योहन 20:25 - माडिया गोंड पवित्र सास्त्रम

²⁵ अदिह्‌क ओग़ वातस्के, “माट सामिन ऊळतोम, रा!” इनजोर ओन ओर वेहतोर. तेला मति ओग़ सेतेम पोयोग़, ओग़ इतोग़, “ओनाङ कय्कनगा मोल्‍लाना देबानु ऊळवालेवा, अगा वेळ्न्ज तोग़्किसि ऊळवालेवा, ओसो ओना सेंकाता देबातुन कय बोयिस ऊळवालेवा, ओग़ येसुसामिये आंदोग़ इन्जि, नना मुर्तिय नमोन,” इनजोर इतोग़.

योहन 20:25 Referans Kwoze

योहन 6:30

अग्डोर नाटेनोर ओन ताल्ह्‌कतोर, “अह इतेके माट नीक नमना इन्जि, माक बेद्रमता सीना तोहतकिन? निमा बाताल कीकिन?

मार्कल 16:11

येसु जीवा अरतोग़, मरियालि ओन ऊळता इनजोर केंजतोर. मति अद पोल्‍लोतुन ओर सेतेम पोयोर.

इब्रितोर 3:18

आरम कीयलाह, ओरेनाह्‌क तासतद जागातगा एवमाकिर इनजोर, देवुळि बोर मन्कलोरा लोप्पा ओङते किरिया कीता? ताना पोल्‍लोतुन केंजवोराय लोप्पा.

इब्रितोर 3:12

अदिनेनाह्‌क मावोर विस्वसिरिर, जीवात मनदनद देवुळतुन विळ्सिस दायना लेह्‌काडा लाग्वद बुदि, विस्वस केवद बुदि, मियगा मनमाकि!

योहन 21:7

अस्के ओग़ येसुसामिये आंदोग़ इन्जि, येसु जीवा कीतोग़ कग़यवाल पुतोग़, पुन्जि पत्रुन इतोग़, “ओग़ सामिये, रा!” इतोग़. ओग़ येसुसामि इनजोर केंजताह्‌कु, सिमोन पत्रु तना जगातुन नंडटुह्‌क मळ्हतोग़ (कबळते मताह्‌कु, दुस्रा बेदे जगा केग़वाय मतोग़), अह कीसि सम्दुरलोप्पा एतगा बुर डेयिसि, दडटेके नारसोर अतोग़.

योहन 1:41

अग्डाहि ओग़ मुने तमदादाल सिमोनिन वास कलियतोग़, कलियिस इतोग़, “माक देवुळ लोहतोग़ पिसिह केवाल दोर्कतोग़, रा!” (ओग़ पिसिह केवान युनानि पोल्‍लोते “किर्स्तु” इन्ह्‌तोर.)

लूकाल 24:25

पया येसु इतोग़, “मीट मुर्तिय बुदलेवोरिर आंदिर! देवुळता कबुरतोर वेल्‍लाय मुने वेहतव पोल्‍लोन विस्वस कीयलाह, बह विचर केविर?

मार्कल 16:13

पया (ओग़ येसुये आंदोग़ इनजोर पुतस्के,) वेर इर्वुर मल्स अन्जि, येसुना संगे मतोर दुस्रोरिन वेहतोर. मति वेरा पोल्‍लोतुन वने, ओर सेतेम पोयोर.

मार्कल 16:14

पया अक्रा बळयिर उदिसि गाटो तिनजोर मतोर, अस्के येसु ओरिह्‌क दिसतोग़. दिसिसि इद्रम इतोग़, “नना तेग़्कतस्के नाक ऊळतोर मन्कलोरा पोल्‍लोतुन बाराह्‌क नमविर? नमोम इनजोर बाराह्‌क कैंगम आतिर?” इनजोर इतोग़.

योहन 20:27

पया ओग़ तोमान इतोग़, “निमा नीवा वेळ्न्जतुन नावा कयदा देबातगा तोग़्किस ऊळा. ओसो नीवा कय इके मुनेह कीसि, नावा सेंकातगा बोयिस ऊळा. अह कीसि, निमा नमवोना लेह्‌का मनमा, मति उन्क-मन्क आयवा, विस्वस कीमु,” इनजोर इतोग़.