योहन 20:21 - माडिया गोंड पवित्र सास्त्रम

²¹ ओसो उंद मल्का येसु ओरिन इतोग़, “मीक सुकम दोर्कि, रेयमाटु! बहलेह्‌का बाबाल नाक इद दुनियाते लोहतोग़, अहलेह्‌का नना वने मीक दुनियाते लोहतह्‌नन.”

योहन 20:21 Referans Kwoze

योहन 13:20

इह केंजाट, नना सेतेम वेहतह्‌नन, बोर मीक एरे कीस्तोर, ओर नाक वने एरे कीतप मन्ह्‌तोर; ओसो बोर नाक एरे कीस्तोर, ओरु नाक लोहतोग़ बाबान वने, एरे कीतप मन्ह्‌तोर,” इनजोर येसु इतोग़.

योहन 3:17

देवुळि तना मग़िनु इद दुनियातोरिन सिक्सा ईयलाह लोहो, मति दुनियातोर ओना मेटे पिसना इन्जि, देवुळता विचर मता.

बळयिर 1:8

मति मियगा देवुळता जीवाता दळ्म अरतापया, मीक लाव दोर्कग़ा. अद लावते येरुसलेम सहरतगा, पूरा यहुदा पटटगा, सामरिया पटटगा, ओसो बूम मारेंगा एवनाह, नावा पोल्‍लोता साक्सितोरिर मनदकिर,” इन्जि वेहतोग़.

2 तिमोति 2:2

नना काग़्हतव पोल्‍लोन, वेल्‍लाटोर मन्कलोरा मुनेह निमा केंजतिन. अव पोल्‍लोन काळ्ङलाहि, दुस्रोरिन काग़्हतना लायकतोर सेतेमतोरिह्‌क वेहा.

मत्याल 10:40

“बोर मीक एरे कीस्तोर, ओर नाक वने एरे कीतप मन्ह्‌तोर; ओसो बोर नाक एरे कीस्तोर, ओरु नाक लोहवाल बाबान वने एरे कीतप मन्ह्‌तोर.

मत्याल 10:16

“इद केंजाट, लोळ्ङानगा गोरेन लोहतपु, नना मीक दुनियाते लोहतह्‌नन. अदिह्‌कु मीटु तरस्कना लेह्‌का सत्रल मन्ह्‌टु, मति परेवाङ मतप, नाळेह केवोरा लेह्‌का वने मन्ह्‌टु.

योहन 14:27

नना मीवा जीवातुह्‌क सुकम ईसि तासिह्‌नन. बेद्रम इद दुनिया सुकम ईस्ता, अद्रम नना एवोन. मति बेद्रम नावा जीवाते सुकम आस्ता, अद्रमे मीवा वने जीवाते सुकम आयग़ा. अदिह्‌कु मीवा जीवा आल्सुळते मनमाकि, मति मीटु दीरा पोस मन्ह्‌टु.

इब्रितोर 3:1

अदिनेनाह्‌क मावोर पवित्र विस्वसिरिर! देवुळि मीक बेद पिसमुळते केयता, अवटे मीट वने कलियतिर. अदिनेनाह्‌क येसुना लोप्पाडा पोल्‍लोतुन बेस-नेह्‌ना विचर कीस ऊळाट! ओग़ देवुळ लोहतोग़ (माक पिसिह केवाल), ओसो मावा पेर्माल इन्जि, माट कबुल आय्ह्‌नल.

योहन 20:19

अदे ऐतारमता दिया मुलतस्के, यहुदिराङ पेदल्किन रेयिसि, ओर कग़यवालोर अरातगा तेल्प केहच तालम ईसि मकिस मनदह्‌पा, येसु अगा वासि लोप्पा नेङतोग़. नेङिसि, ओरगा नडुम निचि, ओरिन इतोग़, “मीक सुकम दोर्कि, रेयमाटु!”

लूकाल 24:36

ओर इर्वुर इव पोल्‍लोङ सबेटोरिन वेहनेकेन, येसु कुदि ओरा नडुम वास नितोग़. निचि “मीक सुकम दोर्कि, रेयमाटु!” इनजोर इतोग़.

योहन 20:22

इद्रम वळ्ह्‌किसि ओग़ ओरिन ऊकुर ऊरतोग़, अह कीस इतोग़, “नना मीकु देवुळता पवित्र जीवा ईय्ह्‌नन.

योहन 20:26

पया वारममेटा पेग़्के, ओर कग़यवालोर ओसो लोनलोप्पा मनेके, तोमाल वने ओराय संगे मतोग़. अस्के तेल्पिङ केहच तालम ईसाय मति, येसु ओरा नडुम वास निच इतोग़, “मीक सुकम दोर्कि, रेयमाटु!”

3 योहन 1:14

मति नीक बेस्के कलियकन अस्केन, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, नना आसा कीयलाह आतन.