योहन 19:13 - माडिया गोंड पवित्र सास्त्रम

¹³ इव पोल्‍लोन केंजिसि, पिलाति येसुन पलत पेहच ततोग़, तचि नेयम कीयनद कुर्सते ओग़ उदतोग़. इद कुर्स गोळा इनदनद जागातगा मता (तान इब्रि पोल्‍लोते “गब्‍बता” इन्ह्‌तोर).

योहन 19:13 Referans Kwoze

मत्याल 27:19

पिलाति पया नेयम कीयलाह उदतोग़ अस्के, ओना मुते ओन्कु इह कबुर लोहता, “ओग़ सेतेम मन्कना लोप्पा, नना नग़्का पका रेय वसनाह कला कळ्स्कतन, डा. अदिह्‌क निमा ओना अग़दुह्‌क अनमा,” इता.

बळयिर 4:19

मति पत्रु, योहन, वेर इद्रम इतोर, “देवुळता पोल्‍लोतुन विळ्सिस, मीवा पोल्‍लोतुन केंजना देवुळतुह्‌क ओप्पग़ाया? मीटे विचर कीस ऊळाट!

योहन 19:8

इद पोल्‍लोतुन केंजिसि, पिलाति पकाय रेयतोग़.

लूकाल 12:5

मति नना मीक वेहतह्‌नन, जीवा ओसो मेंदुलि, इव रेंडिन आसि पिववद किसबटटा सिक्सातगा वाटिसि, बूळे कीयनद अदिकर मनदनद देवुळतुने रेयाटु.

योहन 5:2

येरुसलेम सहरते गोरे-दर्वजा इनदनद अग़दगा उंदि वेच्‍चा मन्ह्‌ता, तेना पेदिर इब्रि पोल्‍लोते बेतेस्‍दा इनजोर तासतोर. ताना कचुलि एयुङ मंडाङ पंडटव मताङ.

योहन 19:17

येसु तना हव्कनागुटातुन कांजिसि, तला-टाप्रा इनदनद जागातगा एवतोग़ (इब्रि पोल्‍लोते अद जागातुन “गुल्गुता” इन्ह्‌तोर).

योहन 19:20

येसुन वेळ्हतद जागा सहरता एरे मताह्‌कु, पंडुमतुह्‌क वातोरु वेल्‍लाटोर यहुदिर अद बलातुन अर्विंदुर. अदु इब्रि, युनानि ओसो रोमि, इव मूंड बासाने रासतद मता.