङ कबस्क कीस तोहता. ओसो तना जीवाता मेटे, तना विचर मतपु, विस्वसिरिह्‌क अलग-अलग बुदिङ तूसिसीता; इद्रमता बेरा कबुरतुन, मुर्तिय पास्कनद आयो.

इब्रितोर 12:25

अदिनेनाह्‌क उसरते मन्ह्‌टु! देवुळ वेहतनदिन पास्कमाट. इद बूमते मतोग़, (तना कबुरतोग़ मोसाना कयदे,) देवुळि कबुर वेहतस्के, केंजोम इनजोर इस्रयेल मन्कलोर कैंगम आतोर. ओर अद्रम कीताह्‌कु, सिक्साताहि पिस पग़वोर. इतेके अद इंजेके, देवुळदीपते मनवाल (ताना मग़ना मेटे) माक वेहतह्‌पा, केंजोम इनजोर कैंगम आतेके, माट सिक्साताहि बह पिस पग़यकल? मुर्तिय पग़वल!

योहन 1:12

मति बोर ओन नमतोर, विस्वस कीतोर, ओर सबेटोरिह्‌क देवुळताङ मग़्क-मयास्‍क आयलाह, ओग़ अदिकर ईतोग़.

योहन 3:16

देवुळि दुनियातोरिन बेद्रम जीवा कीता इतेके, तना वग़ोग़ मग़िन इद दुनियातोरेनाह्‌क मोक आयलाह ईता. बोर ओन नमनुर, ओर बूळेम आयोर, मति अमेसाता पिसमुळ ओरिह्‌क दोर्कग़ा. अदिनेनाह्‌कु देवुळि तना वग़ोग़ मग़िन दुनियाते लोहता.

इब्रितोर 3:19

ओर मन्कलोर देवुळतुन विस्वस केवाह्‌कु, आरम दोर्कनद देसेमतगा ओळिय पग़वोर इनजोर, माक एर्का आस्ता.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.